|
انصحوني
السلام عليكم
بقول مشكلتي وارجووووكم جميعا نساء ورجال حسو فيني لاتهونو مشكلتي ولا تكبروها انظرو اليها من زاويتي وزاوية زوجي وضعو انفسكم مكاننا وانيروني بحل احنا مغتربين يعني في مدينه غير اللي يسكن فيها اهلي واهل زوجي لدينا طفلين وحياتنا في الغربه جميله ورائعه امه وابوه يحبوني وراضيين عني وامي وابوي يحبون زوجي وراضيين عنه مشكلتي اذا رحنا لمدينه اهلنا زوجي لايهتم بي مطلقاااا لايعترف بوجودي انا اعلم انه حاب يشوف اهله واخوانه واصحابه لكنه يهملنا بامور ضروريه مثل لو احتجت مستشفى لاولادي احس اني مو متزوجه لو رحنا يتركني عند اهلي او يلزمني بالبقاء مع اهله وبكل الحالتين انا اعاني كل مره نروح يكون مشغول الذهاب مع اهله للتمشيه وانا اكون عند اهلي ولايفكر ياخذني معاهم ادري بتقولو ليه ماتكوني مبسوطه عند اهلك لانه يحسسني ان اهلي اقل من اهله ترابط وهذا اللي صاير فعلا يعني لما يجي ياخذني من عند اهلي يسالني وش سويتو خرجتو رحتو لمكان وانا اقول لا واوقات اكذب بس مليت اكذب ليه واحس بشعور غريب لما يسالني وصار يستعمل هذا الشي ضدي ويبتزني مثل يقول بتركك عند اهلك اسبوع وانا لاحاجه لي ابقى عند اهلي ابغي اروح لبيتي ويصير يسال ليه ماتبغي تجلسي عند اهلك وكل اهله يتعجبون صرت اضطر ابرر لهم ليش ارجع مع زوجي كرهت حياتي واخر شي تناقشنا واحنا مسافرين بيتنا قال انا ماتوقعت تجين معي كنت افكر تبغين تقعدين عند اهلك كل ماساته عن شي رد علي بنفس الجواب الين انهرت وصرت اصارخ ابيه يرجعني لاهلي وصار يعتذر ويتاسف وجلست ليله كامله ابكي ابكي على زوج مضطره ابرر له ليش ارجع بيتي وابكي على اهله الللي لازم ابرر لهم ليش راجعه مع زوجي وابكي على اهلي اللي مافكرو فيني ولايبوني اجلس عندهم اهلي ماالومهم لان اختي معها طفلين مطلقه عنهم واخوي الكبيرعنده اربع اطفال ساكن عندهم واخوي زواجه قريب برضه بيسكن عندهم كلهم ببيت واحد وصغير بعد غير الضيوف فانا لو رحت اجلس بغرفة الضيوف احس احسن شي اخفف عنهم واخرج ارروح بيتي انا الوم اهل زوجي لانهم يلوموني ان اهلي مايعاملوني مثل ماهم يعاملون بينتهم ويطلعون معاها مشاوير ويكرموها ويتمسكون فيها ولو جات حطولها جناح كامل وحدها هي واولادها اهل زوجي عندهم خير ويحبون يكرمون بناتهم ويدللونهم بس انا اللي انا اعاني ولايراعو مشاعري ولا يسكتو عني ويخلوني بهمي اعترف اني كرهت زوجي وكرهت اسلوبه وكرهت حياتنا يحاول يصلح بس بالقلب شي مكسور عيا يتصلح |
رد : انصحوني
اقتباس:
طب انا حااقول حاجه قبل ماندخل فى التفاصيل انتى بتسيبى جوزك ليه لماتنزلوا رجله على رجلك وخليكى متشعلقه فيه ولو قالك روحى عند اهلك قوليله مش باستغنى عنك نروح لهم سوا بكره مش عيب وقوليله اصلى باحب حماى وحماتى واللمه بتعتكم وعيشى متعة وحلاوة الدنيا هو لازم اروح لاهلى علشان اتنكد |
رد : انصحوني
الوالد روؤف
هو يطلب مني اروح لاهلي اذا كان يبغي يقضي وقت مع اهله كعائله فقط بدون احد من خارج العائله بس اوقات اجلس في بيت اهله بس مااستفيد شي لان اخوانه بيكون مع امه وابوه وانا اجلس بغرفتي طول النهار |
رد : انصحوني
مشكلة يعاني منها الكثير .. مع اختلاف الاسباب .
