منتدى عالم الأسرة والمجتمع - الحــــــــــــــــــــــــل مليون بالمية لازم يكون من طرف الحــــــريم ...

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

الحــــــــــــــــــــــــل مليون بالمية لازم يكون من طرف الحــــــريم ...

السلام عليكم ورحمة الله وبركاته

يسعد صبـآح ومساء آلجميع ...الموضوع رآح أدخل فيه مباشرة أنا من فترة كتبت عن موضوع زوجتي وها أنا من جديد ((شخص ثاني )) وصدقوني وأعيدها صدقوني أحس ألحين حتى وأنا أكتب إني مجوَف من داخلي
ما فيه كلام يوصف هالحكاية ..!!
هل تحصل مع الكل أو بس أنا لإيماني التام بسوء الحظ لدي ..؟!
تزوجت من 3 سنوات ولكن بدت المشاكل تجي بعد سنه من الزواج جاء الولد ولله العظيم لولاه انها ما هي على ذمتي لجل عينه اصبر وبصبر إلين يموت فيني الصبر ...كنت وقتها زي اي شاب يتمنى ويتمنى لكن ينصدم بالواقع المرير ... أنا بسألكم وانا الخآآآآآآآآآآآآآآطر وربي مكسور متى يصير الإهتمام جريمة ومن متى صار الكلام الحلو مهمش ومن متى صار الإنصات وطاعة الزوج (( ماني مملوكه عندك)) ومن متى صار الكلمه اللي يصير فيها نقاش بسيط (( عذر )) للزعل والهجر بالإيام ... رحم الله امرءِعرف قدر نفسه ولو ما اعرف نفسي و وش هو مرادي واللي انا اطمح له ما قلت هالكلام ...لكن ولله العظيم أنا تعبت وغير كذآ
(( قـــــــــــــــلبي )) مآ حبها أبدا ولا راح يحبها ولله كله لجل ولدي ..مشكالنا الاوله وعذر أهلها (( ماشجعتها )) وأهلي ولاكلمة وخلاص وأسكت وأنا نسيت نفسي وكل شيء لأجل أشوفه كل يوم (( مآآآشجعتها )) خبري لكل فعل ردة فعل لكن أنا بالأصل ما شفت فعل عشان تجي مني ردة فعل رجعنا بعد فتره 8 شهور عند أهلها ولله واللي رفع سبع وطمن سبع صرت أشك في نفسي أصبحت العيشه صعبه تنازلت عن مبادئ عن ((حب)) عن متطلبات بسيطه تحسسني بالشعور بالسعاده ما تتخيلون كيف كنت أطمح لأشياء وكلها بسآآآآآآآآآآآآآآطه لكن جات عندي وحده وجلال الله كبرتني على الأقل 10 سنوات حسيت إني مو أنا ...ساعات أقول ياولد عش حياتك انت 26 سنة عييييييييييييش حياتك وولدك بخير بس انفصل لكن المشكلة القرايب يعني بيصير مشاكل خصوصا هي قريبه وانا ولله ابي (( الحــــــــــــــــــــــــــــريه )) تحسها من رجعت واهي تمسك الزله علي لجل لو صار شيء تقوله لأهلها ..يعني لو جينا نشوف كشباب او عن نفسي اقول الواحد يبي زوجه يحببببببببببببببببببببببها يدري الواحد ان فيه قصة حب يبي الكلام الحلو يبي تقدر ظروفه يبي لا جاء يشكي تقول تمسك بيده وتقول انا معك يبي الإهتمام لأنه ولله العظيم من اسس الزواج الناجح التفاهم وتقارب الشخصيات لحد ما ..لكن تجي لهذي غرب وشرق وانا من رجعت ما قصرت معها بشيء رغم هذا ولله ما شفت منها ما يسرني وانا معطي نفسي وعد اتنازل لجل عين غالية علي واسكت لكن طالت وناديتها وقلت لها وش هالعيشه كل يوم بنجلس بهالطريقه قالت خلص انا بروح انام وقتها طلعت كل ما بقلبي متحملها سنه كامله..سبحان الله يوم افكر بنفسي انا ذاك المتفائل احب الحياه واحب سعة الصدر ما عدت ذآآآآآآآآآك ابدا كبررررررررت عن ذيك الأحلام أجبرتني رغم اني ولله ماني سهل اتنازل لكن الحين فيه ولد ومدري وش السواه ......؟؟ مايهمها شيء لا هجر ولا غيره ولا شيء بآآآآآآآآآآآآآآآآآآآآآآآرده وفاشله وخلاص أهم شيء تزوجت ولا تبي تحرك نفسها ... كأن هذي عمرها 40 سنه يعني اتمنى بنت تجيها وتقول عيشي حياتك تحركي حسسسسسسسسسسسسي حبي خليكي بسيطه
وتنتقد الناس وما تشوف نفسها ...؟؟؟؟؟

الأعظم والأدها والأمر (( فجأه أنا الغلطان من وجهة نظر الجميع وخصوصا لدي أم شورها الله يهديها دايم شرق والصح غرب )) يعني انا وش اسوي ان عاتبت قالو مسكينه وان سكت كرهتها زود ..ما عاد نصلح لبعض خلآآآآص ...وربي بيعيني على هالبلوى ويعلم ما في خاطري ...لاحول ولا قوة إلا بالله