|
ولدي كرهني في كل شي بحياتي بعناده
السلام عليكم ورحمه الله وبركاته
اتمنى لكم الصحه والعافيه واطفال مو عنيدين ااااه يالعناد اكتب لكم وانا انتفض من القهر زين ماتجيني جلطه من هالولد ولدي الاول حملت فيه بعد خمس شهور زواج تقريبا او اقل بشوي كانت بيني وبين ابوه انواع المشاكل كنت اعيش في عذاب نفسي مخيف ولدته ولاده مبكره ولاحسيت اصلا تجاهه بااي احساس احسه مو ولدي مادري هو عشان اول حمل ولاجاني اكتئاب ولاده وقتها كان بالعنايه وكان توقع حياته نسبه بسيطه كان مره تعبان سبحان الله محيي العظام وهي رميم طلع لي بعدها فرحت وطرت كان هيكل عظمي ومناعته ضعيفه جداا ودايم مريض المهم كنت الاحظ عليه من وهو صغير زنان وعنيد كل شي يرفضه خلاص مايغير رايه فيه عدت سنه وتحسنت صحته وصار جميل ولاكانه هذاك النحيف المهم صار عمره تسع شهور وحملت انا بولدي الثاني لما صار عمره قريب السنتين خلفت الثاني ولا اهتميت بالثاني اهتمامي كله فيه ينام بحظني ومدلعته يطلع معاي كل مكان والصغير محبوس مع الشغاله كله لاني حاسه اني ظالمته عشان جبت فوقه وهو ماتدلع ولا اخذ حنان حتى النوم هو معاي والصغير مع الشغاله كبرو الله يحفظهم اخوه مرح ويحب اللعب والوناسه وهو النقيض لبني البشر كلهم يدور الصياح لو مالقى شي يبكي عليه يخترع حاجه عمره ثلاث سنوات وكم شهر يعاند في كل شي لبس حمام اكل طلعه جلسه يعني مهما عاقبت احرمت هددت مايخاف مني ابد طبعا سلوكه بس بالبيت خارج البيت طفل طبيعي ومعقول يعني يخاف مني لاطلعنا وهددته يعقل مع انه نادرا ماياذي احد يضرب اخوه وبقسوه جداا مع اني اشتري لهم نفس الحاجات بس يغار منه غيره مو طبيعيه كرهني في كل شي احيان احسه مجنون او غبي اعيد الكلام مليون مره ومايفهم واضرب ولايرضخ يعني يكسر العابه مثلا واهدده لما جاء اليوم يجيب السيكل ويمشي فوق العابه عشان تنكسر ونهيته اربع مرات ماطاع يناظر فيني ولايرد علي وقمت ضربته جلس ساعه ونص يبكي وياليته يبكي زي الاطفال لا يصارخ بقوه صوته يخرق الجدران عشان يستفزني وطايح بحركه ينزل الملابس اللي بالدولاب يطلع الا غراض من الثلاجه هو مو راعي خراب بس يجتهد في اي حاجه تستفزني احس بينه وبيني عداوه والله اشك اقول محطوط عمل لي انه يعاديني لين اذبحه حتى لو عاقبته وشلت لعبه له ماينساها يجلس يصيح لو شهر ويعاند ويتفل ع الارض وينقز بوجهي يتعمد اني اضربه مايروح عن وجهي لين اضربه مابي اضرب طبعي هاديه وحنونه خلاني اكره كل الاطفال والله اني اخاف يجلطني بعناده لما ناكل وجبتنا مايغسل الا بالقوه لما يقوم الصباح يغير البجامه بالضرب مايرضى يبدل كل الا وامر يرفضها عذبني عذاب الحمام وانتم بكرامه والله يجلس من الصباح للمغرب يحبس نفسه عشان يعاندني ادخله بعد الضرب يقول ماراح اسوي انا مابي بس عناد لي تكفون ابي حل له تعبت وتعذبت من عناده عطوني حلول وتجارب |
رد : ولدي كرهني في كل شي بحياتي بعناده
حيل حاطه دوبك دوب هالجاهل وتتعاملين معاه كأنه شخص حاقد عليكي
الخلل فيكي انتي بدليل ذكرك لتفاصيل ولادته مع ان ماكان لها داعي في الموضوع بس انتي تدورين الزله عليه اخوي صديقي كان عنيد جدًا ويكسر كل شي قدامه ابوه ذبحه من الطق ويصيح الولد بازعاج مع مرور السنوات صار الغالي من كثر ما يطقه صار يموت فيه !! والله اعلم |
