منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   العلاقات الأسرية والإجتماعية (http://www.66n.com/forums/forumdisplay.php?f=91)
-   -   غير متقبله لفكرة الزواج .. (http://www.66n.com/forums/showthread.php?t=244252)

همس وضجيج 14-05-2013 07:50 AM
غير متقبله لفكرة الزواج ..
 
بسم الله الرحمن الرحيم ..

السلام عليكم ورحمة الله وبركاتهـ ..

..

اممم ..

ما اعرف من فين ابدأ بالزبط ..

ممكن تكون مشكله بالنسبه للجميع تافهه ..

لكن تشغل حيز لا بأس بهـ من تفكيري ..

انا عمري 20 وداخلهـ ع ــال21 اذا اراد الله ..

كول محور حياتي ..

اهلي + دراستي ..

ودحين اهلي نفسهم اني _ اتزوج _ سابقاً كانوا يرفضوا العرسان لأني في المدرسه ..

ودحين انا في الكليه واذا قولت دوبي عالزواج ودراستي ..

قالوا عادي كمليها عند زوجك واللي قدك واصغر منك عندهم بزوره ومحد دايم لك ومن هالكلام ..

..

ما اخفيكم ..

انا لمن جلست افكر في الموضوع ..

مدري ..

لقيت انو الزوج ماليه محل في الإعراب .. والزواج عموماً ماكان عمرو من اهتماماتي ..

كول خططي سواء اثناء الدراسه او بعدها ماكان من ضمنها الزوج ابداً ..

ومو متخيله ابدا اكون لحالي مع واحد غريب ..

يمكن تقولوا ايش دي المبزره والتفكير الغبي ..

بس جد انا مو متقبله فكرة الزواج ابداً وعندي رهبه من أي رجال غير محرم ليا ..

صحباتي لمن اتزوجوا قالوا اتزوجي والله الزواج حلو خرجات والخ الخ .. واومي لمن تعرف انو أي وحده من صحباتي اتزوجت قالت يالله باقي انتِ _ كتشجيع مو طفشاً مني _

لمن افكر ..

اشوف الزواج مسؤوليه كبيره مره .. احس مو كولو عسل زي مايحكوني ..

اخاف اختياري للزوج مايكون موفق .. اخاف تأثر المشاكل على حياتي لمن اتزوج ..

كول ما افكر في الموضوع تجيني الف فكره وفكره وفي الآخر اقول ليه اتعب نفسي وافكر ..

اجلس في بيت اهلي احسن .. لا مسؤوليه كبيره ولا انا مطالبه برضى احد غير اللي ربوني ولا احد يفرض سيطرتو عليا ..

هل دا شيئ طبيعي .؟ اقصد مخاوفي وعدم اقتناعي بفكرة الزواج ...؟

أم خالد. 14-05-2013 08:30 AM
رد : غير متقبله لفكرة الزواج ..
 
اهلين يا قمر


ماشاء الله .. توك صغيرة على التفكير بالزواج

حلو انك تدرسين و طموحك عاالي ماشاء الله

مخاوفك يا اختي طبيعيه جدا ... أغلب البنات في السن هذا


يفكرو زيك ..


بس انتي لا تفكري انو الزواج راح يعيقك عن الدراسة و اكمال حياتك

زي ما تحبي و تفكري

بالعكس الزواج ممكن يكون سبب اكبر لنجاحك في حياتك

العلمية ... يمكن تتزوجين واحد يقّدر الطموح و يفضل المرأة

العاملة و يساعدها .. و ممكن لا



و الزواج زي ما قلتي انتي .. مسئولية كبيرة


صح مسئولية .. لكن مش من البدايه كذا

شوية شوية .. تتعودي ... وبالتدريج


و خاصة لما تخلفي اطفال .. حيكونوا هم كل حياتك

و تحسين بطعم الحياة أكثر

بس اهم شي انتي لا تشغلين راسك بالأمور ذي

الزواج حلو ولا مو حلو ... كيف حتزوج .. غريب و مدري ايش


عيشي زي منتي و خلي في بالك دراستك و والدينك وبس


ولا تسبقين الأحداث


الله يسعدك و يوفقك

همس وضجيج 14-05-2013 08:49 AM
رد : غير متقبله لفكرة الزواج ..
 
