![]() |
زوجي يخونني وأنا توي عروس
:21:السلام عليكم ورحمه الله
اكتب ودموعي على خدي لم تقف ابي حل سريع قبل مايصحى زوجي هل أواجهه لأني خلاص ماقدر أتحمل تصرفاته لنا عشره شهور من تزوجنا ولاحظت من شهر تقريبا زوجي متغيرررر حتى الجماع صرت اطلبه كل أسبوع يوم واحيانا لا بعد ماكان الشهور الي راحت كل يومين أو يوم تقريبا لا تقولون منقصه عليه شي وربي حنان وأعطيته حب وكلام حلو ماينام الا على أحبك وأعشقك ومن ها لكلام البيت نظيف وأنواع له في الأكل مراعيته في كل شي حتى السوق ما عمري كلفت عليه الصلاه دائماً انصحه ماياخرها واذكره بالله كل شوي يعني مدري وين الغلط عشان يروح يدور ها لأشياء الواطيه المهم أنا صراحه ما أفتش في جواله كثير بس أحيانا أفتحه وما يقول شي الحين فتحته وهو نائم لقيته محمل البارلينقو مشترك بأربع غرف سكس المشكلة مؤ هنا المشكلة لقيت وحده مرسله له عالخاص كاتبه مرحباً وهو رد كاتب أهلين أواجهه وإلا شوي دلوني تكفون وربي أحس الأرض تدو فيني أحس اني بدوخ رود علي قبل مايصحى |
رد : زوجي يخونني وأنا توي عروس
وعليكم السلام ورحمه الله وبركاته
كان الله بعونك اختي والهمك الصبر وهدا زوجك اختي ما انصحك ان تكلميه الحين خصوصا انك من الحين ودك تبكي فما راح تقدري تواجهه او تكلميه بكامل قدرتك اصبري شوي الى ان تتاكدي اكثر او الى ان تكوني قادرة اكثر على المواجهه لان الواضح انك ما راح تقدري تواجهه ويمكن تقولي شي تندمي عليه او تخسري حجتك ويقلب الموضوع عليك وبعدها يصير عيني عينك اصبري شوي وان شاء الله احد الاخوان والاخوات -اصحاب الراي السديد يساعدك ويوجهك اكثر لان انا الصراحة ما اقدر افيدك اكثر من ان اوصيك ان تاجلي المواجهه الان الى ان تقدري تواجهه وانتي قادرة وعارفة شنو تقولي وشنو ناوية الموضوع يحتاج تفكير اكثر وحكمه بالتصرف وابتعدي عن الاستعجال ربي يصبرك ويعدل امورك ويجبر بخاطرك |
رد : زوجي يخونني وأنا توي عروس
مععليش سامحوني عالاسلوب والإملاء اكتب من الايباد و يعقد في الكتابه
ونسيت نقطه مععليش الي هي اني متأخرة في الحمل ونفسيتي مررره معدومه بس مع هذا ماني أبين له وأقول مؤ لازم احمل الحين خلنا نرتاح منهم لاحقين خير مع العلم اني اتعالج الحين بس ما أحاول أنبهه لهذا الشي |
رد : زوجي يخونني وأنا توي عروس
مشكوره أختي الله يسمع منك انتظر ردود الباقين
|
رد : زوجي يخونني وأنا توي عروس
القسم الأنسب |
رد : زوجي يخونني وأنا توي عروس
وعليكم السلام
يا بعد عمري الله يكون بعووونج حبوبتي ويصبرج حقريه طنشيه خل يحس بغلطه الله يعين قلبج |
رد : زوجي يخونني وأنا توي عروس
اختي اذكري الله وانتبهي تواجهينه مو زوجك وبس الي يدخل المواقع هذي تهيئت للكثير من ضعاف الوازع الديني وبنصحك نصيحه اخت قولي تصدق يا فلان ان صديقتي منهاره شايفه زوجها يناظر مواقع اباحيه ماخاف ربي يقبض روحه وهو يشوفها انصيحه لكن بوجه غير مباشر قربيه من الله استبدلي ريسفركم بالفلك الاسلامي ارسلي له الرسائل التي توعظ القلب انصحك بحملة استح لزد رصيدك 3. افرشي سجادتك وادعي له ان ربي يهديه ويغفر له زلاته صدقيني اذا واجهتيه مراح تستفيدين شيء بلعكس بينكسر بينكم شي كبير اسأل الله ان يغفر له ويهديه لما يحبه ويرضاه وعليك بلاستغفار
|
رد : زوجي يخونني وأنا توي عروس
اجلسي معه وامدحيه واثني عليه
ثمن صارحيه بكل هدوء واريحيه |
رد : زوجي يخونني وأنا توي عروس
جزاكم الله خير تعوذت من إبليس وهديت من روعي شوي بعد ما صحى من نومه سويت ان ما فيني شي مع ا اني كنت ابكي وربي اربع ساعات متواصلة وقعدنا عالتلفزيون وأنا اتفرج فتح جواله واسمع نغمه البرنامج الخبيث يعني كان يتفرج قلت فرصه وسألته وش هالنغمه قال هو الجوال كذا قلت لا يكون تويتر قال لا قلت ورني أشوف واسوي نفسي اتلقف بمزحه شوي وكان يصد الجوال عني وفتح تويتر بسرعه قلت ترا ماني مرتاحه لتويتر هذا كله مراهقين قال لابس أتابع المشاهير بس قلت لا مععليش انا واثقه فيك بس عشان يرتاح قلبي احذفه ونشبت له شوي قال خلاص وحذفه قلت طيب الفيس بوك بعد احذفه ورفض أنا ما فكرت في الفيس بس ابي أوصل للبارلينقو لأني أسوي نفسي ماعرفه بعد ما رفض زعلت وقلت ترا( ربي حارمنا من الذريه بسبب ذنب واحد منا يا انت يا أنا معا اني كل يوم أتوب لربي ألف مره واستغفر واتقرب له حتى صلاه الليل ما اتركها لاتكون انت سبب حرمانا ) بعدها على طول أخذ جواله وحذف جميع البرامج وأنا ما عطيته وجه ولا عاد كلمته ونسيت السالفة كليا وقعدت اتفرج عالتلفزيون ونسى هو بعد الأمر الحمد لله ان شاء الله ربي يهدي قلبه لا تحرموني دعواتكم ان ربي يسخره لي ويهديه للطريق الصحيح
|
رد : زوجي يخونني وأنا توي عروس
انت حذقه وذكية بالفطرة
1-اكتشفتي وسيطرت فيك العاطفه التي تكاد تنتشر كالهواء 2- سجلتي لتفرغيها في مكان يجهلك فيه الجميع حتى زوجك حتى يهدأ ! لانك تدركين ان وراء التفريغ مع الأقارب او الزوج بلا طريقه منهجية إرباك وتوسيع لإبعاد المشكله 3- عاد لك عقلك وتناول المشكله بحجمها الحقيقي المنطقي بلا مجهر عاطفي يكبر الامور 4- استعاد اتزانه ليربط بين الهدف والوسيله وقرر ببساطه عنك وعن قلبك وعنا! 5- اختار ان يخبره عن نعم أحلى من الشهد من الله تنتظر صفاء نية بدل ان يخبره ان الحلوى المحرمه مالحه لانه لن يصدق وسياكلها بالخفاء انت بارعه بالمناسبه لا تحتاجين لنصح ولكن لك هذا لا تذكريه بالحلوى الإبليسية ولكن دعيه يرى ويدرك ويلمس نعم ربانيه أحلى من الشهد وسينسى كل شيء ويشمئزه باذن الله |
الساعة الآن 01:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©