|
عجل رآيكم تكفون
السلام عليكم
بلغكم الله ليلة القدر حبيت آخذ رآيكم بموضوع راح أكتب الموضوع دون مقدمات قبل زواجي بشهر كان يصرف لي حافز لكن تزوجت وسافرت للخارج وتم إلغاء الصرف لما رجعت السعوديه قدمت طلب قالو بعد6شهور المهم من شهر تم تأهيلي لحافز صراحه ما خبرت زوجي هو سألني من كم يوم ليش ماتقدمي على حافز ينفعك ولاتخافي راح أصرف عليك وعلى ابنك صراحة ما ارتحت أني أقول له أنهم يصرفو لي حافز السبب القصص اللي أسمعها كثير تقول الزوجه ما يصرف زوجها عليهالأنه يصرف لها حافز وأنا والله زوجي مرتين يقول قدمي على حافز ولا تخافين ماراح آخذ منه ولا ريال قلت له أوك راح أقدم ولما سألني قدمتي قلت مافتحت الصفحه كيف أتفاهم مع زوجي والله من القصص اللي أسمعها خايفه أقول له أنه يصرف لي من قريب أختي زوجها يقول ماراح إخذ منه ولا هلله وللأسف لما تأهلت في حافز والله أثاث بيتها من حافز زوجها مادفع شي طيب وش ذنبنا حافز لي شخصياً مو لغيري اكيد بتقول ماتثقي بزوجك مو مسألة ثقه لكن الواقع يثبت كل الرجال إذا عند زوجته فلوس والله مايهتم بالصرف عليها أعيد وأكرر أريد رأي سديد أقوله لزوجي لأني ما أبي يعرف أنه يصرف لي حافز زوجي عصبي لو يسأل من ورآي ويعرف أنه يصرف لي وماخبرته يمكن توصل معاه يتركني وش الحل حل عاجل |
رد : عجل رآيكم تكفون
يجب أن يعرف , وليس من الذوق اخفاء ذلك عنه
لأنه لو علم مستقبلا (ولا شئ يخفى) ستكون الأمور ضدك وقد يعاقبك بحرمانك من المصروف ثم إنه من اللؤم أن نكون مستقبلين فقط ولا نعطي مادام يمكننا العطاء خصوصا مع زوج غير مقصر بالنفقة الشرعية الواجبة "وزوجك تكفل لك بذلك" |
رد : عجل رآيكم تكفون
لا مايسوى عليج تخشين الموضوع خبريه او قوليه ابتداء من شهر الياي بينزلي الحافز وبعدين غلط تخشين من البدايه وموب كل شي تسمعينه من الناس ينطبق على حياتج حال من حال يفرق ... والله يوفقكم
|
رد : عجل رآيكم تكفون
لا تكبري الموضوع وخبريه واخلصي من وجع الراس
|
رد : عجل رآيكم تكفون
وعليكم السلام ورحمة الله وبركاته وإياكِ عزيزتي من المؤكد أن تعلمين تماما بأن حافز لن يدوم معك أبدا وأن مدته سنة فقط وقد ينقص المبلغ خلالها وقد ينقطع نهائيا لأي ظرف كان حبل الكذب قصير ، فرضا اكتشف زوجك بأنه يُصرف لك حافز ماذا سيكون موقفك .. ! صدقيني ستندمين لن ينساها لك طوال العمر وها أنتِ قلتِ بأنه ربما يتركك المبلغ لا يستحق والمدة قصيرة وحتى إن قصّر في نفقته خلال هذه السنة بحكم أنكِ تستلمين مبلغاً من حافز فسيعود على نفقته كما كان بعد سنة وطالما أنه وعدك بأنه لن يأخذ منكِ شيئا ولن يقطع عنه نفقته فلِمَ لا تصدقينه وأنتِ موفضة أمرك لله .. ؟! أنصحكِ بإخباره وبعد أيام قولي بأنه تم قبولي ومن ثم كوني قوية عندما يفكّر في أي تقصير واردعيه عن ذلك وذكريه بوعده لكِ وأن الوعد حق . وفّقكِ المولى . |
رد : عجل رآيكم تكفون
يا أختي الله يرضى عليك كلها اربع وعشرين
ألف شلون تأثث بيتها بهالمبلغ؟! وبعدين محد ياخذ حق حد إلا اللي يتنازل عن حقه وانت في أول الطريق بلغي زوجك ومافيها شي ان مشيتي معاه شوي ... والله الموضوع ما يسوى وان شافك كذا طيبه لعله يصير أطيب منك وتلقين له فزعات معك .... لكن كذا تخلينه حتى يستخدم نفس الأسلوب معك ودخله وكم فلوسه ماتدرين عنها طبعاً هذا اذا ما حقد عليك وقاله شيطانه شايفتك حرامي ..... غير ان باقيلك بس عشر شهور يعني حتى مو دايم عشان تقولين يتغير وما يصرف علي يعني مايمديه ينبسط من هنا الا وحافز يقولك باي باي من هنا |
رد : عجل رآيكم تكفون
واحتسبي اي شي تصرفينه صدقه عن نفسك
والفلوس تروح وتجي ومايبقى الا المعروف |
رد : عجل رآيكم تكفون
رأيي أنك ما تعطينه خبر..
فلوس توصل لك وانتي جالسه في بيتك ماله شغل فيها.. واذا درا فهميه أنه شيء يخصك وانك ما قصرتي معه ولا طلعتي من البيت |
رد : عجل رآيكم تكفون
خبريه بالحقيقة تفاديا للمشكلات
واسألي الله حسن العاقبة إذا مايسبب لك مشكلات وضع المال وبطاقة الصراف عند الوالدة يكون أفضل. |
رد : عجل رآيكم تكفون
اقتباس:
فصلت مجلس النساء ب4500 غرفة بناتها ب3500 أواني منزليه وأجهزه كهربائيه للمطبخ ب11500 وغيرها أشياء بسيطه الرجال ما تقولين عنه |
| الساعة الآن 09:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©