|
كيف اختار الزوجة المناسبة
السلام عليكم
ياااخوان انا سبق ان تزوجت وطلقت ماحصل توفيق بيني وبين زوجتي السابقه كثيرة المشاكل بيني وبينها المهم ياااخون ما فات مات وكل شي مكتوب (الحمدالله) سؤالي ياااخوان ماهي الخطوات او الطريقة الصحيحة في اختيار الزوجة المناسبة ؟ |
رد : كيف اختار الزوجة المناسبة
اسئل عن امها وابوها واخوانها
تخير من اهل الدين والصلاح تكون عربية مسلمة علشان ما تغلبك خلي الخطوبة ست شهور علشان تدرسها كويس افهم نفسيتها واحتياجاتها وافرء كثير في فهم نفسية الزوجة وفن احتواء الزوجة وفن احتواء المشاكل الزوجية يعني يكون عندك ثقافة مسبقة اهم شي بينكم الوضوح والصراحة والتفاهم على كل شي من البداية في الاخير ما فيه انسان خالي من العيوب موفق ان شاء الله |
رد : كيف اختار الزوجة المناسبة
ينقل لمكانه الأنسب
|
رد : كيف اختار الزوجة المناسبة
اخوي اسال نفسك هالاسئله بس اتجاوب عليها بتلقى عروسك
كيف اباها طويله قصيره متينه مخصره بيضه سمره طبيخه والا مايهمني محافضه ع استايلها اولا اخوانها لهم سمعه طيبه مطوعه او متوسطه الطوع مبتسمه او مكشره عنيده او طيبه نكديه او فرفوشه دلوعه او مسترجله ومالخ... والسموحه |
رد : كيف اختار الزوجة المناسبة
السلام عليكم
كتب كتيفية اختيار الزوجه والنوع هذا من الكتب ماله اي فايده بمجتمعنا غالبًا الفكره تعتمد على ام وخوات الزوجه وسمعتهم اذا طيبين توكل على الله هذي بس النقطه الوحيده اللي يمكن تعرفها وتعتمد عليها فقط وطبعاً الدعاء والتوفيق من الله غير هالنقطه انت ونصيبك ولا تتعب نفسك وتقدر تختبر زوجتك واهلها بحركات بسيطه مثل تتفاوض معهم قبل العرس على بعض الامور وتشوف طبيعتهم هل يتقبلون والا من النوع اللي يبي يمشي رايه وانت راح تعرف اذا هالشي يناسبك او لا اذا لا طلاق قبل الدخول اقل ضرر لك ولها بس اذا مجتمعك يتقبل النقاش قبل الملكه فهنا تتفاوض وتتناقش معاهم وتختبرهم افضل والله اعلم* |
رد : كيف اختار الزوجة المناسبة
اخي لماذا طلقت
واذكر انك طلقت قبل الدخله صح كنت غير مقتنع فيها بالشوفه الشرعيه |
رد : كيف اختار الزوجة المناسبة
انا اقولك توكل على الله
اولا الاهل مالهم دخل احيانا يكون الاهل غير متدينين او عندهم شي لاسمح الله وتكون البنت طيبة واصيله وتقدر الحياة لزوجية وتبغي لي يصونها فقط وتشيله برموشها انت خلي نفسيتك ترتاح شوي من الفترة الي مررت بها وتوكل على الله واكيد غادي يكون خير ان شااء الله واذا لك اولاد من الزوجه الاولى فكر بأولادك اولا وتزوج واحده تحبهم وتقدرهم وتعاملهم مثل أمهم وفي الاخير اتمنة يارب نسمع عليك الفرحة وربي يسعدك |
رد : كيف اختار الزوجة المناسبة
فاظفر بذات الدين تربت يداك ..
هذا كلامه صلى الله عليه وسلم |
رد : كيف اختار الزوجة المناسبة
اذا جيت للصدق، الزواج عندنا كأنك تلعب روليت في لاس فيغاس،
تراهن وتحط فلوسك كلها على بنت ولا تدري هي تستاهل والا لا واذا طلقتها خسرت فلوسك كلها معها |
رد : كيف اختار الزوجة المناسبة
اقتباس:
فارس في ظهر خيل في سااحه معركه .. ياغالب يا مغلوب.. |
| الساعة الآن 03:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©