رد : ولدي كرهني في كل شي بحياتي بعناده
اهلا اختي
اولا ذكري لتفاصيل ولادته كان لسبب انا قريت ان الام وهي حامل اي شي يصير لها يحس فيه الجنين ويتاثر وانا مريت بظروف جدا صعبه كنت ابكي الليل والنهار وكان حمله صعب جداااااااا وولادته تعسرت وكانت مبكره وطول بالعنايه وذكرت هالتفاصيل عشان اتاكد هل ممكن هالظروف اثرت عليه وعلى شخصيته انا بطبعي نظاميه عصبيه جداا ماتحمل الحوسه والازعاج ابدا وهذا شي سئ للغايه فيني انا ماانكر نص الغلط مني والنص منه ومن عناده تراه ولدي لايمكن احط دوبي من دوبه لو ماهو هالخلل قاطع قلبي ماشكيت ابي حل تعبت انا اعصب واطق وهو يزيد مايهدا اتمالك نفسي وهذا شي خارج عن شخصيتي وطبعي واكتم غيضي واتعب من القولون واجلس وانتم بكرامه امساك معاي اسبوع بسبب اني ماسكه نفسي ولافرغت غيضي تعبني يعاندني في كل شي مع العلم اشتري واذا وعدته بحاجه جبتها وعنده كل الالعاب واطلعه ساعه للحديقه يوميا بس لارجعت رجع العناد انتظر ردود البقيه |
رد : ولدي كرهني في كل شي بحياتي بعناده
اهلا بك اختي الكريمة وبارك الله فيك وفي ابنيك وبلغك الله بهما صناع المستقبل
-ولدك الكبير مجبر في كل مايفعله و عنده فرط حركه وقلة تركيز وعدم قدره على اتباع التعليمات فيصلح تباعا لذلك ( راغبا لاستفزازك لانه لا يفهم وضعه فيفعل ماهو معروض امام عقله ومشاعره) لانه يرى ام تصرخ وتضرب وبالمقابل نعطيع مالا تعطي الاخر وهذا امتياز يجعله متمرد اكثر وهذا ظلم لطفولته هو و اخاه السبب: الولادة المبكرة كلما بكرت كان فرط الحركة اكثر اتضاحا وقوة الحل: علاج خاص لذوي فرط الحركة ويمكنك استشارة دكتور نفسي او مستشار نفسي باحد العيادة الثقه - تمييزك في الت بية سلبي عاى الاثنين الاول يتمرد والثاني ينكسر وهذا ظلم والظلم ظلمات يا حبيبة الحل: يناموا سويا ويخرجوا سويا و العقاب بذات القدر وبكون عقاب ايجابي الخادمة ليست مربية والابناء ضيوف ملائكية تستحق كل الانتباه حسبما يحب الله لا ما تميل اليه قلوبنا - اعطاء الامور حجمها والهدوء وجميع الامور ستتحين فقط ان تهيلنا نتيجة ايجابيه فنحن سنهطوا خطوات النجاح حسبما نتصور - الاحتواء واظهار الحنان واستخدام لغة الحوار والعقاب بالحرمان والزعل والاحترام اس العلاقة والتربية السليمة وفقك الله وجعلهما من الذرية الصالحه |
رد : ولدي كرهني في كل شي بحياتي بعناده
له ثلاث طرق
أولا / العكس لكن ليس في اخطاء لا بدهاء يعني مثلا عشان يغير البجامة جيبي الملابس قريبة منه حطيها على الدولاب وقولي لا تلبسها خليها شوفي يلبسها با ختصار اوامر بالعكس ثانيا / اوامر بس امريه وطنشيه ثالثا / جبيها بطرقة محببة له مثلا بالمدح او القصص او شخصية حلوة |
رد : ولدي كرهني في كل شي بحياتي بعناده
يا حبيبتي والله حاسة بمعاناتك
فيه حلّ رهيب حضرت مرة للدكتور مصطفى أبو سعد وهو دكتور مشهور في التربية وسلوكيات الأطفال تحديدا تلقين لها ع اليوتيوب مقاطع كثير ، كان يقول تجاهلوا كثير من السلوكيات ، والله التربية ما تكون إلا بالتجاهل ، مثلا ما يبي يغير بيجامته خليه ، لا تنكدين عليه ، ربما أنت كثيرة أوامر ، المهم شوفي لهذا الدكتور والدكتور عبد الله الخليفة وهو كذلك متخصص بالتربية أطفال والله راح تستفيدين وتدعين لي .. |
رد : ولدي كرهني في كل شي بحياتي بعناده
