|
الرجل الحساس
السلام عليكم
انا مخطوبة من 7 اشهر تقريبا لقريب لي اثنينا نحب بعض لكنه مايدري عني لاني مالي اي تواصل معه ولانه توصلني اخباره فأدري انه يحبني ويباني عندي مشكلة ,, خطيبي حساااااس اي كلمة اقولها يتحسس منها ويزعل مثال /قبل الخطبة جاب رقمي من وين مدري ,, يبي يتواصل معي وانا رفضت رفض قاطع وهو ليه وليه !؟ بعد كلام كثير في الأخير قلت له أنا ماتربيت كذا كأني اعطيته كف وعصصب ليه انا مو متربي ؟وش دخل التربية بالمضوع ؟ابي اعرف وش دخلها؟ وانا خفت من عصبيته وتفاجأت وفهمته اني ما اقصده وقلت انا تكلمت عن نفسي وانت بالعكس اخلاق ومازال مصر على موقفه وليه دخلت التربية بالموضوع وواضح كلامي زعله وفي النهاية قالي حصل خير وقلت له ليه تتحسس من كلامي ؟ كلامي عادي؟ قال : ثمني كلامك !!!!!!!! اناقلت : ماعمري في حياتي تقصدت أسيء لأحد,,ليش أسيء لك ؟ خلاص لو كلامي مش عاجبك فانا اسفة, فقال:طيب طيب ومعاد كلمني ,, وبعد الخطبة يوم صرنا نتكلم نفس الشي يتحسس من كلامي وانا احاول اختار كلماتي واذا اتحسس احتويه بالكلام الطيب مع العلم معروف عنه انه هاديء وبارد ومتزن لانه من قرايبنا ولو قلت لاهلي انه عصب علي محد راح يصدقني لانه معروف عنه بارد بارد لاقصى حد. حتى هوشات الشباب بعيد عنها بالمرة بس معاي مدري وش فيه ؟ اخاف بعد الزواج نفس الشي واكثر وابتلش فيه احبه لكن حساسيته متعبتني مع انه عمل المستحيل عشان ياخذني وفي النهاية كذا يعاملني ؟؟؟؟؟؟؟؟؟؟ مصدوووووومة :( |
رد : الرجل الحساس
انا حسيته هجومي مو حساس
يعني من النوع اللي يدقر على كل كلمة ويحاسب عليها عموما عزيزتي من تجربتي في الحياة الزوجية طلعت بنتيجة ريحتني كثير ان كل صفة في شريك الحياة سلبية الصح انه الطرف الاخر يتأقلم معاها مادامت غير متعدية الحدود يجب ان نعي ان مو كل مشكلة زوجية تنحل بل هناك مشاكل حلها الوحيد هو التاقلم مع تقدم الحياة بينكما سيحصل الكثير من الانسجام والتعود وهذا ما يميز كل زوجين عن زوجين اخرين وهي قدرتهما على الانصهار والانسجام مع الشريك الاخر بعيوبه |
رد : الرجل الحساس
بس نصيحة ثانية
لا تعطينه وجه بزيادة كانه طفل كل ما زعل تدادينه وتراضينه لان هذا الاسلوب 99٪ راح تصبح ورقة ضغط عليك وهذا انت من الان متعبة خلك وسط اذا اخطيتي راضيه واذا لا طنشي |
رد : الرجل الحساس
فاكهة مشكورة على نصيحتك استفجت من كلامك
احس فهمتي شخصيته فعلا هو يدقر على كل كلمة اقولها ويهجم علي مايراعي اني ممكن اتأثر اوضح له عادي بس انا في داخلي أتأثر لدرجة ابكي لمن اقفل من عندهز مرة كذا مزحت معاه وأذن فاستأذن يصلي ويوم رجع قالي انه ماقدر يصلي يفكر في اللي قلته والصلاة راحت عليه من التفكير قلت له الموضوع مش مستاهل لهذي الدرجة !!!!! فقالي ليه امزح معاه ؟ وفتحها تحقيق ,, كرهني في الوقت اللي مزحت فيه في النهاية قلت له : لا تحاسبني خلاص فقال:ليش احاسبك كم صرفتي!!!!!!!!! وبعدها سكت ,, ومرة كلمته واتس فيقول يابنت فقعتي أذني ,, قلت انا ,, فقال : صوت الرنة قوية ( لانه حاط سماعات على اذنه) فقلت : احسن فقال: ايش احسن تعالي اعطيني كف !!!!!! فقلت : احسن تشيل السماعات فقال: احسب ,, لا بسمع ها ايش تبي ,, فيه شي ؟؟ بالله هذي تصرفات واحد يحب ؟ ابدا ما احسه يحبني :( ايش رايكم هذا واحد يصلح اكمل معاه ؟ لمن اكلمه مايبين لي انه يحبني بس اذا بعدت وانقطعت فترة عنه احسه يشتاق لي ويكتب كلام بس مو لي مباشرة ,, يكتبه في الواتس انا قلت يمكن يحب وحدة ثانية :( |
رد : الرجل الحساس
بما أنه طبعه هادي وبس معك حساس أو عصبي أو هجومي :dسميها التسمية اللي تريحك :)
