يخطبني قبيلي
 

اعذروني على طرحي لمشكلتي اللي بسببها ما انام الليل
لي صديق بالدوام {قبيلي} مابيننا شي غير علاقتنا وكلامنا بحدود عملنا و أميل له كثير وقال لي أنه مرتاح لي ومعجب بأخلاقي و يبي يتقدم لي .
لكن انا {مو قبيلية } وما يعرف محتاره كمان خايفه اسكت:14: ويتفركش الموضوع .
شرايكم ؟؟ فيه قبائل مو متشددين من هذي الناحية؟؟
ممكن تتم الخطوبه والزواج عادي؟؟؟
مستقبل الابناء؟؟خصوصا انو من عائلة اهل علم ومثقفين


امطروني بنصائحكم :21:

رد : يخطبني قبيلي
 

يااختي اذا هذا الشخص كان صاحب دين ليش لا!!! صاحب الدين والأخلاق عملة نادرة، وأنت أعرف بحالك وأعرف بالمستقبل وأعرف بالفرص المتاحة أمامك، فالشاب المتدين المناسب الذي تطمئنين إليه وترتاحين لرؤيته وتستأنسين بوجوده، هذا هو المناسب بالنسبة لك.كوني صريحه وواضحه معه من البدايه..والله يرزقكي اللي فيه الخير لكي

رد : يخطبني قبيلي
 

مستحيل أن تبدأ حياتك بإخفاء أي معلومه عن الخاطب !

مبدئيا افتحي باب القبول للخاطب أن يتقدم بشكل رسمي واتوقع عندما يتم التعرف بالأهل والسؤال بخصوص كل هذه الأمور ستتبين لديه المعلومات كاملة وله كما لك حق الرفض والقبول

الله يكتب لك الخير

رد : يخطبني قبيلي
 

أهلين يا سراب ..
إذا هو شاريكي ما يهمه إذا كنتي قبيلية أو لا ..
أنا ملاحظة ان القبائل يتزوجون حضران بنت عمي متزوجة قبيلي ..
وام صديقتي حضرمية وابوها قبيلي..
وفي مرة خطبني أخو زميلتي في العمل قبيلي ....وما كان يعرف اني مو قبيلية .. ولما جا قابل ابويا كنت خايفة يغير رأيه مثل خوفك الآن .. لكن ما حبينا اننا نكذب عليه ووضحناله أصلنا .. وما قال حاجة وكان شاري .. بعدين ماتم الموضوع لاسباب اخرى.. فتأكدي ان لو كان من نصيبك مافي شي بيرده وبتتيسر فنامي قريرة العين ولا تحطي كل آمالك عليه فاللي جابه يجيب غيره ولا تحاولو تخفوا عنه شي لان الوضوح والصراحة مهمة لبناء الحياة لانه بكرة بيذلك إذا عرف .. واتوقعي المعايرة باللقب حتى لو عرفوا واتزوجتوا .. اهم شي تكون عندك حصانة نفسية وما تتأثري بمثل هذه الامور .. صح المجتمع اتغير كثير وصار القبيلي يتزوج حضرية والعكس .. لكن تبقى آثار الجاهلية ..و تختلف من عائلة لأخرى.. انتي اهم شي استخيري واسألوا عنه تمام ..
وانتبهي تتواصلي معاه اكثر بما انه زميلك في الدوام حيكون احتكاكك به كثير فأحذري ثم احذري واحذري لان ما بني على باطل فهو باطل وما راح يصير في بركه.. اعطيه رقم الوالد و خلي كل شي بينه وبين اهلك وهم يعلمونه بكل شي وقفلي السالفة معه لعد تقبلين يكلمك فيها ولا تبينيله انك شفقانه عليه.. اثقلي لان الرجال يحب المرأة اللي يتعب فيها حتى يوصلها.. .. وكمان عشان لا تكون له نوايا سيئة استدراج وما الى ذلك .. اذا صادق يجي من الباب وانتي اعطيتيه موافقه مبدئية وخلاص كفاية كذا ..
والله يكتب لك الخير يارب ..

رد : يخطبني قبيلي
 

صديق بالدوام
يعني عارف اسمك،،واﻷلقاب توضح النسب،،
ثم لهجة القبلي تختلف عن الحضري،،وبما أنه بينكم كلام فأكيد هو مكتشف أنك حضرية،،
ثم تأكدي مافي رجل يقدم على أمر وهو مو عارف نفسه مقدم على ايش..إلا اللعاب،،وإنت أدرى به.
أتصحك ألا تتجاوز علاقتكما حدود شرع الله.

رد : يخطبني قبيلي
 

حبيبتي : ثقي ان هذا الأمر لم يغفل عنه او يتجاهله ، الرجال في الزواج خاصة ما يطيحون الا وهم واقفين!
المشكلة في النظرة المستقبلية، بكرة يطلعون بسالفة عدك التكافؤ ، واذا صار ما صار بداو يعايرونك!
التوافق والتكافوء مهم جداً بين الزوجين ، لا علمياً ولا مهنياً او حتى مادياً

رد : يخطبني قبيلي
 

صحيح هو زميلج اكيد بعرف اسمج واسم عايلتج!!