هل هذا الشعور طبيعي بعد الملكه ؟!!
 

السلام عليكم ..

انا متملكه لي شهرين ومن بعد الملكه وانا جاني ضيق والشعور بعدم الرضا من هذا الزواج .. واقول ليت ماوافقت ليتني رفضت .. مع العلم اني مستخيره ومتوكله ع الله .. ولكن مادري كيف ابعد هذا الشعور مني :( .. علما مابينا لا اتصالات ولا تواصل ..

مالحل برايكم ..

رد : هل هذا الشعور طبيعي بعد الملكه ؟!!
 

خذي فترة وفكري بالموضوع من جميع جوانبه
كذلك حاولي تتواصلي مع خطيبك يمكن ترتاحي له اكثر
ربنا يسعدك

رد : هل هذا الشعور طبيعي بعد الملكه ؟!!
 

اختي مريت بهالشعور وانتهت بالانفصال طبعا بعد مشاكل انصحك تتريثي واستخيري وفعلا حاولي تتواصلي معاه يمكن ترتاحي الله يفرج همك وييسر امرك

رد : هل هذا الشعور طبيعي بعد الملكه ؟!!
 

شوفي حبيبتي ذا الشععور اغلب البنات مروا فيه ، تتدرين من شو ، من الشيطان يبي يخرب بينك وبينه ، انا كذا ججاااني ضيق م ابيه لمن استغفرت كثير افكر بكل شي حلو فيه اقتنعت ، وراح الشيطان عني ، بنت خالي نفس الطريقه اخت زميلتي نفس الطريقه بس م اعطوا ضيقتهم بال ،
وحده من زميلاتي اخوها ، خطيبة جاها ضيق وتتطلقت م تبيه كذا فجااهه ، وطلقها فعلا بعد م تتطلقت ندمت ندددم م بعده ،
تعوذي من الشيطان كلها وساوس دام م شفتي شي منه

رد : هل هذا الشعور طبيعي بعد الملكه ؟!!
 

مدام إنك متوكلة على الله ومستخيرة الله سبحانه وتعالى .. إذن إنتي في الطريق الصح .. ولن يخيبكِ الله تعالى .. وكل اللي بيجيكي من وساوس الشيطان ..
تعوذي بالله منه .. وأعرفي إن من حقك التواصل مع خطيبك لأنه لابد أن يكون هناك تعارف بينكم يؤدي إلى التقارب والتآلف بإذن الله .

رد : هل هذا الشعور طبيعي بعد الملكه ؟!!
 

عآدي يآخجل
لآتخافي حتى أنا صار لي كذا في بداية الشهور هو فترة ويروح اهم شيء معاد تفكري فيه
وتفكري بالأيام الحلوة الي تنتظرك إن شاء الله
ولو فيه توآصل حترتاحي له أكثر
الله يوفقك

رد : هل هذا الشعور طبيعي بعد الملكه ؟!!
 

شيء عادي بحكم ما بينكم تواصل

نصيحتي لك تواصلي معه لكي تعرفي عنه اكثر

اقل شيء خذي رقمه و راسليه بالواتس اب

رد : هل هذا الشعور طبيعي بعد الملكه ؟!!
 

المكالمات افضل هوه يبادر عشان بعض الشباب اذا بادرت هي يحسب انه جرئيييه وكذا ، الافضل هوه يبادر

رد : هل هذا الشعور طبيعي بعد الملكه ؟!!
 

اختي خجل



طيب ايش السبب ؟

رد : هل هذا الشعور طبيعي بعد الملكه ؟!!
 

يعطيكم الف عافيه ع الردود ..

التوآصل اتمنئ انه يتوآصل معي عشان اعرفه وارتاح من الهم والوساوس .. بس كيف اتواصل معه وهو للآن مابادر لا باتصال ولا رساله ابدآ .. ايش الحل معاه

اما بنسبه لاسباب الضيقه فيه عده اسباب ..ومن الاسباب اني كل ماسمعت اي شي عنه مو زين اتضايق .. والوالد الله يهديه يسبه عندي

علما بانه كان موافق عليه بس ماعرف ليه يسبه .. حسيت انه شايف عليه شي ماوده يعلمني

وماانكر انه هو فيه صفات ايجابيه وحلوه .. وطبعا واكيد لابد من السلبيات ..

وهو عكسي تماما مبسووط بالملكه وطاير من الفرحه ..

وانا مادري ايش فيني والله مو بيدي .. بالعكس نفسي انبسط وانسئ واحاول ابعده هالشي عني ولكن ماقدرت الئ الان ولا انا قادره استوعب اني ملكت وانه خلاص كل شي انتهئ