|
هل انا مريضة نفسيا!
السلام عليكم احبتي في الله
اشتقت لكم كثيرا توي راجعة من السفر بس وانا مسافرة كنت افكر فيكم وكان بودي ابشركم عن متعتنا بالسفر الحمد لله المكان كان جدا رائع بحر وجبال ومناطق مانشوفها الا بالافلام استمتعنا اول ثلاث ايام كانت زي العسل اليوم الرابع بديت احس بضيقة بقلبي ودموع تنزل ولا اعلم السبب او ان الاسباب مراكمة بعقلي الباطني ولا تحضرني وقت ما اسال نفسي ليش انا مضايقة لا انكر ان زوجي تغير للافضل كما اخبرتكم المرة الي فاتت وشعرت بسعادة ماقد شعرت بها من قبل لكن في حلقات مفقودة بعلاقتي مع زوجي استغرب واعيش في حيرة تكاد تخنقني رغبته لي خلاص السفر صفر انا الي كنت ارغبه واذا صار شي مجرد احس انها تؤدية فاتروة اذا طالع فيني اكون انا لاهية بشي احسه يطالع فيا بشمئزاز وفرق اقسم بالله ما اقدر اوصلكم الاحساس الي يجيني بعد هالنظرات على طول اركد للمرايا واللقى اثار الاحباط بملاحي معلش بكون شوي وقحة بكلامي بس ابغاكم تفهمون المشكلة على اساس اذا انا الي مريضة نفسيا اروح اتعالج مايقبلني من فمي وافرش سنون واستخدم غسول هذا غير نظافة الجسم والكريمات والعطورات ننزل نتمشى بالبحر يبعد عني بحول كيلو اقوله ليش مانتمشى سوى ومنها نسولف ومنها رياضة تحيه لحظات صمت غريبة قاتلة اقوله شفيك يقول مافي شي لا سدح في البلكونة وجيت ابي اجلس معه يقول خلاص وقت النوم! طيب احنا في سفر ننام متى مابغينا ومتى ماصحينا وش ورانا او ممكن يصحى قبلي واذا صحيت انا وجهزت الفطور وابي استمتع بالجلسة يقول انا بنزل اسبح يعني يخالفني بكل شى بالنوم بالقومة بالمشي احسه يتهرب مني وياكثر هالاحساس ماهو مدمرني امس بالمطار صارت مشكلة وانا اتقطع الم مدري اكلت شي سممني المهم كل ماشتد الالم علي بمعدتي احس انه بيغمى علي ويديني ورجولي زي الثلح كنا جالسين بكراسي مقابلة لأرضية المطار الي تنزل فيها الطائرات وكان في وحدة مارة ورانا وطبعا شفتها من القزاز يعكس ولف راسه وشافها لين مرت قامت قيامتي قلت مانت مظطر انك تشوفها وهي وراك وش بتشوف يعني قال بشوف وبكيفي وكل شيء وانا خفت تكون رجعت له الانتكاسة من بعد ماعشنا ايام نفية بذكر الله والصلاة بوقتها والاتزام اعشقه لدرجة الجنون ولا اقبل لا وحدة تطالع فيه ولا هو يطالع بوحدة لاني انا ماتشبعت منه ولو كان مشبع رغباتي كان اشوف الوضع عادي حرق روحي الحب واسال الله ان يرحمني برحمته ماعاد عندي اندى ثقة بنفسي قدامه وخاصا لو تمر وحدة كاشخة ومتربجة وطالع فيها زوجي احسها تنهيني انا تعبت يا عالم ابي ارتاح باي طريقة الحمد لله لازلت محافظة على صلاتي والاستغفار والوتر والاذكار بس هل تشيرون علي اراجع عند طب نفسي بالنسبة لهالتعلق الشديد بزوجي رغم اني عطيتكم الاسباب لو كان يهتم فيني او على الاقل يناظر لي نظرة تشرح لي صدري ماصولت لهالحالة اذا تشوفون ان حالتي من عدم ثقة بنفس وتعلق زايد او حب التملك تحتاج الي جلسات نفسية ممكن اخذ بمشوركم واتعالج اهم شى ارتاح لاني خلاص بموت من القهر امس بالطيارة اتقطع بالالم وهو ياكل ماقدر حتى يمسك يدي يهون علي شوي احس اني غريبة الروح معه |
رد : هل انا مريضة نفسيا!
حبيبتي مافيج الا العافيه كلللنا نحب ازواجنا ونغار عليهم!!
هاذي خلصنا منها! يبقى انعدام ثقتج بنفسج والتصاقج الغير مبرر بزوجج!!! باعتقادك ليش ماتثقين بنفسك؟؟ هل زوجك اجمل منك؟ هل انت موظفه؟ |
رد : هل انا مريضة نفسيا!
اقتباس:
انا لست موظفة بس عندي دخل خاص الحمدلله |
رد : هل انا مريضة نفسيا!
اشتقت لك حبيبتي جدا جدا.. وكنت أدعو لك وأنت هناك..
|
رد : هل انا مريضة نفسيا!
اقتباس:
بس ترى قلبي كان يواصلكم اكثر مني بشريني عنك وعن اخبارك يارب توكني باحسن حال |
رد : هل انا مريضة نفسيا!
