ابي افطم بنتي بدون ما احس بالذنب .....ساعدوني
 

السلام عليكم

كيفكم امهات
ان عندي طفله عمرها تقريبا سنه الا اسبوعين وناويه افطمها من الرضاعه الطبيعيه
بس المشكله انها ماترضع صناعي ابد واكلها خفيف حتى الرضاعه من الصدر
طول النهار تكون خفيفه مره ماتكثر
بس وقت النوم ترضع كويس وهي نايمه


ابي مساعدتكم ومشورتكم
بنتي الكبيره كنت اتضايق من رضاعتها حتى هي طبيعي بس
ما كانت تجلس وترضع مره وحده لمن تشبع لا ترضع وتلعب وهكذا ماقدرت افطمها بدري اخاف عليها وقلبي ماطاوعني تقريبا فطمتها قبل ماتكمل السنتين بشهر وصارت تاكل ماشاء الله وتشرب الحليب فالكوب وبالمزاز
والان مع بنتي الصغيره اخاف اظلمها واحس بالذنب لاني مابكون عادله بينها وبين اختها بس ابيها تتغذى مزبوط وتصير تاكل وتشرب حليب مثل اختها لان حاله ضعيف


اش تشورون علي يا امهات
انا برضو شايله هم كيف راح تشرب حليب لان الرضاعه الصناعيه احطلها فيها مويه بس ماترضعها تجلس تلعب فيها وتعضها والكوب ماتعرف تمسكه

كيف اسوي معاها 😔

رد : ابي افطم بنتي بدون ما احس بالذنب .....ساعدوني
 

اسمحوني كلامي احسه مو مرتب لان اكتب من الجوال

رد : ابي افطم بنتي بدون ما احس بالذنب .....ساعدوني
 

بنتك صغييييييره وعشان ما تحسي بتأنيب الضمير خليها تاخد كفايتها من الرضاعه ‏

الرضاعه ما تعرف تمسكها وتلعب بها عشان ما تعودت عليها من وهي اصغر من كده ‏
لكن ان شاء الله بتتعود عليها لكن اصبري عليها شويه ‏

انا فطمت ابني على السنه ونص وحتى الآن ضميري يأنبني على فطامه في هذا العمر فما بالك بسنه إلا شهر

لا تستعجلي حبيبتي ان شاء الله بكره تتعود على الرضاعه الصناعيه وبعدين كل شي بالتدريج ‏


ربي يحفظها لك

رد : ابي افطم بنتي بدون ما احس بالذنب .....ساعدوني
 

جزاك الله خير ام محمد
طيب كيف اخليها تحب الحليب الصناعي
حالها مره ضعيف تمشي وتطيح ما احسها توزن نفسها بسم الله عليها

رد : ابي افطم بنتي بدون ما احس بالذنب .....ساعدوني
 

انتي ليش تبين تفطمينها الحين ..؟


ترا مرة صغيرة حرام خليها دام متعلقه فصدرك

هي ماخذته لعب و غذاء خليها تكمل سنتين بعدين افطميها


بعد سنتين يصير عندها اسنان و تاكل معتمدة على اسنانها

مو زي الحين اذا فطمتيها تضطري انك تهرسي لها الوجبة حقتها


راح تتعبين معاها اذا فطمتيها قبل سنتين


انا بصراحه ما اؤيد انك تفطميها ابدااا

الرضاعه كويسه عشانك ، وعشانها قبلك


صح انها بتنشفك .. لكن انتي اهتمي و خذي فيتامينات و كلي

اكل صحي و يدر الحليب .. عشانها



الله يحفظها لك و يحميها

رد : ابي افطم بنتي بدون ما احس بالذنب .....ساعدوني
 

انت غلطتي لما ما عودتيها عالصناعي وتركتيلها لو نص رضعه المهم انها تتعود على الرضاعه
وبتفطمينها وهي كذا ضعيفه .... حرام عليك ليش كذا
يعني لا رضاعه ولا اكل وكمان بتفطمينها وهي اصلاً مو مكلفه عليك ولازقه فيك ومشغلتك.. !!!!
أنصحك تعودينها عالكوب المخصص للي في عمرها
وطول النهار دامها ما ترضع منك اكليها كل شوي ... كل ساعه اكليها شي لحد ماتتعود عالاكل
يبيلك وراها طول الوقت بالصحن والملعقه والله يعينك ويكتب أجرك بس لا بد من التعب