جربي إدخاله روضه، سيتعدل سلوكه وشخصيته كثيراً
هذا الحل أراحني مع ابنتي كثيراً ، مخالطة الاخرين والالتزام والبعد عن حضن الام قليلاً يجعل الطفل ينضج . |
رد : ولدي كرهني في كل شي بحياتي بعناده
الله يجزاكم الجنه ويحرم يديكم ع النار ويحقق مبتغاكم فيما عطاكم ويرزقكم صلاح ذريتكم ياكريم
للامانه انا كثيره الاوامر نظاميه ولااسمح له يجلس ببجامه غير وقت النوم ولا يمكن يطلع من البيت ببجامه او شبشب وهو يعاند يبي يطلع فيهم لاني كثير احرص عليه انه غلط نطلع ببجامه من غرفة النوم ومع ذلك مايلبس الا بصراخ طبعا اللبس مو شي جنب باقي تصرفاته يفكك اي لعبه اشتريها له وعنده طاقه وفرط حركه طول اليوم يتحرك حتى وحرارته 39 يلعب بسم الله عليه اخوه طول الوقت مع الشغاله والله مانام معاي الا كم مره خلال هالسنتين تخيلو وادري انه غلط بس تعبت اوفق بينهم اخاف اظلم الكبير ع حسابه وانا عصبيه واخاف اعصب عليهم زود وسبحان الله الصغير حنون علي مره ومطيع لي بسم الله عليه لما اطلب منه حاجه يقوم يجيبها اما ذا الكبير جنني لاقلت جيب لي منديل قال لا عاصي لجميع طلباتي برى البيت هادي ومطيع وحبوب ولايمد يده بس مع اللي يمون عليهم يتمشكل مع اي احد غريب محترم وهادي احب اخذه لمشاويري ارتاح معاه وينبسط بس بالبيت كان فيه مصيبه ببيتي من يدخل تنقلب حياتنا النوم بالقوه الاكل الحمام العلاج اللبس يضرب اخوه اقوله اجلس مايسمع انادي عليه وهو بعيد عمره مارد علي يجلطني احيان ابيه يجي بعطيه شي مايجي الا اذا قلت تعال بعطيك حلاوه او عصير يجي طاير مايقول لي نعم ابداا جربت دخلته حضانه اسبوعين تدمرت نفسيته وصار خواف ودي اجرب ثاني مره بس اخاف ادمره وانا ابي شخصيته ماتنهز نفسي اكون حنونه عليه ودي اهذب سلوكي واهبط شوي دايم ادعي الله يعمي عيني عن غلطه ويكف اذاب عنه مابي اقسى لانها ماراح تجيب نتيجه ابي طريقه اهذب سلوكه واخليه يسمع الكلام صح جبت له تلفزيون ودي في دي وجلست احط افلام وقصص ونتابع مايحب هالاجواء جبت له ايباد وكسره مرتين مايهتم باغراضه واذا زعل يكسره مايحب يتابع برامج ولاقصص ابيه يركد ويتابع كرتون بس مايطاوع جبت سبوره كبيره واقلام صار يكتب ع نفسه وع الجدار ترك السبوره دمر البويه لي جبت صلصال عشان يسوي كور واشكال صار يقطع ويحط باذنه وبخشمه كل حاجه ابي اسليه فيها يقلبها لي ابي اعرف كيف اصلح له جدول عشان مايمل هو ملول جداا يحب التغيير انتظركم الله يسعدكم |
رد : ولدي كرهني في كل شي بحياتي بعناده
كثير الحركة اشغليه ولا اشغلك
حاولي تتعرفي على اشياء يحبها ابداي حوار معاه خليه يتجاوب معاك ويثق فيك تكلمي معاه انه ولد كبير الطفل العنيد حله الأول والأخير هو التجاهل الشي المهم جدا واللي لازم تعرفيه انو انتي السبب في شخصيته هادي ولو ماتغيرت طريقة تعاملك معاه راح يزداد الأمر سوء وتصعب السيطرة عليه |
رد : ولدي كرهني في كل شي بحياتي بعناده
اقتباس:
اقتباس:
لا تدمرين طفولة طفلك وتشوهين شخصيته عشان عصبيتك ونظامك منك الخطأ كله راجعي حساباتك قبل الندم أنا عارفة مشكلتك كويس اسمعي اليوتيوب الي ذكرته لك قبل تفهمين وش مشكلتك ووش علاجك بالضبط كلمة أخيرة : ارحمي المسكين من تسلطك ! |
| الساعة الآن 11:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©