|
كل واحد ينام بغرفة
السلام عليكم ورحمة الله
بعيدا عن المقدمات مشكلة الازواج كل واحد ينام بغرفه مالها حل يعني اذا الزوجة محتاجه طبطبه وحنيه وكلمتين حلوين قبل لاتنام والزوج يستأذن هاه حبيبتي تبين شي ولا شيات بنام الحين ترد عليه سلامتك وكم مره قالت له انها تخاف تنام لحالها ويتعذر والله ياقلبي مااحب المكيف (طيب احنا بعز الصيف والعيال مستحيل ينامون بدون مكيف وانا شخصيا مستحيل انام بدون مكيف ) طيب بسلامتكم والله مقدر انام عند مكيف مشكلة اعاني منها من بداية زواجي ولحد اليوم هذا او يتحجج بإزعاج الاطفال او او .. |
رد : كل واحد ينام بغرفة
كم لك على هالوضع
اذا من مدة قصيرة بادر باصلاح الامر فورا اذا تعود على بعدك مشكلة وافضل لحظات هي ما قبل النوم بداية زواجي كان زوجي يفرض علي انجيبله الفطور الى غرفة النوم اشعر بتقزز لان غرفة النوم للنوم وليست للاكل تخيلي ان يفتح الشخص عينيه على الطعام عانيت كثيرا حتى مرة قلتها لعمتي امه ليش مدلعته وتجيبيله الفطور للسرير قالت انحطة قددامة ونفتك ^_^ بعد التفكير والتفكير لقيت فيه مخرج زوجي ما يحب ياكل بروحه فبديت نفصل انحطه فطورة عالسرير ونطلع يلحقني بروحة بالفطور استعملي دهائك ايش يحب ومتى عوديه على اشياء معينة قبل النوم حتى يهوى انفاسك في كل وقت |
رد : كل واحد ينام بغرفة
عزيزتي .. الي فهمته أنه كل واحد له غرفة منفصلة ؟ ولا تنامي في غرفة الأطفال؟ ولا أطفالك يناموا معاكِ؟؟ كم سنة مضت على زواجكم؟ اقتراح الغالية أونا جميل .. حاولي تعلقيه بشي يحبه قبل وقت النوم ومن الأفضل انه تلاقوا حل وسط ( يرضي الطرفين ) تشغلو التكييف في البداية وبعدين تطفوه تكون الغرفة بردت أو العكس مهم جداً تنامو في غرفة وحدة .. حاولي تقنعيه وإن شاء الله تلاقي الحل . . . |
رد : كل واحد ينام بغرفة
اهلا بطموحي
قد يساعدك الاتفاق على قراءة صفحة من كتاب قبل النوم و كما قالت اختي الحبيبة اوونا الدهاء ينفع هنا ابحثي عن نقاط ضعف زوجك و استخدميها لخدمتك |
رد : كل واحد ينام بغرفة
حتى انتم عندكم مشكله مع التكييف
هو المكيف مين يحبه؟! الواحد ينام في أمان الله ويصحى وحلقه تعبان المهم هل المشكلة الفعلية متعلقة بهذا الجهاز لا غير؟ هل اتبعتي عدد من الحلول وما هي؟ من منكما ينام خارج غرفة النوم.. ذكرتي نفسك والأطفال ... أم أن صغارك معك في نفس الغرفة؟! منذ متى وأنت تعانين من هذه المشكلة؟ |
رد : كل واحد ينام بغرفة
اقتباس:
زوجي قبل لاينام متعود يحط الاب في حضنه ويطقطق عليه وبعدها اذا خلصت بطاريته يشغل جواله على درس علمي ويحطه تحت مخدته يعني مافي فكه يسمي بالله ثمن ينوم |
رد : كل واحد ينام بغرفة
اقتباس:
ولدي عمره سنه وعشره شهور وبنتي عمرها سبعه شهور زواجنا له اربع سنوات آخر مره قال بنام معكم بس بدون تشغيل مكيف قلت على عيني بس بشغله عشر دقائق لحد ماينامون البزران وبطفيه قال : لا قلت لو ما اشغله بجلس وياهم للفجر ماناموا بدون مقدمات شال فراشه وطلع |
رد : كل واحد ينام بغرفة
اقتباس:
استخدمت دهائي لكن ماجاب نتيجه هههههههه كنت ما اشغل المكيف لحد ماينام واسمع شخيره واتصبر عشان اتأكد من انه تعمق بالنوم بعدها اروح واشغل المكيف وانام بعدها صار قبل لاينوم يهددني لو يصحى ويلاقي المكيف شغال والله معد ينوم معي بعدها خليته على راحته وطنشته |
رد : كل واحد ينام بغرفة
اقتباس:
الحلول الي جربتها معه / -كنت اتصبر لحد ماينام بعدين اشغله وصار يهددني قبل لاينام اني ما اشغله واذا صحى ولاقاه شغال معد ينام معي للأبد -في فترة كان نظام نومي خربان واسهر لحد الفجر كنت امثل عليه اني انام معه واذا جاء الفجر نتفرق يروح ينام بالمقلط وانا اشغل المكيف بغرفة النوم |
رد : كل واحد ينام بغرفة
سبحان الله انا عكسج انا اللي احب أنام بروحي ودي كل واحد ينام بغرفه بس ريلي يرفض ويطنقر جم يوم بس
والله ماهو بيدي غصب عني أحيان تجيني حاله احس أنى بختنق وأي صج كل شي إلى راحة النوم ودج كل واحد ينام بروحه بس صدقيني متى الشوق ماهفه علي طويل العمر مصيره يجي لمج هههههه الله يعينج |
| الساعة الآن 03:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©