سالته عن نظراته لي المحبطة مرارا يقول عادي ويحلف مافي شي
دايم اقول في شي فيني مايعجبك ؟ هل شكلي غلط؟ يقول لا وحلفته بالله كم مرة اذا ماهو مقتنع فيني يصارحني لا يقعد يعذبني كذا بعكس اذا كلم اي احد يكون وجهه مبتهج بعكس اذا طالع بالاخرايات تكون نظرة الاعجاب بين عيونه اه شي قهرني ولاني دارية وش الحل اسال الله الا يعذبني فيه انا لاحظت ان سفري انا واياه مافيه اندى نتيجة ماهو حولي لا بمشاعره ولا باحاسيسه حاولت اشيله على كفوف الراحة لكن لمن اشوف عدم تجاوبه معي اتعب واشك باي شي غيرته علي تحسسني بالامان والراحة سؤاله عني واهتمامه بي يخليني اشوف كل من حولي ولا شي حتى لو طالع لكن افقد هالشي ويتجه حول غيري ماتحمل اتمتى تفهموني ترى مالي غيركم بعد الله امس كنت اسولف مع الوالدة شوي جوال سمعت صوتي تبعان وحست فيني حكيت لها على الي صار قالت ربما يتمنى يكون مع اولاده بنفس المكان الي انتم فيه ربما يفكر باولاده روبما ربما ... طيب انا وش ذنبي ؟ انا لو انانية فكرت بس اسافر لحالي واستمتع لكن كل شي احب اشاركه معه حتى اللقمة كل شوي يافلان سولف معي وانا اعرفه وقت مايحب يطق السوالف جالس ساكت وروحه وقلبه بمكان يعلم به الله احيانا اصير اسولف باي شي واخربط لمجرد اني ابغى اسوي جو هل يعقل مسافرين واجلس ساكتة وفي منكم لي يقولي سوي زيه طيب انا ماحب اضيع لحظات احسها انها ممتعة في السكوت كان يتمشى على البحر وطبعا بعيد عني مسافة طاح جواله والله اني شلت هم الجوال قلت الحين يتتنكد حياتي قلت له لو اني قريبة منك كان انتبهت لك بس انت تمشي لحالك ربما راح احذف السفر انا واياه من قاموس حياتي لان الحقيقة مافي متعة وعلى طول هواش وليش طالعت وليش سويت وانا احترق بشيطاني الي يكبر لي كل حركة يسويها بقصد ولا بدون قصد معه زي ماقلت لكم السالفة مو بكونه يطالع بس الي انا فاقدته يجعلني ماقبل ولو نظره منه لامراة غيري واتمنى اذا طالع يطالع فيهم بنفس نظرته لي الاشمئزازية |
رد : هل انا مريضة نفسيا!
ياؤغالية مشكلتك فراغ كبيييير.. ومركزة كل جهودك بزوجك.. وودك يبادلك المثل.. ناسية إن عنده تجربة أولى.. وأولاد يشغلوا تفكيره وعقله... أشغلي نفسك.. أشغلي نفسك.. أشغلي نفسك.. بالقرآن.. بالقراءة... عيشي عوالم أخرى ليست معه.. هو جزء من حياتك.. وليس كل الحياة صدقيني.. حتى لا يخذلك أكثر. .. ويقل حبه في قلبك أكثر.. وتشعري بخيبات.. فلا تعلقي قلبك به.. علقيه بالله
|
رد : هل انا مريضة نفسيا!
يبدو ان عندك مشاكل كتبتيها بالمنتدىلكني ماتابعتها او ناسيه معليش....
بالسفر لما كان مطنشك ... ليش ماستمتعتي لحالك ... بمعنى تعتبرينه غير موجود ... تكلمين اهلك بالتلفون او صديقاتك تلتهين عنه باي شي لو كان بسيط!! ولما كنتو تمشون عالبحر وبينك وبينه مسافه ليش ماغيرتي اتجاهك وكأنه غير موجود او عالاقل جلستي بمكان معين وخليتيه!! حاولي تثيرين غيرته .. لما كان يطالع ... ليش ما سويتي نفسه تطالعين الرايح والجاي .. شوفيه يتكلم .. يقول شي .. ام انه لايهتم.. وهاذي مصيبه لان اللي مايغار على محارم الله مافيه خير!! تغلي عليه ... تمنعي .. مهي حاله هاذي!! 😡 بعدين يحبيبتي لا تنطرين منه مدح واعجاب خلي ثقتك عاليه بنفسك ... عطي نفسك قدرها !! لا رزيتي نفسج وعزيتيها اللي حولك يعزونك!!! لما سالتك عن الوظيفه ماكنت اقصد فلوس!! كنت اقصد انك تعانين مٍْْـٍْْ♡̷̴̬̩̃̊ـٍْْنٍْْ الفراااغ فبالتالي تبين زوجك يعبيلك هالفراغ وهذا غلط بعدين بيني وبينج الزوج يمل مٍْْـٍْْ♡̷̴̬̩̃̊ـٍْْنٍْْ الاهتمام الزايد والغير مبرر يطفش # شلون علاقتج الخاصه معاه |
رد : هل انا مريضة نفسيا!
اقتباس:
|
رد : هل انا مريضة نفسيا!
اقتباس:
نعم اعاني من الفراغ عشان كذا طول سنوات زواجي اسعى للحمل بس الله ماكتب اهتمامي فيه من زود حبي له وهذا شي واضح بالنسبة للغيرة ماقلت مايغار بس ماهو دايم ولا بنفس درجتي ويمكن لو غار علي مثل غيرتي عليه وحسسني انه خايف يفقدني كان هدى جبل القلق الي بداخلي بالنسبة للسفر وانا معه معرف استمتع لحالي بعكسي هو يقدر يستمتع لحاله العلاقة الخاصة ذكرت سابقا انها بدون مقدمات تحسنت شوي بالايام الاخيرة بسفرنا لم تكن عنده رغبة لي ابي اسال سؤال هل العلاقة الحميمة والرغبة المستمرة تحسس بالامان؟ |
| الساعة الآن 03:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©