|
طفلي يعاني من الاسهال
السلام عليكم ورحمه الله ولدي له اسبوعين تعبان الاسبوع الاول كحه بعدين في الاسبوع الثاني حراره وتعب وعالجته وخف ولله الحمد لكن الحين معه الله يكرمكم سهال وله ريحه فضيعه عالجته اليوم وعطوني محلول انا خايفه عليه احد قد صار لطفل كذا طمنوني الله يسعدكم احيانا اقول يمكن فاقد ابوه لان له فوق ثلاث اسابيع مسافر
|
رد : تكفون ابي مساعده
وعليكم السلام ورحمة الله وبركاته ..
ألف سلامة على إبنك ما يشوف شر والله يشفيه ويعافيه .. كم عمره ولدك؟ لا تخافين كل الأطفال يمرضون وخاصة مع تغييرات الجو .. يمكن معاه فيروس .. ديري بالك عليه وغسلي يدينه زين خاصة بعد الحمام ،.. وقبل الأكل .. خليه يأكل بطاط مسلوق .. وروب .. ولا تآكلينه شيء من برا .. والله يحفظه لك .. |
رد : تكفون ابي مساعده
اولا الف سلامه على ابنك وماشوف شر ان شاء الله ثانيا انتبهي له من مرض العضيم اللي يصيب الاطفال وهو مرض معروف ومشهور عند المجتمع اذا تعرفيه يصيب الطفل اللي ياكله يرجعه وانتي بكرامه اسهال وينحف وزنه مرره وعلاجه طبيب شعبي ماهو دكاتره يقطع عنه العضيم بحلقه يدخل اصبعه الطبيب الشعبي ويقطعه عنه دايما تصير زمان لاخواني الصغار والحمد لله كبروا ولا عليهم لكن شوفي لك حرمه ولا رجال شاطر يقطع عنه العضيم ومعافى ان شاء الله
|
رد : تكفون ابي مساعده
الله يسلمكم من كل شر عمره سنتين وعشر شهور والله مدري وش سبب الاسهال ودكتور بارد ما وضح لي بس عطاني محلول الي مثل الماء بس هو نفسيته للكل صفر ما يحب الا البطاطس المقلي بس يشرب حليب برضاعه بس من تعب ماعاد يطلب بس يبي يشرب مويه
|
رد : تكفون ابي مساعده
للاكل عفوا
|
رد : تكفون ابي مساعده
سوا له تحليل ؟
|
رد : تكفون ابي مساعده
لا والله ما سوا تحليل خذا الحراره وكشف على حلقه بس حتى ماحط يده على بطنه سال هل يشكي من بطنه قلت اي امس يقول بطني يوجعني والله اني وسوست الله يكرمكم قبل ساعه مقومته اغسله من نومه وخايفه عليه
|
رد : تكفون ابي مساعده
وديه يسوي تحليل ضروري تحسبا لأي مرض لا قدر الله من الاوبئه المنتشرة بهذه الايام
|
رد : تكفون ابي مساعده
الله يشفيه وهو القادر على ذلك ويحفظه لي صلى الله وبارك على نبينا وحبيبنا محمد عليه منا افضل الصلاه والتسليم
|
رد : طفلي يعاني من الاسهال
وعليكم السلام
الله يشفيه يارب اذا كان يشرب الرضاعه وقفي حليبه اللي يشربه وعطيه حليب خالي من الاكتوز اما اذا كان كبير وقفي اكله وسلقيله رز مصري يستمر عليه لين يوقف الاسهال ولا تخافين النزله منتشره هذي الايام الله يشفيه يارب واذا تبين اسماء ادويه للأسهال عطيني خبر |
| الساعة الآن 02:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©