|
وش اسوي بزوجي طايح بالحرام طفشت منه خلاص ماعاد ابغاه
السلام عليكم انا زوجي يخوني لن6شهور متزوجين وانا بهم ونكد وبكا واستغرب من اسلوبه معاي احيان تمام واحيان لا الين ماكشفته انه يخوني قبل شوي قال انه بيطلع البر مع اخوياه وقبلها يقول بيسافر وانا مصدقته والله ماجا ببالي وبعدين قال لا بطلع البر واخذ لحاف وطلع وانا استغربت بالعاده ياخذ عده شي بس وربي ع نياتي واخذ ساعه ورجع واستانست انه رجع ع بالي اشتاق لي وجا دخل ع التلفزيون حتى مايناظرني ولايسولف ولاله نفس بشي واذا تكلمت يسكتني قال افرشي لي عند التلفزيون اول مره يقولها قلت وشفيك غريبه قال بنام تعبان واطلعي عني انا قلت خير وشفيك ترا ماقعدتا مع بعض طول اليوم وهنا عصب وقعد يسب وكلام يسم البدن وزعلت انا وتركته وبعد ساعه دق جواله وانا استغربت يدق مايرد وانا جيته قلت جوالك يدق ناظر بالرقم وطنش وبعدها رد الا حرمه وتسولف عليه قال لها لحول الله وقفل ينبها اني انا عنده وقبلها المغرب دق عليه خويه وقعدو يسولفون يوقال له شكلها البنت طنشت انا سمعته وهو مايدري سالته مدري قام يصرف وهنا تذكرت فعرفت انه راح لها عشان كذا ماله نفس بي انا وش اسوي به تعبت خلاص من غير اسلوبه الزفت معاي وماكان كذا حتى بالجنس يقول انا مااستمتع معاك عشانه طايح بالحرام انا خلاص تعبت ماعاد ابيه طابت نفسي والمشكله حامل لي شهرين حسبي الله ونعم الوكيل فيه الله ينتقم لي منه
|
رد : وش اسوي بزوجي طايح بالحرام طفشت منه خلاص ماعاد ابغاه
تعبت من كثر البكا لااكل ولالي نفس بشي امرضني اقسم بالله تعبت اكتب وانا ابكي من القهر
|
رد : وش اسوي بزوجي طايح بالحرام طفشت منه خلاص ماعاد ابغاه
الله يفرج همك اختي ويكون بعونك
|
رد : وش اسوي بزوجي طايح بالحرام طفشت منه خلاص ماعاد ابغاه
اختي توك في بدايه المشوار ومشوارك مر الله يصبرك
اختي زوجك الي يعرفها ماثره عليه بقوه وانتي هنا خليك شاطره واكسبي زوجك اصبغي شعرك البسي لانجري تعلمي من المنتديات زوجك سيم سيم زوجي انا اصبري انا بغبائي الله رزقني 3وانا في قمه المشاكل وماعرفت اسبطر على مشاكلي وحياتي ادعي في صلاتك اللهم لين لي قلب فلان كما لينت الحديد لداوود خليه يشوف حسناتك صبري دعواتك اختي |
رد : وش اسوي بزوجي طايح بالحرام طفشت منه خلاص ماعاد ابغاه
لا حل وسط في مثل هذه الامور
عليك بأمرين الاول التأكد .. بدون ظن ولا هواجيس .. بحيث يكون لك برهان صادق الثاني المواجهه والصرامه والصراحه الثالث الاستعانه بالله والدعاء .. والاستشاره لكن لابد من المواجهه العوام يقولون ما دون الحلق الا اليدين .. لكن الله يخليك تذكري لابد من التأكد واليقين .. |
رد : وش اسوي بزوجي طايح بالحرام طفشت منه خلاص ماعاد ابغاه
اذا تاكدتي من هالكلام فعلا وانه يخون
روحي لبيت اهلك على طول وش تنتظرين ؟! ينقلك الامراض وبعدين اذا سته شهور وسوا كل هذا بعد عشر سنين وش يسوي ؟! |
رد : وش اسوي بزوجي طايح بالحرام طفشت منه خلاص ماعاد ابغاه
اؤيد اخي عمران في كلامه
الظنون ماتنفع تأكدي بارك الله فيك |
رد : وش اسوي بزوجي طايح بالحرام طفشت منه خلاص ماعاد ابغاه
اؤيد اخي عمران في كلامه
الظنون ماتنفع تأكدي بارك الله فيك |
رد : وش اسوي بزوجي طايح بالحرام طفشت منه خلاص ماعاد ابغاه
طيب كونه يكلم حريم مايحلون له هذا مو طايح بالحرام
والا لازم تكون السالفة فيها فراش عشان نجزم لاحول ولاقوة الا بالله وحسبي الله ونعم الوكيل على كل ظالم وظالمة انا مدري وش هالزمان الي صرنا عايشين فيه خيانة بخيانة وبخذلان نسال الله السلامة اذا علم العبد ان الله بكل شيء عليم وانه لا تخفى عليه خافية ورث في قلبه الحياء من الله انا استغرب لبعض الرجال الي يخون مع ساقطة يشترك معه فيها مليون واحد بالاصل مع يسوي هذا الا العبد لكن الحر وان كان على غير الاسلام لا يقبل الخيانة ولا يقبل الشريك اين عقولكم اين الخوف من الله تحرروا من عبوديتكم فوالله لن تنالوا الحرية وانتم ترضون بها وتسعون اليها اختي صاحبة الموضوع تاكدي ان هناك خيانة فعلا اذا اتضح لك ذالك روحي بيت اهلك وخاصا انتي الان حامل ابعدي عنه ولا تكلميه عشان يحس بغلطه من اول ست شهور حيانة اجل لا صارت عشر سنين وش بيسوي لكن ربما الله يهديه لا تكلمي معه ولا تناقشي اذا مسكتي الدليل واجهيه وروحي بيت اهلك ولكل حادث حديث |
رد : وش اسوي بزوجي طايح بالحرام طفشت منه خلاص ماعاد ابغاه
الله يشــرح صدرك وييسر لك أمرك
والله يآ أختي الحرام حرام صحتك ونفسيتك أهممم منه ، أستغلي عدم وجود أطفال وتـــأأأأأأكدي عشان ماتظلمينه وروحي لأهلكككك ... العمـــر واحــد ,,,.. |
| الساعة الآن 11:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©