منتدى عالم الأسرة والمجتمع - زوجة أخي تحدثني عن خاطب وترفض من تلقاء نفسها

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - زوجة أخي تحدثني عن خاطب وترفض من تلقاء نفسها (http://www.66n.com/forums/showthread.php?t=248042)

زوجة أخي تحدثني عن خاطب وترفض من تلقاء نفسها

السلام عليكم ورحمة الله وبركاته

زوجة أخوي اليوم جلست معي تقول وحدة زميلتها
سألتها عن أخوات زوجها تبغى تخطب منهم لولدها
تقول سألتها هو ملتزم قالت لا .. قالت مدخن .. ردت : ايوا ..

فتقولي زوجة اخويا يعني ما يصلح..
هي تقولي خبر بس فهمت منها انها تبغى رأيي
المهم انا وقتها ما قلت لها شيء رجعت اتصلت عليها
تقول لا تستعجلي عليك بالاستغفار والصدقة خخخ
قلتلها ممكن يكون مناسب مو شرط انه مدخن او غير ملتزم يعني مو كويس
ممكن فيه جوانب ثانية تمام .. مو كفاية الخاطب المطلق كان ملتزم وانا فرحت بهذه الميزة اللي اتمناها وهي بوسوستها لامي
تقولها ما ينفع لين راح العريس وما ردوله وكانت ميزته انه ملتزم ..
دحين هذا مو ملتزم ولم يسبق له الزواج
على بالهم حالقى رجال كامل ..
المهم قالت لي عليك بالاستغفار والصدقة خخخخخخ
انا صراحة زعلت كأني انا اللي طالبة منها تجبلي عريس
قلتلها والله انتي سألتيني وانا جاوبتك،.
انا اتبع السنة ممكن يكون مناسب بعد السؤال عنه .. ولو انه مدخن وغير ملتزم ..
في الأخير قالت انا اقصد ما يصلح لك ..
طيب على كيفها يصلح ما يصلح..
انا اللي أقرر مو هي ..
وليش هي تقولي مادام ما يصلح ..
المهم وتقول فيه وحدة زميلتي ثانية كلمتني بس بتسأل اهلها وتردلي
والله يكتب اللي فيه الخير
ما فهمت جملتها الاخيرة ..
يعني قصدها عندها عريس ثاني من ناحية زميلتها الثانية
بس تستنى تردلها خبر .. ؟؟
محا اشغل بالي في الموضوع بس حز في خاطري ان الكل يتخذ القرار عني
كنت أظن لي كلمة على أهلي في موضوع الزواج كما يدعون ..بس طلع هم أسلوبهم ديبلوماسي
يعني يتظاهرو ان لك كلمة وفي الأصل لا ..
بس يلا كويس مهم ديكتاتورين..
وين نلقى عيلة ديموقراطية :)
الله يرزقنا من واسع فضله.