ابي مشورتكم
 

سلام عليكم..... انا مملك لي سنه على بنت خالي ونكلم بعض جوال ومكالمتنا دايم نتزاعل ونعصب من بعض....مره من المرات قالت لي انها تحب ولد خالها قبل ماخطبها وكانت تكلمه ولما خطبتها توقفت وتقول ندمت وكرهته ...لما قالت كيذا حسيت بسكين دخلت قلبي ومن بعدها تعبت وتاحطمت انا من اول كنت متحمس للزواج ومستعجل بس الحين كاره كل شي ومادري ايش اسوي ...بعض المرات اقول لو نتطلق احسن وبعض المرات اقول ﻻ والله تعبت من ذا الموضوع ياليت تشيرون علي ايش اسوي

رد : ابي مشورتكم
 

يا اخوي خفف على نفسك

الغالبيه وقعوا بالحب سواء بالحلال او المشبوه او المحرم وحنا بشر والخطأ وارد
فبما انها ما وقعت بشي عميق ونقدر نعتبره طيش شباب

وهي ما اعترفت لك الا لما ارتاحت لك
تأكد انها فتحت قلبها لك لانها فعلاً حبتك

وااواحد المفروض ما يسولف عن الماضي لاي كان حتى لو ضمن حب الطرف الثاني وهي غلطانه بهذي النقطه
لان الواحد يحب ينضحك عليه وياخذ وحده مخربطه ولا يحب ياخذ وحده لو عليها شك ب1٪ ومحترمه

والمكالمات اللي قبل الزواج اشوف انها تسبب مشاكل فقلل منها*

رد : ابي مشورتكم
 

رد : ابي مشورتكم
 

كان الله في عونك

رد : ابي مشورتكم
 

استخير ولله يفرجها لك بادن الله

رد : ابي مشورتكم
 

الله يشرح صدرك لما فيه الخير

رد : ابي مشورتكم
 

نصيحه اخيره في حالة انك ما تقبلتها نهائي ومفكر بالطلاق

لا تقول لاي احد كان عن السبب
حتى امك وخواتك لا تقول لهم السبب من باب انهم يعذرونك على طلاقك ترى راح يشهرون بالبنت حتى لو حلفتهم ان ما يعلمون المرأه ما تقدر تمسك لسانها

طلق وخلك رجل وقول ما صار نصيب وبس او ما تقبلتها وبيننا مشاكل من البدايه

لا تفضحها لا تفضحها

رد : ابي مشورتكم
 

ونِعم الرأي والمشورة .

رد : ابي مشورتكم
 

والله يخوي مدري وش أقول أخاف أزيد الطين بله
سالفة أنه تحب نمشيها
لكن سالفة أنها ما وقفت إلا يوم خطبتها؟!
ذكرتني بسوالف كثيرة لزملائي، كثير منهم كان على علاقة ببنت ولما انخطبت تركته، وبعد أول مشكلة رجعت تكلمه!

رد : ابي مشورتكم
 

الله يكووون بعوونك حاول تحلها قبل لاترتبطون بعيال