بما أنه بس معك فهذا لأنه متوتر وخايف ..مو عارف مشاعرك تجاهه وهو متشوق تكون علاقتكم حلوه فمتوتر أي كلمة يحسبها أن معناها أنك ما تحبينه وبيتورط فيكِ قاعد يقيس بميزان الذهب الحساس كل كلمة وكل حرف يبي يفهم منهم شو شعورك ؟ وكيف طبعك ؟ وهل بتطلعي مثل ما تخيلك وللا لأ ؟؟ بيعيش الحياة الوردية اللي حلم فيها وللا لأ ؤأيي تحتويه وتحاسبي على كلامك مثل ما انتي قاعدة تسوي الان ومع الوقت وكل ما عرفك أكثر وكل ما فهم مشاعرك راح يتحسن وان شاء الله بعد الزواج بيرتاح . بس الصراحه أنا خايفه من موضوع أصحابه وأقاربه اللي أكيد الان لهم له نصائح أشكال ألوان وبيعطوه قصص وأمثله كف مفروض يعامل زوجته حتى يكون رجل من البداية . وحلها أنه لقدام شوي وبعد ما تاخذوا على بعض تكلميه أنك سمعتي أن الناس تنصح المخطوبات والمخطوبين بأراء كثيره وهذا خطأ لأن كل شخصين لهم وضعهم وصفاتهم واللي ينفع مع فلان ما ينفع مع علان .. والزوجين الناجحين هم يتفقوا على أسس تعامل ترضي الطرفين وتريحهم وما يسمعوا لحد ثاني ولا يسمحوا لهم يتدخلوا ويحتفظوا بأمور بيتهم داخل بيتهم ماحد له دخل يسأل عنها ولا يعرف عنها . |
رد : الرجل الحساس
خالة بيتا
هذاني اداريه واطبطب عليه والله يعين لكن يوم عصب علي حسيت لو كنت قدامه كان ضربني صرت بصراحة اخاف منه ,, ما اشعر بالأمان معه مش الحب امان ؟ هو سلب مني الامان ,, كانت لي احلام وامنيات يوم نتكلم مع بعض لكنه صدمني بقوة. قبل الخطبة عجبني لهدوءه وبروده من كلام اهلي عنه لكن طلع شي ثاني |
رد : الرجل الحساس
اقتباس:
لكنه يعصب حتى وانتي تتوددي له والظاهر أنه هجومي مثل ما قالت فاكهه احتمال يحاول يثبت رجولته وأنه جامد ... برأيي تكلميه بالموضوع وتوضحي له خوفك وصدمتك ... |
رد : الرجل الحساس
النوعية هذه يبغالها تسليك ، وحسسيه ان كلامك الصح وانه مافي منه .. وهو سيد الرجال
وكلام حلو وأفعال .. الموقف حق السماعة ، كان من المفترض ، زعلتي بدلع ، وانه خلاص قلبي بقفل تعبت إذنك هو بيفهم انك زعلتي ، ويحاول يتخطى الموقف ، ياإنه يقولك لا صدقتي ويقلب الهرجه ضحك ، او بيقولك طيب ويقفل، وبينه بين نفسه يتحرك عنده الضمير وبيندم انه قاله .. المهم زوجك واضح عاطفي وعطشان حب وينتظر الكثير منك حتى يبادلك وبعض الشيء خجول .. ومشكلتك الأساس طبع فيه مابيتغير لكن مع احتوائك له بيخفف كثير .. |
رد : الرجل الحساس
اقتباس:
اذكر بعد موقف تحسس منه ,, ماقدرت اتحمل وقلت له ماتوقعتك كذا ابدا هنا سألني كيف توقعتيني ؟ ومارديت مع انه اصر و اصر لكن ماقدرت اتكلم بالمرة يعني ما اقدر اقول توقعت تعاملني بحب وحنان او تحسسني بحبك كانت ثقيلة على نفسي استجدي منه اي عواطف اقتباس:
ودي احسسه انه بتعامله هذا ممكن يخسرني افكر اقوله اننا مانصلح لبعض يمكن يتعدل |
رد : الرجل الحساس
لا آسرة
الرجال يفهمونها تهديد بالانفصال وممكن يصير اعنف وتكبر انا احسه يحبك كثيرا هذا الحب العنيف اللي يحب يستفزك ويضغط عليك ممكن يشوف مدى تحملك له وانا اؤكد لك انك معجبتيه فوق ما تتصورين حبيبتي قوليها له بصراحة مو استجداء عاطفة بس ليش يظلمك وما يفهمك ؟ في مرة وهو يمارس معك نفس الاسلوب فجري مشاعرك ابكي قوليله توقعتك تعاملني بحنان ومحبة انا احبك ولا يمكن احاول اسئ لك او استنقص منك لازم تستفهمين منه اسبابه عاتبيه وانت كمان حاولي اطنشين ولا تصيرين حساسة ولا تتغبين تفسك كثير بالتبرير له وضحي مرة وانسحبي من النقاش يري الموضوع لا تعطين المواضيع اهميتها |
| الساعة الآن 01:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©