![]() |
محتار يا اخوان
السلام عليكم
انا متزوج من ثلاث سنوات. قبل اسبوع من الان ذهبت انا وزوجتي في زيارة الى صديقتها وجلست انا مع زوج صديقتها الى ان اتصلت علي عشان نمشي. في البيت سالتني عن اخوان صديقتها هل جلسوا معانا او لا، قلت لا بعدين سالتني عن واحد فقط من اخوان زوج صديقتها مع العلم ان عنده 5 اخوان غير هذا اللي سالت عنه. قلتلها ليش تسالي عنه قالت ما في شي سالتها مرة ثانية قالت مافي شي صراحة بديت اشك ايش معنى هذ اللي سالت عنه المهم ضغطت عليها حتى قالت انها معجبة فيه انا بصراحة اسودت الدنيا في وجهي وما عاد قدرت اتحمل طلعت وسبت لها البيت والحين افكر اطلقها لاني بصراحة جرحت جرح كبير ماراح يشفى الا بالطلاق مع العلم انها حامل. بغيت منكم المشورة محتار محتار محتار |
رد : محتار محتار محتار
شنو كان قصدها بمعجبة فيه ؟؟
قصدها اعجاب أمرأة برجل ؟؟ موضوعك جدا مختصر وما نقدر نحكم بدون ما تقول لنا النقاش كامل أعطينا كلامها هي لو سمحت .. أو السبب اللي خلاك تخمن قصدها |
رد : اشك في زوجتي
سالتها قالت هي كانت تحبه قبل ما تتزوجني هذا هو قصدها من قولها معجبة فيه.
|
رد : اشك في زوجتي
اقتباس:
ما بررت نفسها ؟؟؟ شعورها كان قبل الزواج أخي الكريم ..يمكن تسأل الان لمجرد الفضول مو أكثر .. لكم 3 سنين متزوجين وأكيد العشره أقوى من مراهقة مضت وراحت تعوذ من ابليس أخي |
رد : اشك في زوجتي
تعوذ من ابليس يا خوي ما كل كلمة انقالت تخرب بيتك عليها خليها تحس إنك تضايقت من الكلام اللي قالته بس لا تنهي كل شي بنزوة قبل الزواج .. ما كانت تعرفك فيها .. ولو إنه أسميه مشاعر لا أكثر |
رد : اشك في زوجتي
بس يا اخوان انا انجرحت ليه ما تحسو فيني
|
رد : اشك في زوجتي
السلام عليكم /امر الطلاق عظيم وبما انها قالت لك فاعلم انها الان لاتكن له شيء والدليل انها قالت لك لو هي خبيثه ماقالت لك لاتخرب بيتك قاطعها من الكلام عتاب فقط
|
رد : اشك في زوجتي
اقتباس:
بس إنت اللي جبت لنفسك وسألتها وأصريت:29: عاتبها .. ازعل .. وشوف كيف راح تركض وراك تبا رضاك الله يهديك يا خوي لا تكبررها وهي صغيرة |
رد : اشك في زوجتي
ليتك لم تسال
الان العتب ليس في الاعجاب القديم بل العتب في السوال صراحة |
رد : اشك في زوجتي
كان الله في عونك اخي الكريم
سمي بالرحمن واهدا ان شاء الله تنحل ما في شي صعب اخي لا تحاسبها على شي ماضي يعني افكار مراهقة وراحت في حال سبيلها لا تسعى تعرف شي اكثر انسى الموضوع ازعل منها ولا تكلمها كم يوم وشوف هي كيف بتراضيك وتصالحك وتبرد نارك وتنسيك كل شي لا تترك للشيطان باب يدخل فيه لك ويخرب حياتك عشان شي راح ومضى وانتهى هدي حالك نعرف ان الي سمعته شي عظيم لكن ما يستاهل تهدم بيتك وتشتت شمل اسرتك وتحرم ضناك الي جاي بالطريق من ان يعيش بين والديه اهدا اخي وتعوذ من ابليس وقوم صلي واقرا قران يهديك واترك الموضوع لربك هو يعدله ويسويه لك صدقني ان لجات لربك الرحمن الرحيم ما تعود تشوف هالموضوع بنفس النظرة الي انت الحين تشوفه صغره بيصغر ربي يسر امرك ويصحل حالك ويجبر بخاطرك |
الساعة الآن 09:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©