|
ملكت من اسبوع .. انصحووني
السلام عليكم ..
ملكت من اسبوع و اتواصلت معاه .. و للحين رسايلنا حب و اصبح عليه احياننا و احياننا امسي عليه .. و هو يما يبادر يرسل ادا رسلت هو يرد . ما ادري هو خجول ولا ايش سالفته ودي اسولفه اعرفه بس مستحيه انا ابدا .. الي اعرفه الرجال يبادر بالاتصال و بالرسائل .. و نفسي يسولفني .. سالته كيفك رد قال بخيير .. و ما سالني عن حالي :( احسني انا الرجال .. اضغط على نفسي بالرسائل لانه هدفي اتعرف عليه و كل ما استشرت احد انتبهي لا يحسبك كدا لا ياخذ عنك فكره .. طيب زووجي :21: كيف اسحب منه الهرج و عادي اكلمه .. ولا ينقص من رجولته و بعدين يحقد علي " مع انه يرد عادي ادا انا بادرت " تركته يوم ما ارسلت ما ارسل .. :rolleyes: الله يخليكم ريحووني .. |
رد : ملكت من اسبوع .. انصحووني
أشوف انك استعجلتي بالمبادرة جداً
الثقل زين .. تقبلي رأيي .. |
رد : ملكت من اسبوع .. انصحووني
السلام عليكم ... شوفي اختي هذا الشيء عند الشباب كلهم واتذكر زمان كتبت موضوع او كتبت رد طويل بهذا الخصوص ان بعض الشباب يعتقد كذا انه ثقيل وبيكسب زوجته ويبين لها من البدايه انه مو متعلق فيها وان حياته اوسع من نطاق وجودها في حياته .. يعني بعض الشباب بيوصل رساله لخطيبته انه انا بوجودك وبعدمك عايش او اني ثقيل ومشغول وترا هذا الشيء بكل الشباب لكن بشكل وسط يعني برضو مو حلو الرجال يجلس يراسل البنت ويكلمها ليل مع نهار ويلصق والسماعه ماتنزل عن اذنه صراحه انا ماني مع هالناس مره واتضايق من هالتصرفات الوسطيه حلوه وانتي لو بادرتي مره اتركيه يبادر الثانيه ولو سال عن حالك مره انتي ارجعي واسالي عن حاله يعني خلي الامور فيها تبادل بينكم وهالفتره اخذ وعطى ومثل ما انتي تحبي تكوني ثقيله هو بعد يحب يكون ثقيل ومثل ما انتي تحاولي احيانا تغطي شوقك له ولرساله منه هو نفس الشيء بيسوي عشان كذا احسن حل لو سالتي عنه لا ترسلي له شيء ولا تكلميه لين هو يرسل لك ولو سالك عن حالك .. واجب عليك تسالي عن احواله ولو صارحك وبدأ يبين لك مشاعره مافي مشكله تبدأي تبيني له مشاعرك وبهالطريقه لا تكوني ظلمتيه بتقصيرك معاه ولا تكوني بادرتي وحسيتي نفسك انتي الرجال وبنفس الوقت ماحد فيكم قصر مع الثاني لكن شيء مو حلو انك تبادري وتسالي وترسلي التنازلات بهذا الشكل سيئه والزواج شرآكه بين اثنين .. وكل طرف فيها لازم يقدم للطرف الثاني يعني اخذ وعطى |
رد : ملكت من اسبوع .. انصحووني
الله يسلمكم من كل شششر ،،
سكراا انا استشرت اخوي لان الرجال يعرفون لبعض و ايدني مرااا عشان كدا عادي بالنسبه لي ،،،،، ابو عقيل كلامك عيين العقل و ان شاء الله بصبر و ما برسل ،، بس انا عفويه يعني اذا رد علي استرسل بالكلام و اسئله اول ما اسكت يسكت >< |
رد : ملكت من اسبوع .. انصحووني
إذا انتي مستعجله على التعارف راح تحرقين اشياء كثيره حلوه
كوني السهل الممتنع ولاتنسين ان بعد الزواج راح تشبعين من التعارف والتواصل بجميع انواعه |
رد : ملكت من اسبوع .. انصحووني
هذي احلا ايام ...... عسى ربي يوفقك ويهنيك .......
والثقل والتغلي شيء مفروغ منه لازم بين كل العرسان ....... وباذن الله مافيه الا كل خير .. والعفويه حلوه برضو .. كل شيء بوسطيه حلوه .. واكيد الثقل والتغلي بزياده يفقع الكككككبد .. وماله داعي يعني .. يضيع احلى ايام العمر .. |
رد : ملكت من اسبوع .. انصحووني
مشكوورين ''
الحمدلله الوضع صار عادي بس ما تناقشنا بااي موضوع للان هل عادي ارسله مقاطع عن التاهيل للحياه الزوجيه. ولا خطا كذا ،،، فيدوني الله يسعدكم قلقاانه |
رد : ملكت من اسبوع .. انصحووني
انا قلت نستفيد الاثنين بس بعد ما فكرت
قلت لا يكون يفكر اني ماني وااثقه بقدرته و اخاف يزعل و ما يقول لانه علاقتنا ما وصلت لذي الدرجه |
ماا ابغااه كرهته ،،،
السلام عليكم
ي اخواني فيدوني الله يسعدكم ،، وربي ضايقه بي الارض و ودي امووووت :24::24: كرهت نفسي من الصنم الي عندي افكرر اني اطلقه و افسخ العقد ،، ايش دا مافي لهفه ولا شيء ،، و كمان يبغى حياه حلوه ما يعرف يتصرف ،، ما حط قواعد نمشي عليها بعلاقتنا و لا اعرف عنه ولا شيء ،، و يتكلم عن اخوه يقول مبسوط يكلم زوجته طيب وشش هالبرود ولا بباله يتصل هو مطلق ،، و اخاف انا افشل كمااان معاه السبب منه الطلاق ما تقبلهاا هل اطول فترة الملكه ،، لانه مفروض الزواج بعد ثلاث اشهر. لي يومين نفسيتي زفت اكيد حدسي بمكانه و فيه مشكله ليه علاقتنا مو قويه ،، ولا يحاول يتقرب مني |
رد : ماا ابغااه كرهته ،،،
السلام عليكم ....... لا تشبعي عقلك بافكار مالها اصل ... شوفي لو افكارك لها اساس ولها اصل وبناء عليه اتخذتي قرارات .. مافي مشكله لكن لا تشحني نفسك وعقلك الباطن بهالافكار ( طلاق - كره - فشل .. ) بدون سبب قوي ومتأكده منه .. يعني ماتعرفي انتي ليه ما يسأل . مشغول . عنده ظروف . يمكن يحاول يتثاقل عليك شوي . يمكن هو يفكر انه بقربه منك بزياده بيضايقك وبتحسي انه ملصق فيك ! لكن من ناحية انه باقي مو واضح لك . وحابه تفهميه اكثر وتقربي منه ويقرب منك . هذا من حقك . لكن ليه ماتصارحيه بهذا الموضوع ؟ يعني وقت ماكلمتيه وجلستي معاه . قولي له / انا حاسه انه باقي ماعرفتك اكثر ومن حقي اعرف شخصيتك واحس ان العلاقه بينا للان ضعيفه . واكيد بيسألك ليش تقولي كذآ وايش فيك وايش السبب .... وقتهآ اسكتي وهو الي بيحاول يقرب منك .. ويعدل من وضعه .. |
| الساعة الآن 01:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©