|
عدم احترام رغبة الزوج؟!
السلام عليكم ورحمة الله وبركاته،
كل عام وأنتم بخير : ) موضوعي باختصار: حصل لي فرصة حضور مؤتمر في كندا، أخبرت زوجتي عن الموضوع فأصرت على الذهاب معي! أنا ما أدري وش هالمسكة كلها 3 أيام وارجع طيب! حاولت أفهمها أنه من غير الملائم أنها تروح وأن معاي زملائي هناك لكن مع الاسف ما اقتنعت! ولما حطيتها أمام الأمر الواقع وقلت لها ما أقدر آخذك، راحت تكلم والدي عن الموضوع ووقف بصفها وأنا الآن مضطر آخذها معي! استغربت من اصرارها على الذهاب؟! وليش ما تحترم رغبة زوجها في الذهاب لوحده؟! هل هو نوع من العناد أو استعراض القوة؟! المشكلة أنها موظفة وصعب تأخذ إجازة ولو أخذت بتخليها إجازة اضطرارية (هذا إذا قبلوا عذرها) على فكرة حنا نسافر بكل اجازة صيفية! |
رد : عدم احترام رغبة الزوج؟!
طوفها لها هالمره
يمكن عجبتها مدة ومكان السفره |
رد : عدم احترام رغبة الزوج؟!
عادي ياخوي
كلها ثلاث ايام !! وروحوا استانسوا اعتبره رضوه لها عن الخطا اللي سويته!! انا لو زوجي بيسافر اتعلق برقبته عااااادي!! |
رد : عدم احترام رغبة الزوج؟!
ربما تغار عليك .. لا تكبر الامور فالموضوع بسيط
|
رد : عدم احترام رغبة الزوج؟!
وعليكم السلام ورحمة الله وبركاته
مشيها هالمرة وخذها معك ومنها تغيير جوو لكم الإثنين هي مو سالفة عدم احترام رغبة الزوج يمكن غيرانة عليك او بعد الموقف السابق اللي حصل لكم حبت تغيروا شوي عن التوتر اللي صار موفق |
رد : عدم احترام رغبة الزوج؟!
الموضوع عادي وخذها من باب السياحه
ربما تتغير حياتكم للافضل بسبب هذه السفره .. أسأل الله أن يحفظكم ويسدد خطاكم |
رد : عدم احترام رغبة الزوج؟!
ما عليه .. خلها تتحرك شوي وتتنشط ... مو أحسن ما تظل متمددة مثل الفقمة :25:؟
سفرة 3 أيام وعلى كندا:23: أكيد بتجدد نشاط أي شخص ومعنوياته ... الله يسهل أمور الفيزا والحجوزات . السؤال اللي يطرح نفسه ... أنت ليش مو حاب أنها تروح معك ؟؟؟ |
رد : عدم احترام رغبة الزوج؟!
زين منها تبي تروح
|
رد : عدم احترام رغبة الزوج؟!
ياحليلها زوجتك
احسها طيبة امس تقول عنها فقمة واليوم تقولك بروح معك صدقني لو وحدة غيرها كان انت بدل منت ناوي تروح لكندا تروح تقابل اهلها عشان تحل القضية ياخي خذها معك واعتبرها رضوة.. ماتسوى عليها الضعيفة |
رد : عدم احترام رغبة الزوج؟!
ماشاالله عليها زوجتك شكل معدنها طيب لا تفرط فيها
لو احد غيرها وحصل لها مثل موقفك السابق معها كان جلست عند اهلها استنفرت جميع القوى النسائية في محيطها وسوت لك خطط خمسينية تحكمك فيها خمسين سنة قدام لكن باين عليها نيتها طيبه وبسيطه وحبوبه الله يسخرك لها ويبسطكم مع بعض |
| الساعة الآن 04:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©