اكتشفت خيانة زوجتي مرة اخرى(( المشكلة الرد 40))مستجدات الرد 93-106
 

السلام عليكم ورحمه الله وبركاته
ان متزوج منذ ( 7 ) سنوات وعن قصة حب حقيقيه. عشت احلامها وفصولها لحظه بلحظه.احلم بها ليل نهار.
بعد المولود الاول بدات المشاكل في الظهور.حيث انني اكتشفت وبعد ثلاث سنين موضوع ( بدون ذكره ) كانت هي طرفاً فيه سبب لي مشاكل كثيره في حياتي اثرت على صحتي. حيث انني انسان كتوم للغاية ولااحب الا هذه الانسانه؟؟كنت اقوول الصبر طيب ... هدي لاتستعجل... اللي زاد الطين بله انه ماتغير شي فيها. على بالي انها ندمت وحست شوي بزوجها اللي يحبها كان بيموت (( حسيت باعراض الجلطه )).

من بعدها لااخفيكم انني تغيرت جذرياً. وبديت افكر كيف صار ذا كله ؟؟؟ مع الرغم اني ماقصرت ويشهد الله باي شي عشان محد يقول اني قصرت. بالعكس والله كنت الزوج المخلص والوفي والمحب والعاشق .....الخ

معاملتها لي في البدايه ممتازه حتى صارت السالفه ذي. بعدها صارت ترفع الصوت والصياح والكلام البذيء.
اتكلم معاها في اي موضوع هي صح انا غلطان ... ماشي مو مشكله.
سواليفها عن اهلها في الغالب وانا نحب بعض كاسره واحده وانا وانا. واهلها تروح تشوفهم في اي وقت بالسنة عادي لو اقول لا زعل وبكاء وصياح !!! طبعاً هما برا مدينتنا بـ 600 كيلو.

هذي الايام براسي موال. ابي اتزوج وحده ثانيه وافك نفسي من الهم والغم اللي انا عايش فيه. انا متحمل سنين من الضغوط القويه عليّ.


اسأل الله لنا ولكم الصلاح والفلاح.

رد : ابي منكم رأي ؟!!....
 

مرحبا اخويه

توكل ع الله وتزوج ولاادير بالك لها اكثر من جي .. العمر مره واللي يبا يعيشه بجحود ونكد اتركه وراك .. حط في عيونك بنتك واوزن امورك اذا كنت قادر تفتح بيتين او لا

اخوي انا مابا اطبطب عليك واقولك تصبر لا حشى انا بعطيك اياها كاش سير قول لحرمتك لين اهني وبس زهقت من تصرفاتج انا ملجت وقريب عرسي .

حطها بالامر الواقع وربي بيوفجك

رد : ابي منكم رأي ؟!!....
 

سامحني حبيبي .. بس يا ليت توضح أكثر ..
القصة ليست واضحة كفاية لنستطيع مساعدتك في قرار مصيري كهذا ..

رد : ابي منكم رأي ؟!!....
 

يا ريت يا اخي العزيز توضح الموظوع اكثر من كذا

رد : ابي منكم رأي ؟!!....
 

وهذا اللي بيصير المسأله مسأله وقت...

ودي اتكلم بس الموضوع حساس بالنسبة لي. بس بقولك شيء ابسط رد من شخص يحصل معه مثل ماحصل معي صدقيني شناطها وبيت اهلها.

رد : ابي منكم رأي ؟!!....
 

لو كل المشاكل حلها الزواج الثاني ماكان خلي بيت من التعدد..

أخي
لما اكتشغت انها طرف في المشاكل اللي أثرت على صحتك،، هل صارحتها؟
وش كان موقفها وردها عليك؟.،، أنا أسألك ﻷنك شخص كتوم،،،
أخشى ماتكونوا تصارحتوا وتفاهمتوا،،،وفي هذه الحالة أكيد علاقتكم تتوتر،،ﻷن نفسك غير صافية،

حدد لها يوم في اﻷسلوع تزور أهلها فيه،،وفهمها هذا نظامك،،وكلمها بالتي هي أحسن،،،
والخرمة تجيب راسها بالكلام اللطيف والفعل الجميل،،،

ا أخي لا تنسوا الفضل بينكم،،كل شي ينحل باللين والتفاهم والصراحة والتنازل،،
والحياة ماتكمل ﻷحد،،وضع بحسبانك أحيانا الزواج الثاني نقمة وايس نعمة.

أصلح الله بينكما.

رد : ابي منكم رأي ؟!!....
 

ما دام في راسك موال .. فما راح يطيح الا يوم تسوي اللي في بالك ;)

فيعني ما نقدر نقول إلا بكيفك. :rolleyes:


لكن بعيداً عن مسألة الموال .. قصتك ليست واضحة.

لا يوجد إنسان يتبدل هكذا فجأة من النقيض إلى النقيض بدون سبب .. وما ينفع يا أخي تحكي القصة بهذا الاختصار: أنا زوج محب ووفي ومخلص وهي صارت ترفع الصوت والصراخ والكلام البذيء!

الوضع الحالي هو نتيجة .. ونحن لا نستطيع أن نحكم على النتيجة بدون معرفة مسبباتها.

هذا بالطبع إن كنت تطلب مشورتنا.

أما إن وضعت موضوعك لأجل أن تكتب قرارك الذي توصلت إليه دون رغبة في المشاورة أو المناقشة .. فمرة أخرى لن نقول لك إلا بكيفك .. ومبروك مقدماً .. مع أمنية صادقة أن زواجك بيفكك بالفعل من الهم والغم اللي انت عايش فيه.

رد : ابي منكم رأي ؟!!....
 

الزواج الثاني ماراح يكون هو الحل بكل الاحوال بالعكس ممكن تعاني معهم الاتنين اكثر من معاناتك الآن.. ونصيحة خلي نيتك لله في زواجك الثاني مو من شان تقهر زوجتك وبس.

وبصراحه انت مااعطيتنا تفاصيل كافية من شان نقدر نحكم على الموضوع خاصة واننا ماسمعنا الا من طرف واحد

ربنا يوفقكم ويصلح اموركم

رد : ابي منكم رأي ؟!!....
 

اخي الفاضلتقول ان زوجتك جابت لك اعراض جلطه
فعشان تتفادى الجلطه بكبرها لا تتزوج ثانيه
الله يكفيك الشر


باعتقادي الموضوع فيه خيانه!!


أإأذأإأ خيانه .. فمالومك لو تتصرف اي تصرف .. لانه الخيانه صعبه ولاتطاق !!

رد : ابي منكم رأي ؟!!....