صديقي راعي حلال ومقبل عالزواج
 

السلام عليكم

صديقي مقبل عالزواج و راعي حلال يعني مربي للابل والاغنام هوايه وتجاره بنفس الوقت

مشكلته انه يذهب للمزرعه بشكل يومي لا يستطيع مفارقة حلاله حبًا فيهم مع ان عنده رعيان يشرفون عالحلال

بس صديقي ما يعرف يمر يوم الا يروح لحلاله لانه يستمتع وهذي هوايته بنظره تسوى الدنيا وما فيها

المشكله كيف بيكون وضعه بعد الزواج يترك بنت الناس بالشقه لحالها يوميًا !
هو يذهب للمزرعه بعد رجوعه من العمل مباشره
على فكره هو ما يتاخر هناك بعد صلاة المغرب يرجع للبيت

شالحل وايش راح يكون وضع الزوجه ونظرتها لزوجها وهل في مشكله ان كان يرجع للبيت بع صلاة المغرب يوميًا ؟

الذهاب للمزرعه اجمل شي بحياته لدرجة انه يرفض السفر حبًا في المزرعه والحلال حتى لو عرضت عليه سفره مجانيه لاجمل دول العالم!! بس طبعًا هو ماراح يطوف شهر العسل

ايش التصرف*

رد : صديقي راعي حلال ومقبل عالزواج
 

الله يسعدك ويسعده.

ما دامه لا يستطيع مفارقة حلاله .. خلاص ماله داعي يتزوج.

ضروري يتزوج يعني؟ ;)


أصلاً إذا حلاله شاغل أغلب يومه فليش يبا يتزوج أساساً؟

رد : صديقي راعي حلال ومقبل عالزواج
 

هل هو مملك
ام يبحث عن فتاة للخطبة؟

رد : صديقي راعي حلال ومقبل عالزواج
 

انا عندي قريب لي جدا نفس حالة صديقك ومتزوج لاكثر من عشرين سنة وحياته ممتازة ةزوجته سالتها قلت ما تتضايقين من هذا الشي قالت ابدا ما يضايقني

رد : صديقي راعي حلال ومقبل عالزواج
 

يمكنه الزواج ولتفترض الزوجه ان عنده وظيفه مسائية


المهم هو اخبار أهل البنت مسبقا بكل التفاصيل ليكونو على علم

وتقدم وهي متهيأه وراضية

رد : صديقي راعي حلال ومقبل عالزواج
 

لا ينسى حلاله شوي اول للايام

رد : صديقي راعي حلال ومقبل عالزواج
 

جزاك الله خير

الزواج سنة الحياه

وبعدين ناس كثيره مشغولين بامور مختلفه هذا حال الدنيا يعني ما يتزوجون !

نبي حل لمشكلته وتوقعكم كبنات بنظرة المشكله من ناحية زوجته وايش يتصرف

رد : صديقي راعي حلال ومقبل عالزواج
 

مملك حاليا

رد : صديقي راعي حلال ومقبل عالزواج
 

الله يبشرك بالخير

رد : صديقي راعي حلال ومقبل عالزواج
 

مثلك عارفه ربعنا ما يعلمون لما يخطبون بهذي الامور نهائيا

حتى لو فرضنا احد تكلم يعني اني صريح ( ربعنا راح ياخذون عنه فكره غلط وغالبا راح يرفضونه ومحد يزوجه)

سياستنا خش ودس واخفاء العيوب وباكر يعقل