|
عفوا .. هذي الزعلة حقتي!
تعرفون الحياة ومشاكلها وتجي أوقات
نزعل ونحتاج ان صاحب المشكلة يراضينا ويوضح لنا الموقف ! المشكلة المتكررة عندي إنو يزعل مني إذا زعلت منه ! تذكرت البي سي هذا (فيه ناس أزعل منهم فيزعلون مني ليه زعلت منهم عفوا .. هذي الزعلة حقتي ! ) والله العظيم منجد مايحق لنا نزعل يعني :) إذا زعلت يعصببببب ويصرخ كأنو أنا الغلطانة بحقه! ليه زعلتي مني ! ليه مادة بوزك ومكتمة ! من عصبيته وكلامه ساعات والله أحس إني عدوة له ! طيب هوا غلط بحقي اش يبغاني اسوي انبسط وأرقص فرحانة !! فيقلب الموضوع فوق تحت لين يخرج نفسه هوا الصح ! حتى لو ناقض نفسه عادي ¡ واحيانا يقولي انا ماقلت كذا انتي ما سمعتيني( زين ) على قوله ! وينفي اللي سواه! ويجيب مبررات وااااااااضح انو يكذب ويتمسك فيها طبعا دا كلو بصرررررررراخ وتهزيء ! مو مناقشة :( ف اصدقها بمزاجي عشان أنهي الموضوع واتأسف إني زعلت منه ومافهمت الموضوع عدل ! فساعتها يفرح ومحد قده ويجلس يردد ( ما اعرف كيف هنت عليكي وسويتي كذا ) فأنا أسكت واسيبه ! لكن أنا مليت مو معقولة بكل مرة ينعاد نفس السيناريو! هذا وزعلي مرة هادي :) كيف لو كنت ارفع صوتي واسمع الجيران ف اش الحل برايكم ؟ |
رد : عفوا .. هذي الزعلة حقتي!
أغلب الرجال بهذا الطبع
خصوصا سنوات الزواج الأولى هو في الغالب صاحب شخصية حساسة ولا يتحمل أوقات الزعل , ولا يطيق التوتر داخل المنزل ربما غضبك وصراخك أهون عليه لأنها دقائق وتنتهي |
رد : عفوا .. هذي الزعلة حقتي!
يمكن تستغربين لو اقول لك هذا دليل حبه الكبيرررر لك..
هو يكره يشوفك زعلانه.. ومو عارف كيف يتصرف.. في رجال اذا زعلت زوجاتهم طنشوا وقالوا بسلامتها.. لكن زوجك يتحسس من زعلك ويتعكنن اذا تضايقتي.. عادي ازعلي منه اذا غلط ومدي البوز على خفيف.. بس خلي زعلاتك على شي يسوى مو على اي شي.. |
رد : عفوا .. هذي الزعلة حقتي!
هههه ضحكت من العنوان ..
سبحان الله زوجي مثل زوجك .. مدري كل الرياييل هالشكل ولا ايش ؟؟ لما هو يزعل طبعا أنا من واجبي أعتذر واستسمح منه وأراضيه .. ولما انا ازعل .. مادري شلون ألاقي نفسي بآخر السالفة أنا اللي اعتذر وأستسمح وأراضيه ..:29: مرة قلت له أنا اللي زعلانة .. مايصير انا اعتذر ..:( ما أدري شلون يسوونها .. ياليت يعلمونا الطريقة ونسويها فيهم ..:18: |
رد : عفوا .. هذي الزعلة حقتي!
ههههههه
والله بجد سيناريو يتكرر في كل الييوت خلاص ياقلبي بطلي زعل،،،مو عشانه عشان نفسك،، عشان إنت ماتضطري تراضينه،،ويصير القهر قهرين. لما تجيك الزعلة صبري نفسك وعدي الموقف،،،ثم عاتبيه وخذي حقك منه. وخلي الزعل للزعلات الكبيرة،،عشان هو اللي يراضيك. الله لااااااا يجيبها يااااااارب. |
رد : عفوا .. هذي الزعلة حقتي!
إنو يزعل مني إذا زعلت منه !
## ضحكتني هالجمله لانها صادفتني ياما |
رد : عفوا .. هذي الزعلة حقتي!
لا موب كل الرييايل شكل بعض..
الله رزقني بأخوان وابو مافيهم هالطبع ابدن حتى عيال اختي الكبيره وريلها مافيهم هالطبع.. الحمدلله |
رد : عفوا .. هذي الزعلة حقتي!
اقتباس:
أنا صح أسكت وقتها لكن متى ما خرج من البيت اكتبلو كلللل اللي بقلبي على الواتس ! بنفس اليوم ونفس وقت المشكلة أحس لحظة زعلي أكبر كلمة بالدنيا ما توصف احساسي غير أنو ألاحظ عليه لمن يرجع ما يعطيني فرصة اتكلم يسكتني ! وبدل ما اكون أنا المطرطعة والزعلانة أسير أنا اللي أجلس ألملم الموضوع واقوله تراك جالس تصرخ ! مانك قاعد تتفاهم ! بس شكلي بجرب مرة و أفجعو بصرخة مدوية :) يازبط وضعي ولا سواني سلطة :) |
رد : عفوا .. هذي الزعلة حقتي!
اقتباس:
مو حب بقد مو من حقك تزعلين وتضايقيني هذا شيء الشيء الثاني زوجي ما يحب أحد يخطئه ! أو يجي يخالفه ! هوا الاسم الله عليه الكامل المكمل :) وفعلا أنا ما ازعل كثير .. واحاول اطنششش عشان راحتي أنا |
رد : عفوا .. هذي الزعلة حقتي!
اقتباس:
هما ما مشوها علينا الا عشان احنا ساعات كثيرة بنكبر عقولنا ونقول يلا مشيييييييها له غير أنهم غالبا يعرفوا اليد اللي توجعنا ! زي زوجي اخر زعلة :) كل الادلة والبراهين ضده :) لكن سويت يعنني صدقت الحجج الواهية اللي يقولها لأن دخل أمو بالسالفة وأن كل اللي سواه عشان عمتي وبر فيها ! فقلت اوكي اسفة الله يرزقك برها وانا عارفة مليون بالمية عمتي مالها اي صلة بموضوعي اللي زعلت عشانو لكن قلت يلا عشان لا يحسب اني اقارن نفسي بأمو وكذا |
| الساعة الآن 03:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©