|
رد : انصحوني
نفس المشكله
عندي زوج يطير من الفرحه لو بقوله بجلس عند اهلي ... مع اني ساكنين بنفس المدينه عادي لو انام عندهم ايام وايام ويستغرب مني لو ارفض يقول اول مرهاشوف واحده ماتحب اهله ..الحمدلله والشكر يعني لو برجع بيتي يعني ماحب اهلي . |
رد : انصحوني
عادي حبيبتي المسالة ماتستاهل كل هذي العصبية أنا أهلي مناهم إني أجلس وأنام عندهم بس مايمكن أرتاح إلا في بيتي خصوصا مع وجود الأطفال لايمكن الوحدة ترتاح إلا في بيتها ... قولي له أنت هذا الكلام وبلاش تحسي بالظلم أو إنك محرجة قولي له أهلي يحبوني ويتمنون جلوسي عندهم بس أنا أتعب لما أغير مكاني أنا وعيالي خليك قوية وانت تقوليها بعدين قولي اهلي ماشاء الله مزحومين فلازم يكون عندنا ذوق ومانزحمهم زيادة ... أهم شيء حبيبتي اتركي حساسيتك الزايدة واهلك مساكين ماعليهم زيادة تعب وغلب .
|
رد : انصحوني
طيب ما المانع أن توضحي ظروف أهلك بدون توسع وبدون ذكر ما قد يضر بصورتك عند زوجك كأن تحكي : أهلي يحبوني وانبسط بالروحه معهم بس أنا وحده تعودت على الهدوء والمسكن المستقل وبيت أهلي صغير والناس كثير وماعندي غرفه خاصه لي عند أهلك لي غرفه أيضا ممكن تحكي معه: أنا احبك وتوحشني كثير إذا جلست عند اهلي "مع مسكة يد حانية أو أي تصرف عاطفي" لكن انتبهي ليكن حديثك هادئ وواثق وفي وقت تضمنين أنه سيستمع لك وليس بزعل ونكد وعصبية انتبهي أن تذكري أهلك بالسوء أو تبيني لهم أنك يتضايقون من وجودك لأن هذا الكلام سيكون ضدك فيما بعد أما اهل زوجك فتجاهلي تعليقاتهم ولا تدعيها تستفزك هكذا هم البشر يقيسون الناس على أحوالهم |
رد : انصحوني
اقتباس:
ياجرح خليكى ناصحه تقعدى بغرفتك ليه احشرى نفسك فى وسطيهم وقولى لحماتك انا جايه معاكى المطبخ وادخلى واحكى اى حاجه عن السفر عن الغربه عن جوزك المهم نكسر الحاجز اللى معمول وان كان عنده اخوات بنات صاحبيهم ماهو طول ماانتى واخده جنب هم مش حايسالوا فيكى انتى غريبه عنهم ولازم يحسوا انك واحده منهم حتى لو طريقة كلامهم مش بتريحك مش احسن من الوحده وبعدين لما جوزك يقولك روحى لاهلك قولى حاضر وابقى عدى على كمان ساعه علشان عاوزه اسلم على حماى وحماتى ماهو لازم نجتهد شويه وبعد كده تبقى واحده منهم |
رد : انصحوني
حساسيتك من هالامر خلتهم يمسكونها عليك والا معروف الوحده ماترتاح الا عند زوجها وفي بيتها
أنا قبل ماجيب عيال وقت الحمل كان زوجي يطلب مني اروح بيت اهلي في وقت دوامه وأنا ارفض مارتاح الا في شقتي رغم ان بيت اهلي كبير وغرفتي موجودة لكن خلاص الوحده ماترتاح الا في شقتها بعد الزواج فلا تتحسسين من هالموضوع وكلمي زوجك على انه الأمر طبيعي |
رد : انصحوني
مع اﻷخت بنت طيبة الطيبة
|
| الساعة الآن 11:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©