موضوع بناتى...مسكات للبشرة...يا رب تعجبكم
 

السلام عليكم .... :)

النهاردة اول ما صحيت كنت عاوزة اعمل ماسك على وشى فقلت ليه ما قلش لكل البنات الاى معانا على المنتدى واحاول اقدم حاجة بسيطة فى مقابل حاجات كتيييييييييييييييييرة استفدتها من المنتدى هنا

ودى مجموعه من المسكات انا جربت جزء منها والجزء التانى نجربه كلنا مع بعض......


مسك الترمس المطحون


المكونات ...معلقة صغيرة عسل نحل، معلقة صغيرة ترمس محطون ، معلقة زبادى ويخلط الجميع مع بعض ويدهن على الوجه ويترك الى ان يجف " دة انا جربته وبجد حلو جدا"

مسك اللبن


دة بسيط جدا معلقة للبن او معلقتين ويضاف اليهم معلقة دقيق ويقلب ولكن يلاحظ الا يكون الخليط غليظ انما متوسط السماكه ويترك الى ان يجف برضة.


مسك الردة


المكونات ...ردة بيضاء نصف كوب للبن ، نصف ليمونه يضرب الجميع ويترك على ا لبشرة 40 دقيقة "انا ماجربتش دة بس اعتقد انه كويس لان الردة مفيدة جدا "

بمناسبة اردة ... اغسلى وجهك يوميا بردة بتخلى ملمس الوجه ناعم ونظيف وكمان بتمنع ظهور الحبوب... الطريقة بلى صباعك خفيف وضعيه على الردة "طبعا الردة حاتلتزق على صباعك" ثم افركى وجهك فى اتجاه دائرى ... جربوا وادعولى ;)


للرؤس السوداء

طبعا دى حاجة مجننه كل واحدة وخصوصا لو بشرتها دهنيه زى حالاتى وفى الغالب بتكون على الانف "علشان تعطيله شكل يقرف" المهم انا لاقيت مسك ليها وهو....
1 مغلقة ملح ناعم ، نصف ليمونه ، معلقة ونصف زيت زيتون يخلط ويترك على المنطقةالتى به لمدة 10 دقائق " يارب يارب يجيب نتيجه ادعوا معايا"

للهالات السوداء


الهالات الاى بتكون تحت العين ...
نعناع اخضر يفرم ويضع تحت العين يوميا لمدة 10 دقائق ثم يشطف ويستخدم شراح الخيار بعد فترو من استخدام النعناع


للمناطق السوداء فى الركب او الكيعان


شعير ، خل ابيض ، يطحن ناعم ويخلط ويوضع على البقع

لحبوب


عسفر... يوضع كمية صغيرة منه " معلقة مثلا" فى شاشة وينقع فى ماء ويترك فترة ثم تدهن الماء على الوجة لفترة وان شاء الله الحبوب تدبل وتختفى " انا جربت دة وجاب نتيجة معايا"



المهم انا طولت كتير عليكم النهاردة بس يار ب تكون المسكات حلو ه وتعجبكم وعلى كل حال لو افتكرت حاجة تانية حاكتبها " معلش بقى استحملوا الرغي بتاعى"

جزاكي الله خير حبيبتي . .

اشكرك ( ناني ) على الخلطات واريد الاستفسار عن اول ماسك ( الترمس) الذي امتدحتيه ، كيف وجدت بشرتك بعد استعماله ؟ هل هو منقي للبشرة ؟ ام مبيض ؟ ماذا بالتحديد ؟ الرجاء الوصف وشكرا لك.

سلام عليكم ....
بتول ...بالنسبة لمسك الترمس لما كنت باستخدمه كنت باحس ان لون بشرتى نور وكمان بيعطى احساس ان البشرة نظيفة وكان بيفرق فى شكل وجهى " يعنى كان الاى حوليا بيقولوا ان وشى منور " مش عارفة اذا نت جاوبت بشكل الاى انت منتظرة ولا ايه بس بتمنى انى اكون افدتك....

يعطيك العافيه ومشكوره على هذه المعلومات ..


اختك ..

بدوية ..