|
اشتركت في معرض مهني ولم أقبض نصيبي من المكافأة
قبل 6 شهور كان فيه المعرض المهني للتوظيف .. يقام في قاعة كبيييرة وفيها كثير من جهات العمل الحكومية والخاصة للي يحب يقدم على وظيفة ..
شركتنا فيها عدد محدود جدا من المواطنين .. وهم لهم الاولوية بالمشاركة وتمثيل الشركة في القسم الخاص فيها .. ومافيه معاي إلا بنت وحدة . فأنا حبيت أساعدها وقلت لهم أنا ممكن أشارك في يوم السيدات فقط .. لكن الأيام العامة اسمحوا لي .. فهم وافقوا وماكان عندهم اعتراض .. الموظفين اللي يمثلون الشركة بهالمعرض تعطيهم الشركة مكافأة مالية كشكر وتقدير لجهودهم .. الشهر اللي راح .. عرفنا ان المبلغ راح ينزل مع الراتب .. وتفاجأت إنهم مانزلوا لي ولا شي .. في حين كل الموظفين اللي اشتركوا نزلت لهم المبالغ .. طبعا تضايقت وعرفت انهم استبعدوني عشان اني شاركت بس يوم واحد من الأيام الستة .. ولكن هذا مايعطيهم الحق إنهم يعطون كل الموظفين ماعداي .. لأن فيه موظفين اشتركوا يومين .. وفيه اللي اشتركوا 3 أيام .. وفيه موظفين اشتركوا 6 أيام بكاملها .. ومادام ساووهم ببعض فأنا لي الحق يساووني بهم ..وهم يدرون من الاول إني بشارك يوم واحد ولا علموني انهم ماراح يعطوني شي .. فلما نزل الراتب الشهر اللي راح أنا دقيت بالمسؤول عن الرواتب وسألته .. قال لا مبالغ المعرض المهني الشهر الجاي بتنزل مع رواتبكم .. قالها بتعميم على الجميع .. أنزين أنا أدري إن الموظفين نزلت لهم المبالغ ليش تستغفلني .. قلت معليه بنلحق الكذاب لباب بيته .. وانتظرت شهر .. ونزل راتبي هذا الشهر طبعا مثل ماتوقعت بدون ماينزل المبلغ .. أنا احترييييت جدا جدا .. البارحة أتهدد وأتوعد إني اليوم ماراح أعديها على خير .. ليش ماتساوون بينا وليش تهمشوني .. وأنا اعرفهم هالأجانب لو أسكت عنهم مرة يتمادون ويعيدونها الف مرة .. رحت كلمت الشخص نفسه اللي قال لي هالشهر بينزل .. وقلت له انت قلت لي هالشهر بينزل المبلغ ولا نزل .. قال الموظف اللي يعمل تحويلات الرواتب في اجازة انتظريه لين يرجع .. طيب انت مسؤوله ماعندك صلاحية على شي ؟؟ متى بيرجع ؟ الاسبوع الجاي .. طيب بغيت كشف الراتب لهذا الشهر .. قال لي أيضا لما يرجع الموظف .. عصبت كثيييير وكتبت ايميل طويل وعريض لمسؤولي طلعت اللي في كبدي كله .. قال بشوف الموضوع وبرد عليج .. خايفة انه هو ايضا مثلهم .. لأنهم كلهم اجانب يغطون على بعض ويدارون بعضهم البعض ضدنا احنا المواطنين .. :29::29::29::29: |
رد : محترّة وأبي أطلع اللي بقلبي ..
طولي بالج يا أم الدانة.
ما أتذكره أيام ما كنت موظفة .. أن المشاركة في مثل هذه المعارض أو حتى أية فعاليات خارج حدود وساعات الدوام تكون بتكليف رسمي كتابي للموظفين المراد لهم المشاركة .. وأحسب أن هؤلاء هم من تُصرَف لهم المكافأة المالية. أما أنتِ فقد عرضتِ بنفسكِ المشاركة .. لذلك ربما اعتبروكِ متطوعة ولم يدرجوكِ في قائمة الموظفين المستحقين للمكافأة. تأكدي من هذه النقطة .. هل اعتبروكِ متطوعة أم مكلّفة رسمياً بالمشاركة. |
رد : محترّة وأبي أطلع اللي بقلبي ..
لا كلنا نفس الشي ..
ما كان فيه كتاب رسمي .. وأنا ماعرضت المشاركة .. هم طلبوا مني وأنا وافقت وقلت لهم في يوم السيدات أقدر .. |
رد : محترّة وأبي أطلع اللي بقلبي ..
لا ما لهم حق صراحة
بعدين هذا ظلم عيني عينك يعني انا اشوف انج لا تسكتين وخذي بالاسباب ومثل ما يعطون الاجنبي يعطون المواطن بالتوفيج |
رد : محترّة وأبي أطلع اللي بقلبي ..
اقتباس:
اكتبى طلب للمدير المسئول انك ذهبتى فى ايام السيدات وانك تطلبى تقديرك النقدى عن الذهاب حتى ولو بنسبه من المكافأه بس من غير ماتتعصبى وباسلوب ظريف ومايكونش ايميل بل ورقه مكتوبه ومسجله على السركى حتى يصلك الرد مكتوب وبعدين مش قضية اجانب لانى باسمع الاجانب يقولوا كل حاجه لاهل البلد واحنا لا بلاش الحساسيه دى فكل يؤدى دوره |
رد : محترّة وأبي أطلع اللي بقلبي ..
اقتباس:
تخيلي عدد الموظفين 85 .. والمواطنين فقط 9 !!! وكل شي بيدهم .. حق بعضهم البعض يعطون ويسوون ويبعثون دورات خارجية و و .. وللمواطن كله رفض ومافيه ميزانية .. كل هذا لأنهم خايفين على مستقبلهم .. يخافون المواطن يتفوق عليهم وياخذ مكانهم .. طبعا لأن المفروض له الحق الأكبر .. فلأن الشركة تحت يدهم لاعبين لعبتهم .. تخيلي هم المدراء وهم الرؤساء وهم اللي بيدهم كل شي .. هو فعلا مدير الشركة مواطن مثلنا .. بس مثل ماتعرفون بأي مكان هو مجرد ماسك الشركة كإسم .. ولا فعليا اللي تحته يعملون كل شي .. أنا مب حابة أصعد له الموضوع على هالشي أبغيهم هم يعرفون إني ما أسكت عن حقي عشان يحسبون لي الف حساب .. |
رد : محترّة وأبي أطلع اللي بقلبي ..
استاذ رؤوف شكرا على المداخلة ..
الرجاء لرجوع لردي السابق |
رد : اشتركت في معرض مهني ولم أقبض نصيبي من المكافأة
والله معك حق --- لا تسكتي عن حقك
لو اشتغلتي ساعه خلاص صار لازم يعطوك حقك لكن خليك هادئة بتعاملك معهم لاا تعصبي :d:d بكل هدوء طالبي بحقك وان تاخروا عليك اكثر ارفعي الموضوع لاعلى سلطة ولا يردك الا حقك دامهم عطوا الي عمل يومين والي عمل سته خلاص يعني لك حق ولازم تستوفينه ربي يسر لك ان شاء الله ولا تخافي ما يضيع حق وراه مطالب :22: |
رد : اشتركت في معرض مهني ولم أقبض نصيبي من المكافأة
خيتي ام دانــه يارب يوفقك وتاخذي حقك كامل ..
^_^ |
| الساعة الآن 05:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©