|
نوم الرضيع
السلام عليكم أش حالكم،،
خواتي المواليد في الأربعين كيف نومهم ؟! طبيعي يضل مولود عمره شهر ست ساعات صاحي ؟؟؟؟؟؟ بس ينام في النهار طبعا مش كل النهار ،،،، ابغي أرتب نوم بنتي كثير تعبتني ،، متى أبدا ؟ وكيف السبيل إلى ذلك ؟! :15::15::15: |
رد : نوم الرضيع
تنظيم نومة الطفل بهالفترة صعبه جداً لانهم طول النهار نايمين واغلب الليل مصحصحين وبس يبكو ماشاء الله عليهم
الصبر هو الحل الوحيد وان شاء الله بس يخلص الشهر حبه حبه يبدا يتنظم وقته سبحان الله حاسه انه الطفل مابعد تعود على الوضع الجديد وانه يكون مرتبك ومتوتر من خروجه لدنيا ومفارقته لمكانه ببطن الام علشان كذا دايماً يصيح ودايماً غازات ومغص انت اهم شي خلي بالك طويل واغمريه بحنانك الام كل ماتوترت او تايقت انعكس على رضيعها الله يجعلها بنت صالحه وباره فيكم والحمدلله على سلامتكم :) |
رد : نوم الرضيع
ما شاء الله توج مربية يا أبغي حل؟
حمدلله على سلامتج فديتج .. وعلى سلامة الشيخة الصغيرة .. ربي يجعلها قرة عين لج ويرزقج برها وصلاحها. شوفي حبيبتي.. مثل ما قالت ندى .. في الأربعين كل شي مخربط .. لكن شوي شوي الأمور تترتب .. وتبدا النونو تتعود على الروتين اليومي وبتتجاوب معاج بإذن الله .. خصوصاً لما تنتظم الرضاعة وتشبع عدل بعد كل وجبة. بس حطي في بالج إن فترة نومها ممكن فعلاً تكون قصيرة أو تنش أكثر من مرة لأنها تجوع وتحتاج ترضع ـ حالياً ـ كل ساعتين أو ثلاث ساعات .. لكن بعد كم أسبوع الفترات بين الوجبات بتطول شوي وبالتالي بيتحسن رقادها أكثر. |
رد : نوم الرضيع
اقتباس:
|
رد : نوم الرضيع
اقتباس:
متى يبدأ ينتظم رقادها يا مهره ،، حبيت هالاسم من محبتي لج و إعجابا بشخصج وأصبحت فعلا ام مهره ،،،:14: |
رد : نوم الرضيع
حمد لله على سلامتج أختي أم مهرة
أقر الله عينك بها و ببرها و صلاحها أختي جربتي المساج بزيت زيتون دافئ أو حتى زيت الأطفال العادي لمنطقة البطن بشكل دائري باتجاه عقارب الساعة و أيضاً من فوق جهة صدرها إلى تحت بطنها بطريقة رأسية ،،،ما أعرف أجدت الشرح أو خربطتج هههههه المهم بتحصلين في اليوتيوب مقاطع عن مساج الأطفال الرضع و استفدت منها مع بنتي،،، بعد المساج قمطيها وترضع و تنام نومة هنية بعون الله هو فعلا عالشهرين بينتظم ارقادها و بتزيد ساعات نومها و بتنام فترة أطول و مع الوقت بتحصلينها وقت الليل تنام بشكل متصل بس يبي لها صبر هالفترة ربي يبارك فيها |
رد : نوم الرضيع
اقتباس:
ما تدرين شكثر أثر فيني اختيارج للاسم .. بس بغض النظر عن شخصي المتواضع .. الاسم وااااااايد حلو .. عليج وعلى مهرة بالعافية يا رب. المفروض خلال الأسابيع القليلة القادمة ينتظم رقادها .. بس طبعاً بشرط ما يكون في دلع ولا شلول .. لأن الياهل يوم يتعود امه تشيله أو تهزه عشان يرقد يصير صعب عقب يرقد بروحه. الشي الثاني .. شو يعني الشيخة مهرة ما تحب تتقمط؟ .. ليش هو على كيفها؟!!! الياهل في هالمرحلة يقحص وايد .. وحركة يده تخليه غصب عنه ينش .. والقماط مفيد جداً لحل هالمشكلة .. وبالتالي نومه يطوّل شوي وما يخترب. إذا يتي بتقمطينها وصاحت .. خليها تصيح شوي .. مب مشكلة .. غالباً بتهدا عقب شوي وبتسكت .... أو ممكن تقمطينها قبل موعد رضعتها مباشرة بحيث ما تعطينها فرصة تصيح .. وغالباً عقب ما ترضع وتشبع بتكون أهدأ وما بيزعجها القماط. لكن في نفس الوقت لاحظي ان نومها ممكن يخترب بسبب مشاكل ثانية .. مثل الغازات اللي تكلمت عنها ندى. فإذا كانت مهرة عندها غازات .. فأقترح عليج تسقينها ماي زمزم .... أذكر شما بنتي كانت تقطع لي قلبي مسكينة .. وسبحان اللي هداني لتجربة ماي زمزم .. كنت أسخنه شوي بس ما أفوره .. واسوي به حليب حق وجبتها الأخيرة قبل النوم .. والحمدلله وااااااايد ارتاحت. |
رد : نوم الرضيع
خواتي بديع المعاني ومهره ،،، شكرًا شكرًا جزيلا فعلا للغازات حلولكن ممتازة ماشاء الله وجابت نتيجة جزاكم الله خير ،،،
بخصوص القماط :14:طبقت النصيحة وصاحت وصاحت وأنا منطشه العب لين غفت ولازلنا ع هالحال وبخصوص النوم ،، نحن ف آخر الأربعين ،، الحبيبي ترقد اول الليل وسهاري بعدها من الساعه 12 لين أدان الفجر الله يبارك فيها ،،، شكرًا ع تواصلكن معاي :30: يزاكن الله خير |
رد : نوم الرضيع
والله كلنا عم منعاني من نوم الاطفال انا ببات سهرانة مع بنتي كل يوم
|
| الساعة الآن 02:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©