هلا بك ياقلبي ..

لا والله عمري مافكرت فيهـ ..

لكن قبل كم شهر اومي اخدت رأيي في شخص متقدم ولمن رفضت قالت اللي قدك متزوجات وعندهم بزوره ..

ولمن قولتلها من اللي خايفه منو .. قالتلي نفس كلامك .. اني اكمل عندو والخ ..

وادتني فرصه افكر واتخذ قرار بخصوص الزواج ككول وتبغى تعرفو في الاجازه دي ..

انا اقول اني لسى صغيره على مسؤوليه كبيره زي دي .. بس اهلي شايفين اني كبيره كفايه اني اتحملها ..

شاكره لك كلامك الجميل ربي يسعدك ..

طموحي متميز 15-05-2013 06:12 AM
رد : غير متقبله لفكرة الزواج ..
 
اول مسؤلية الزواج كبيرة في زمن جداتي وجداتك .
اما الحين مسؤلية الزواج تغيرت تماما .

الحين لو الزوج عزم ربعه عزيمه كبيره بيحطها في استراحه او طلعة بر ..

واذا الزوج عزم شباب مقربين له مره راح وياهم لاقرب مطعم ..

واذا حب يقابل صديقه راح لاقرب كوفي ..
في هالوقت تغيرت اشياء كثيره ..

-اما عن متطلبات الزوج وكيفية التعامل معه ...

س/الزوج وش يحتاج من الزوجة ؟
حسن طاعه وحسن تبعل فقط .

ahmedibrahim 16-05-2013 10:00 PM
رد : غير متقبله لفكرة الزواج ..
 
لكل شىء فى الدنيا مزاياه وعيوبه
الزواج بالفعل مسئولية لكن ممكن تتدربى عليها وانتى الان فى بيت اهلك او حتى فى اثناء فترة الخطوبة
اما المزايا فهى تحصين الذات وارضاء للرب وتنفيذ لأمر الرحمن بزيادة الذرية المسلمة
بالاضافة لتفريغ شحنة الحب فى انسان يرتاح قلبك له وتشعرين انا الزوج والاخ والاب
انصحك بالا ترفضى انسان ذو خلق ودين
وفقك الله

raw3a4u 28-05-2013 12:28 PM
رد : غير متقبله لفكرة الزواج ..
 
أنتي لا تقولي رافضه الفكره،

قولي مش مقتنعة.

وشوفي الرجال كيف طبعة كيف تفكيره و مبادئه و أهدافه و طموحه وجي
و اذا حسيتي في توافق كملي و اذا ما حسيتي في توافق قولي مش متفقين، ليش بعد أكمل!

و على فكره اتكلمي مع الشخص هذه وشوفي وجهة نظره من تكملة الدراسه و العمل و كل الاهداف اللي تسعين ليها. هل يعترض عليها؟

و شوفي محيطة الإجتماعي كيف عيشة البنات و الحريم عندهم...

في وايد نقاط، عموما بتاخذي خبره من أول تجربة خطبة.

موب شرط توافقي على أول واحد يدق الباب !

همس وضجيج 25-07-2013 05:23 PM
رد : غير متقبله لفكرة الزواج ..
 
^
لم اذكر ياجميله انو اول شخص يتقدم ..

..

عالعموم الحمد لله انتهى الموضوع على خير برفضي للموضوع جملة وتفصيلا في الوقت الحالي ..

جزاكم الله خير عالتجاوب ..

..

مارد الجنوب 25-07-2013 08:13 PM
رد : غير متقبله لفكرة الزواج ..
 
يغلق.................


الساعة الآن 10:38 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©