الهجر واثاره
 

اذا زوجك مايراضيك ولايعتذر ولاشي يهجر ايام واسابيع وشهور
زعلانه منتي زعلانه عايدي مايكلمك ولا يهتم
حامل مريضه بعافيه كلها واحد عنده
دايما مايعتذر أبدا لاي سبب اذا صار مشكله
احسه مو بس يسبب كره يسبب موت بطيئ للمشاعر هذا اذا فيه مشاعر اصلا؟؟

أحيان ماألوم الخاينه خلاص طفح الكيل

رد : الهجر واثاره
 

طيب غيري اسلوبك لاتزعلي كثير لانه واضح صار عنده تبلد اجعلي الزعل شي دخيل في حياتك وليس روتين عشان اذا زعلتي يفقدك ويحس الحياه موحلوه بزعلك مااعرف مشكلتك بالضبط بس هذي تجربتي الحمدلله نتايجها مريحه وحلوه

وترا الخيانه مالها عذر مهما كان ادري هذا كلامك لانك زعلانه بس النفس ممكن تتقبل بالتفكير هذا

رد : الهجر واثاره
 

هو من يوم ماتزوجنا وهو كذا يعني مو تبلد هو شخصيته كذا بس انا مو قادره اتحملها

رد : الهجر واثاره
 

مرات الزوجة تصل بزوجها نحو هجرها كعلاج لوضعهما
لا احبذ هذا الامر بين المتزوجين ولكن حينما يصبح وجود الزوجة مثله عدمه يصبح للهجر مفهوم اخر في اعادة صياغة العلاقة بينهما نحو تجفيف ماتبقى من مشاعر الالفة لتبدأ مرحلة محاولة التفهم وترتيب مراكز العلاقة
حينما يكون الزوج خارج اهتمامات هذه الزوجة ووهو يرى انه قائم بدوره في حياتهما وهي لاترى منه الا القصور والسلبيات حينها يحبط الزوج الباذل لجهده وينعكس ذلك نحو الهجر والتطنيش.. لان بالجهد والخمول كل الامور واحدة
ليس كل الهجر سيء فهناك هجر يطحن ماتبقى من صمود حبات استعصى طحنها.. وانصح اي زوجة يهجرها زوجها اذا طاح الحطب وتصالحوا ان تصبر حتى يعود هذا الزوج لحجرها... لان عودة الرجل تأتي بالتدريج .. فهو كائن مدجن يصعب نفوره وكذلك يصعب رجوعه بعد نفوره الا تدريجياً

رد : الهجر واثاره
 

شوفي ياصباح أنا قرأت مشكلتك مع أبو حكيم وشفت كيف تعاملك مع زوجك بالمشكلة ،ووقتها فهمت شخصية زوجك..

زوجك يآصباح مو حاس بنفسه إنه يغلط ولما يهجر يبغى يبين لك إني زعلان تعالي راضيني ولو تقولي له هل بتعتمد الأسلوب هذا مع أختك بيقولك لا إنت غير ، أو حتى يقهرك ممكن يقول كلام لك يستفزك لكن هو صح فعلا انت غير بالنسبة له ويبغى يتدلل من طرف حبيبه ..

في رجال كذا مايعترفو بغلطهم طبع فيهم وخاصة قدام زوجاتهم ، لو تلاحظي لو تعاابيه عتاب المحب بتتفاجيء انه بيعصب وإنه أنا ماقلت او ماسويت واذا حشرتيه بيقول السبب أنت أهم شيء ماتنظري له نظرة إنك إنسان خطاء ..

وأنت لأنك تشوفي ماغلطتي مستحيل تروحي تحلي المشكلة ، في داخلك انا ماغلطت ، ليه أروح ادلع واراضي ،
ولو جيتي تناقشي مابتلاقي الا الصراخ وكل شخص يقعد يدافع عن نفسه كأنكم بحرب ..

الحل ياصباح الشهرين هذه جربي كل مازعل قولي خلاص اللي تشوفه ولا إني أشوفك كذا مبوز ترى مو حلوه عليك مع حركة عالطاير ، لو إنت رميتي كلمة حتى لو كنت قاصده وزعل نطي بحضنه وسايريه وسوي نفسك انك على نياتك تبردي قلبك وبنفس الوقت بيشوفك تحبيه وانه اهم شيء رضاه بيعديها لك ، عتاب لاتعاتبي شيء تبغيه ارميه كذا أنا ودي بس مآبي اثقل عليك ، اتكلم من ناحية المادة ...

مو عارفه كيف مشكلتك بالضبط ، لكن زوجك محتاج حنان وحب واضح من حركاته ، وأنت نفسه لازم تتنازلي عشان يجيك مرادك .. واذا حصلك تبلد استغفري وارجعي سوي اللي عليك قولي لنفسك عشان نفسي اول مو عشانه ،، بترتاحي ان شاءالله ...

رد : الهجر واثاره
 

والله ماعاد صرت اعرف شي يعني خلاص لاازعل ولاشي اتكلم عادي واضحك واسولف ولا كان صار مشكله طيب انا بكون مقهوره من موقف زعلني فيه مثلا كيف اعدي الموضوع كذا
واذا زعلت في الاحلام يراضيني
واذا تكلمت وتفاهمت معه على الشي ذا قال انا شخصيتي كذا
طيب انا برضو مااقدر اتحمل كذا
شكلي بجمد اعصابي واتبع نصيحتي لابو خليفه اعامله مثل اخوي زعلني مازعلني عادي كلها واحد ماتفرق معي

رد : الهجر واثاره
 

لاتجمدي اعصابك ولاتسوي ولاكأن شيء صار

زعلتي طلعي زعلك انت بالأخير انسانه ، لكن بعد ماتطلعي ، ارجعي ماكأن شيء صار ، هنا النقطة المهمة

مرا بيسوي يمد البوز لأنك رديتي ، تقدري تتكلمي بهدوء انه انا بالآخر انسان وافعالك اجبرتني ..
مرا على مرا بيتغير اذا شافك تطلعي وترجعي بسرعة زي ماأنتِ ، بيحاول يقلدك ..

واضح شخصيتكم سوى عشان كذا محد متنازل ، العناد والكرامة اثنينكم سوى ..

رد : الهجر واثاره
 

شكرا لك اختي سكر

رد : الهجر واثاره
 

السلام عليكم ورحمة الله. .
لما يابنتي تجعلي من شخصيتك سالب فقط او موجب فقط ..
وﻻ تعترف شخصيتك بالوسط
فنحن امة الوسط .قال تعالى
{وَكَذَلِكَ جَعَلْنَاكُمْ أُمَّةً وَسَطًا}
والوسط ﻻبد يكون في كل اﻻمور حتى تتعدل اﻻمور
حاولي ان تتوسطي في امورك لتتعدل حياتك
حاولي فللمحاولة متعة رائعة خاصة عند اﻻنجاز وظهور النتيجة المطلوبة ..

رد : الهجر واثاره
 

أتمنى ذلك وسأحاول بالتأكيد