|
حركات حريم
نزولا من مرجيحتي و هبوطا في قسم المتزوجين بناء على اقتراح حكيمة المنتدى :22:
فيه شي من زماان ودي اتكلم فيه فينا طبع يا حوائيات ما يعجبني ابدا و راح اصيغه بداية بمثال و على الله افلح بالتعبير فايزة و سميرة مع اخوانهم بنقاش عام قال الاخ : دخلت البارح الاستقرام لقيته كله صور طبخ و مكياج سميرة : اييه هذا موقعي المفضل دايم ادخله فايزة : يععع احسه كله حق حريم يدخلونه و ينزلون صور طبخات..! موقف ثاني ... سميرة : بنزل السوق فيه اغراض نقصت علي بجيبها الاخ : هيا فايزة تمشين معنا فايزة : يا سميرة بطلي حركات حريم كل شوي نازلة السوق خليك شاطرة و جيبيها مرة وحده ( على أساس الشطارة انها تتخلى عن كونها حرمة لان الحريم مو شاطرات ) موقف اخيير ... الاخ يشتكي من زوجته زعﻻن معها تكون اخت مؤيدة لردة فعله و الثانية تكون مع الحق و اللي معه أبسط كلمة تقولها الحريم ما ينعطن وجه ﻻ تدلعها خلص المثال ..يارب احد فهمني :21: :d ليش احنا يالحريم كذا ....؟ قسم بالله شي يقهر لما اسمع حرمة تنتقد الحريم كلهم و كأنها من الرجال تتكلمين معها باي موضوع تقول لاااا حركات حريم طيب انتي ايش الله يعافيك ..! نفسي نتدارك هذا الغلط و لما نجي نتكلم ما ندرج كلمة حريم و ننسبها و كأن اي شي يسوونه غلط او قلة عقل و هذا الشي اكثر اكثر ما اشوفه بالمنتديات على وجه العموم يوقفون البنات بصف الرجال و يكبرون راسه بس عشانه رجال مشكلتنا كبرنا و الرجل بحياتنا اخذ اكبر من قدره حتى الثقه نكتسبها من الرجل متناسين وجودنا و تاثيرنا عليهم و على أيا كان ترى مو بكل شي الرجل صح و ﻻ هو مﻻك عشان ما نقول ييييع حركات رجاجيل . ما عمري سمعت رجال يقول ﻻ حركات رجاجيل مااحب كذا هالفكرة انتشرت بعقول الحريم اننا عقولنا ناقصه مستدلين بالحديث الشريف و ياليتنا نستوعبه صح معتقدين اعتقاد كامل ان الرجل كل قراراته صح غلط غلللط :11: الرجال فيهم عاهات زي ما الحريم فيهم عاهات و من قوة اعتزازهم بنفسهم ما فيهم واحد ينتقد جنسه حتى شهوتهم يتكلمون عنها انها غريزة و فطرة و سيكلوجية و مدري ايش لكن حنا الله يخلف بس غلطة صغيرة من الانثى ما نغفر لها حتى لو كان العقاب عند الله واحد بين الذكر و الأنثى اقرب مثال الخيانة و نظرة المجتمع لخيانة الرجل و المرأة الدين يقول عقابهم مثل بعض بس شي ناقز لنا اسمه مجتمع مكبر حجم غلط المرأة و مصغر حجم الرجل ليش ما نعذر المرأة مثل ما نعدي للرجل ..؟ لاننا انضحك علينا من قبل المجتمع و البيئة بان غلطة المراة مو مثل الرجل و كبرنا و احنا نقول يييع حركات حريم خلونا ننظر لنفسنا اننا شي حلو و نعتز بانوثتنا تكفووون صار مرة كﻻم بيني و بين اخوي بالمزح قال لي وعد رجال تسوين هالشي ؟ قلت ﻻ وعد حريم يا حبيبي قال بس خلاص عرفت ان السالفه قاضية قلت وعد الحرمة اصدق من وعد الرجال ماسكها علي بكل هرجة ام خالد تقول وعد حريم ماهو مالي عينه وعد الحريم ما ينلامون اذا حنا نتكلم عن نفسنا و نقول لااا حركات بنات ما احبها |
رد : حركات حريم
الرجال على العموم أكثر ثقة و اعتزاز بجنسهم ,,على العموم
يتعاملون بأريحية مع مميزاتهم و عيوبهم كما ذكرت حتى عندما يتحدثون عن غرائزهم و ميلهم للمرأة يتحدثون بثقة وواقعية و ايجاد حلول واقعية وبعض النساء الله يخلف عليها تبحث عن فتات من ضمن حلوله لنفسه لتقتات عليها و تقنع نفسها بالرضا قد تسمي بحثها عن ما يرضيها نفسيا و جسديا ,,ندية هذا يؤدي لردة عكسية , إما أنها فعلا تصبح ندية حتى تثبت اعتزازها بنفسها بطريقة مغلوطة و منافية لفطرتها أو تكون سلبية و تبخص حق نفسها ,,, يا أختي تعود المجتمع على لفظ ناقصات عقل و دين كتعقيب سلبي على كل فعل خاطئ حقا او من وجهة نظر المتحدث ,,صادر من المرأة\ فعلا المضحك يصدر من نساء عن نساء ,,,يعني طالعين منها:21::21: |
رد : حركات حريم
اقتباس:
صددددقتي مجتمعنا تعود على ناقصات عقل و دين و يقهرووونك لما يطلقونها بعض النساء مسز داني اللي ينرفز لما يجي احد يتكلم عن بعض العادات في النساء و طبايعهن ينهي كلامه بعبارة نساء ماعليهم شرهه و اللي ينرفز أكثر وأكثر تجي حرمة و تهز راسها مؤيدة ليه يا عمتي ترى الدين ما انصفه لحاله انتي عندك عقل تقدري تخشي بعينه تقولي وش فيها الحرمة وش الشرهة بنظرك اصلا عشان تقيمها اذا هي على الحرمة وﻻ لا مير ننفخ بقربة مشقوقة :d |