وعرضيها للشمس واذا ماقدرتي الصبح عندك بعد العصر بإذن الله اسبوعين وراح تشد وتتزن مشيتها
وزوجي كان يسوي حركه في ولدي ... يفتح الشباك ويجيبه ويجلسه ويجيب شال صوف ثقيل ويلفه على ولدي ويربطه في حدايد الشباك ويخليه في الشمس عشر دقايق أو ربع ساعه وهو جنبه
طبعاً اول مره شفته سواها فيه بغى يغمى علي من الخوف بعدين لقيته حل مناسب الولد مندمج ومبسوط وزوجي ما يبغى يوقف على رجوله طول هذا الوقت وانا عندي غيره الله يحفظهم يعني مشغوله
المهم نظفي الشباك كويس والله يعينك... واذا لقيتي احد يمسكها يطمن قلبك اكثر

رد : ابي افطم بنتي بدون ما احس بالذنب .....ساعدوني
 

جزاكم الله خير الجزاء
انا فعلا غلطانه لاني ماعودتها على الصناعي من اول بس كنت اعطيها فالنفاس مره فاليوم ولان صدري كان مليان ويوجعني صرت اعطيها يوم بعد يوم بعدين نستها وصارت ماتبيها غيرت لها الحليب ثلاث مرات ولسه ماتبيه

الحين ما شاء الله اشوف الاطفال اللي على الصناعي صحتهم زينه ومتعافيين الله يحفظهم وبنتي بس على صدري وضعيفه (يمكن حليبي مافيه فايده لها ، يمكن العناصر الغذائية اللي فالصناعي اكثر وفضل )
ومثلكم عارف صعبه لمن تطلبه وانا برى البيت سواء مستشفى او سياره او زياره وهي بس ماخذته لعب مثل ماقالت الاخت الفردوس غايتي
استخدمت معاها الكوب بس لسه ماتعرف على طول تشرق فيه والاكل تاخذ كفايتها بسرعه من اول خمس او ست ملاعق
الشمس تدخل عالبيت بس مقدر افتح الشباك لان علينا كشف

جزاكم الله خير ماقصرتوا
الله يعطيكم العافيه ويحفظ لكم عيالكم يارب

رد : ابي افطم بنتي بدون ما احس بالذنب .....ساعدوني
 

حرام ليش تفطميها ؟

الحليب الصناعي يسبب لها اسهال و مشاكل إنت و هي في غنى عنه ..
عوديها عالأكل ، لو لقمتين من الأكل اللي تاكلوه .. بس لا تفطميها ..

رد : ابي افطم بنتي بدون ما احس بالذنب .....ساعدوني
 

ياختي هو فين الطفل اللي يقعد مع أهله وياكل لحد مايشبع ..... لازم نقعد وراهم ووجبات أشكال ألوان الله المستعان

بالنسبه للشباك تقدري تعملي نفس الحركه وتخلي الستاره من ورا ظهر بنتك ومحد يشوف من في الغرفه اهم شي احد عندها ويشيك عليها بالثانيه.... واكشفي عن رجولها....
الامور سهله لا تشيلي هم وتتكدري عليها

رد : ابي افطم بنتي بدون ما احس بالذنب .....ساعدوني
 

الله يعطيكم العافيه جميعا

قررت ان شاء الله ماراح افطمها الان
جزاكم الله خير