|
قصة أثارت شجوني
أتجول هنا وهناك في عالم النت وأقرأ من هنا خبر ومن هناك حكاية فاستوقفتني حكاية تقول
اتصلت سيدة عجوز ببنك الطعام تطلب حضور مندوب لاستلام خمسة بطاطين تبرعا منها لصالح ضحايا السيول وتركت عنوانها بالتفصيل.. ميدان ثم شارع ثم حارة ثم حارة أخرى ثم دكان بقال ثم بيت!. وصل مندوب البنك بصعوبة بالغة إلى مكان إقامة السيدة العجوز، فوجدها عجوزا أكثر مما تصور، هزيلة أكثر من أى توقع، بسيطة أقل من كل فقر، تسكن غرفة صغيرة لاتدخلها الشمس تحت بئر سلم!. ... استقبلت موظف البنك باشتياق شخص يبحث عن ضوء فى عتمة، أصرت على أن تعد له واجب ضيافة كوب من الشاى وهى تقدمه قالت له:.. «الشاى يا ابنى من يد خالتك كرمة، بالهنا والشفا، والله كوبياتى نضيفة وزى الفل، ماتقرفش». كان الموظف الشاب يشرب الشاى وهو يراقب عروق وجهها تنتفض وهى تحكى منفعلة وكان مندهشاً، تصرخ فى وجع:.. «.. ماتستغربش، أنا فقيرة آه.. بس فيه اللى أفقر منى، أنا معاشى من جوزى الله يرحمه 300 جنيه، جبت بمتين وخمسين منهم البطاطين ديه، وهتدبر لغاية آخر الشهر بالخمسين، ربنا بيبعت!». غرفة لا تتسع أكثر من شخصين، سرير صغير يتحمل بصعوبة جسدها النحيل، لمبة فى السقف وتليفزيون بإيريال معلق على شباك المنور، تليفون موبايل قديم يبدو أنه نافذتها الوحيدة مع الحياة، وابتسامة دافئة كبيرة تكشف عن زمن بعيد لم تعرف فيه أبعد من هذه الغرفة ومن هذا المكان. -..« لكن ياحاجة كرمة، يعنى ماتفهمنيش غلط واستحملينى، مش برضه أنت أولى بحق الخمس بطاطين، ظروفك يعنى.. ».. وتخبط يدها على طرف السرير فيهتز وتقول بعبارات لا زيف فيها ولاتراجع:.. «..يا ابنى اللى شفته فى التليفزيون يقطع القلب، ناس عريانة مرمية فى الشوارع من غير لا بيت ولا غطى، أنا فقيرة بس مش غلبانة.. هم غلابة ولو كانوا مش فقرة، أنا ربنا ساترنى فى أوضة باقفل بابها تدفينى وأنام.. هم ماعندهمش لا باب ولا أوضة، يا أبنى خد البطاطين وتوكل على الله الحق ابعتها لحد محتاج قبل ما الليل ييجى، توصل بالسلامة وشرفتنى يا ابنى..». ذهب الموظف بأغلى خمس بطاطين إلى مقر بنك الطعام وحكى لهم ودموع كثيرة فى عينيه قصة الحاجة كرمة، كرمها وكبرياؤها ووجهها الصافى الصادق وكلماتها البريئة الحقيقية، حكى لهم عن علاقتها مع الله، هذه المرأة العجوز التى نساها الزمن لم يهملها الله برحمته فرزقها الحب والبساطة والشجاعة، هذه امرأة لاتخاف أحدا، لاتخاف الفقر ولا الجوع والبرد ولا المرض ولا الموت، تحب الله وتعيش فى أمانه وفى وعده الحق لها، حكى قصة امرأة نظنها أنها تعيش على هامش الحياة.. بينما هى الحياة نفسها. قرر زملاؤه أن يفعلوا أى شىء لهذه المرأة، اقترحوا معاشا شهريا، معونة عاجلة، البحث عن شقة صغيرة لها، سرير أكبر، ثلاجة بها طعام، فسحة فى مكان جميل، لكن موظف البنك الذى ذهب لها قال لهم بثقة من عرفها عن قرب إنها سترفض كل شىء. فى النهاية وصلوا إلى حيلة، اتصلوا بها على أنهم من شركة التليفونات التى تحمل أحد أرقامهم، أبلغوها أنها فازت بجائزة مالية كبيرة، فقالت لهم دون أن تهتز من فرحة أو مفاجأة:.. «.. عارفين بتوع بنك الطعام، اتبرعو لهم بالفلوس كلها، قولوا لهم يجيبوا بيها بطاطين كتيرة لبتوع السيول، ماحدش بيموت من الجوع.. بس فيه ناس كتير بتموت من البرد» أخذني الحنين لدفء صدر أم الدنيا وشرعت أبحث ..... فينك يا مصر ؟؟؟ فينك ؟؟؟ مش لاقياكي :( |
رد : قصة أثارت شجوني
يالله خيتي بيتا ابداع ومشاعر صادقه بجد المشاعر الحلوه تدفينا وتشبعنا وتقوينا .. اهم شي الروح وجمالها
... مواضيع حلوه بجد .. قرات موضوعك الي فات وكنت باكتبلك بالرد انتظر مواضيعك الجميله لا تقطعينا .. بس بطلت .. والحين اشوف موضوع جميل .. اشكرك .. |
رد : قصة أثارت شجوني
موضوع جداااا جميل .. والحكاية رائعة
اعجز عن الوصف ..لكن الحمدالله ربنا كريم وما ينسى احد ربي يفرجها على مصر ويحميها واهلها وترجع مثل زمان شكرا لك حبيبتي جزاك الله كل خير |
رد : قصة أثارت شجوني
أخذني الحنين لدفء صدر أم الدنيا وشرعت أبحث .....
[ فينك يا مصر ؟؟؟ فينك ؟؟؟ مش لاقياكي + طول مافيه قلوب صافيه بتدعيلها حاترجع زى زمان واحسن حانخرج ونضحك ونتفسح ونعيش زى زمان .. انا متاكد |
رد : قصة أثارت شجوني
اقتباس:
|
رد : قصة أثارت شجوني
اقتباس:
امين ... ان شاء الله يرجع لها الأمان والحاكم المخلص لها |
رد : قصة أثارت شجوني
اقتباس:
بس بتعرف أكثر شيء مؤلم لما أهلك وناسك هم اللي يصدقوا افترا الناس عليك ويفرحوا عدوك فيك |
رد : قصة أثارت شجوني
[QUOTE=Beta2;2964162]ان شاء الله قريب ونفرح بمصر وبأهلها بس بتعرف أكثر شيء مؤلم لما أهلك وناسك هم اللي يصدقوا افترا الناس عليك ويفرحوا عدوك فيك [/QUOTE ياحاجه التاريخ حايكتب ايه اللى حصل فى مصر معاكى ان فيه ناس انظلمت وناس طالتها اشاعات بس ده متوقع بعد فوضى الثورات والحمد لله احنا احسن من غيرنا .. اما بخصوص الاعداء فهم عاوزين جنازه يشبعوا فيها لطم .. ماتشغليش بالك بيهم وخلى عندك ثقه فى وطنية واخلاص هذا الشعب وحتى اللى انحرف منهم برضه بيحب مصر .. |
رد : قصة أثارت شجوني
[QUOTE=Raouf;2964166]
اقتباس:
|
رد : قصة أثارت شجوني
لم أجد في متصفح ذهني كلمات معبرة .. غيرأني أتوق لرؤيتها سأتعلم منها الكثير .. شكرا للموفقة بيتا ::: |
| الساعة الآن 12:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©