رد : حركات حريم
دايم اقولها المراه عدوة المراه
|
رد : حركات حريم
مقدمة :::
تذكرت قبل كم يوم أتكلم مع وحدة في توتر عن قيادة المرأة قالت مرة ومسكتيها سيارة لا والله ضعنا المرة قاصرة والمرة ماتنفع لشي والمرأة تحركها عواطفها.. شوفي أم خالد عبر عن رأيها ماعندي مشكلة مع أو ضد هذا راجع لها.. لكن تقلل من شأن المرأة لا وألف لا... عاد ابشرك ماقصرت صكيتها بلوك يحبه قلبك :d الخاتمة:: والله لو تحكين من اليوم إلي مايتخرج خالد من الجامعة هذي النوعية من الحريم ماينفع بهن .. على قولتك القربة مشقوقة :( |
رد : حركات حريم
اقتباس:
ولما تكون المرأة غلطانه نقول غلطانه لأن برضه التحامل على الرجل وتلبيسه الغلط بس من باب الحمية لبني جنسنا يظهر غلط زميلتنا أكثر ويضخمه موضوعك عسل متلك :) |
رد : حركات حريم
اقتباس:
والحقيقة: أنَّ المرأة فعلاً عدوة المرأة.. وكثيراً مما قلتِ يكاد أن يكون جزءً من ثقافة موجودة، والله المستعان.. |
رد : حركات حريم
محد يرفعك اذا ما رفعتي نفسك طول م نظرت الحريم لأنفسهم كذا بيضلون الرجال يرددون ناقصات عقل ودين ويرددون غيرها من الألفاظ اللي بتتكلم عن نفسها كيفها بس تعمم وتجمعني معها مع نفسها وتتحمل اللي يجيهآ |
رد : حركات حريم
حبيبتي للاسف مجتمعنا بينظر للمراة في كل شيء انها اقل مستوى
وبتنشأ البنت وهية مدركة هالشيء ومتشرباه في تربيتها و مدرستها وجامعتها و... الخ الخ على مر سنين حياتها كل شوي جملة ناطالها انت بنت وهوة ولد مابنفع وهكذا يعني ازا كان حتى الستات نفسهم بحد ذاتهم بزعلو لما يجيبو بنات او برضو متشربين ثقافة انو خلفة الولد احسن و الحماة عايزة كنتها تحمل زي الارانب لغاية متجيب الولد وبس تجيب الولد لازم ترجع تجبله اخ والكل زي هيك والمراة نفسها اصلا بتظلم حالها و بتظلم المراة مثلها بنظرتها الدونية الها ... و بمهاجمتها في مواقف كتيرة زي الخيانة او العلاقات قبل الزواج وهيك تلاقي الوحدة مع انها بنت برضو تحتقر بنات جنسها الي بعملو هيك شيء وتقلك الرجل غير لما يخون اهون يعني المجتمع متشبع و شبع المراة بهيك امور لشو عاد متوقعة المراة تعتز بحالها وتنبسط عحالها و تفتخر بجنسها ؟؟؟ يعني الشغلة في عقولهن الباطنة ولا اراديا طبعا انا امراة ... :D بس ماعندي هالحركات حركات النسوان ههههههههههههه لا قصدي انا صراحة بحب نفسي ومعتزة بنفسي كوني انثى ولكن ساخطة ناقمة جدا عالثقافة العامة و الظلم و ضياع الفرص الي بيحصل بسبب كوننا نساء ... بالعكس انا حتى دايما في كلامي مع الناس بيكون واضح علية اني مبسوطة على حالي زي كلام الرجال على نفسهم يعني :D:D:D ويلا خلص بلا حركات حريم ههههههههههههه |
رد : حركات حريم
أهلاً بأم المراجيح الحلوة ;).. ما تاخذوني أتمرجح وياكن شوي؟ :23:
نورتي القسم فديتج. تريدين الحق يا أم خالد .. التسوق والطبخ بالفعل سوالف حريم. ;) ليس أن الرجال لا يحبون التسوق أو لا يهتمون بالطبخ .. ولكن جرت العادة أن الأغلبية من النساء أكثر ميلاً للتسوق .. وأكثر حباً واهتماماً أو حتى التزاماً بواجب الطبخ خاصةً لو كنّ متزوجات أو مسؤولات عن أسر وأبناء. مثلما أن كرة القدم والسيارات سوالف رياييل. فلماذا يعتبر التسوق والطبخ سوالف حريم وأمور تافهة .. ولا يُنظر بنفس المنظار لكرة القدم والسيارات رغم أنهما ـ مع احترامي ـ أكثر تفاهة وأقل أهمية .. على الأقل في التسوق يمكن توفير متطلبات يحتاجها البيت .. والطبخ يملأ معدة أولئك الذين لا تعجبهم سوالف الحريم! شخصياً ليست عندي مشكلة في استخدام مصطلح (سوالف حريم) إن كان الغرض منه وصف حالة معينة منتشرة بين النساء .. فعندها يكون المصطلح منطقياً ومفهوماً ومقبولاً .. أما أن تستخدم للانتقاص والاستهزاء من النساء فهذه (سوالف رياييل) مرفوضة تماماً. ;) |
| الساعة الآن 03:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©