|
اشرايكم بالمحبطين يعني لما تشتري شي يكسر فيه ويطلع عيوبه بعدين يقول مبروك
السلام عليكم
بجد استغرب من الكثير من الناس اللي ما عندهم ذوق نهائيًا لما تشتري سياره لونها اسود قالوا لك ليه تاخذ هاللون !! او ليه شريت بهذا السعر واذا شريت مستعمله قالوا ليه ما شريت جديده !! اعوذ بالله من هالنوعيه وهم كثر للاسف بالنهايه يقول لك مبروك وانا اقول الله لا يبارك فيك وخل رايك لك من ناحيتي ما اتأثر حيل لاني مقتنع بقراراتي بس هالشي يدبل الكبد غير ان يؤثر بناس كثير وقد يكرهون هالشي ويؤثر بنفسياتهم يا اخي نصيحتك مالها قيمه لانها بالوقت الضايع ولان وجهة نظري وسبب شرائي وامكانياتي وتخطيطي يختلف عنك فرجاءًا بارك او احتفظ برايك لنفسك |
رد : اشرايكم بالمحبطين يعني لما تشتري شي يكسر فيه ويطلع عيوبه بعدين يقول م
القهر هم لما يخطؤون اخطاء فادحه بالشراء على طول اجاملهم ولا اكسر بخاطرهم مراعاة لمشاعرهم
بس لما يستشيروني بالبدايه قبل الشراء ما اجامل وابين رايي بس ان شرى بقول له الف مبرووك بس انا ان شريت شفت السنتهم سكاكين مسلطه !! يا جماعه هل الناس تحب الجريء سليط اللسان والا اشسالفتهم صايرين وحوش اعوذ بالله ؟ |
رد : اشرايكم بالمحبطين يعني لما تشتري شي يكسر فيه ويطلع عيوبه بعدين يقول م
اذا انتهى الامر ماعلى الانسان الا الكلمة الطيبة
الراي والنصيحة تكون قبل هذي قاعدة بالنسبة لي |
رد : اشرايكم بالمحبطين يعني لما تشتري شي يكسر فيه ويطلع عيوبه بعدين يقول م
وعليكم السلام ورحمة الله وبركاته ..
لاعليك به أبداً ..رأيه لن يُغير من قناعتي ..وكون واثق من قرارتك ولا تهتز .. واسكته بالكلمة الطيبة .. وفقك الله .. |
رد : اشرايكم بالمحبطين يعني لما تشتري شي يكسر فيه ويطلع عيوبه بعدين يقول م
اقتباس:
اما بالنسبة للي يحطمونك و يقللون من ذوقك تقدر تسكتهم بابتسامة و تقول هاذي اللي عاجبتني ذي اللي طقققت نفسي فيها و لولا اختلاف الاذواق لبارت السلع و اذا زودها مرة مرة اقلبها و ذب عليه تلقاه يسسسكت ، هم المﻻقيف كذا يبغالهم خشة عين |
رد : اشرايكم بالمحبطين يعني لما تشتري شي يكسر فيه ويطلع عيوبه بعدين يقول م
لو ذهبت يمينا لقال لك الناس لما لم تذهب شمالا ولو ذهبت شمالا لقالوا لك لما لم تذهب يمينا ! حيث تشعر كأن الناس ينتظروا منك فعل شيء ما بطريقة معينه لينتقدوك لما لم تفعله بطريقة أخرى ! آراء الناس تختلف , ولا يمكن أن يتفقوا بالأمور التي تحتمل أكثر من وجهة نظر ولذلك إفعل ما ترى أنك مقتنع به وكفى . |
رد : اشرايكم بالمحبطين يعني لما تشتري شي يكسر فيه ويطلع عيوبه بعدين يقول م
مشكلتك حساس مره تتاثر بكلام الناس ومتعب جهدك وطاقتك بنظرتهم
|
رد : اشرايكم بالمحبطين يعني لما تشتري شي يكسر فيه ويطلع عيوبه بعدين يقول م
من استمع الى الناس مات هماً
دعك منهم و افعل ما يحلو لك من جميع النواحي لكن بتجنب ما حرم الله و عدم التعدي و الإساءة الى الآخرين وفقك الله و رعاك |
رد : اشرايكم بالمحبطين يعني لما تشتري شي يكسر فيه ويطلع عيوبه بعدين يقول م
اجعل مبدأك في الحياة وفق مايلي
رضا الناس غاية لا تدرك ورضا الله غاية لا تترك فأدرك ما لايترك واترك ما لا يدرك |
رد : اشرايكم بالمحبطين يعني لما تشتري شي يكسر فيه ويطلع عيوبه بعدين يقول م
وش رايك يا بدوي باللي فوق الذم بعد فترة تلاقيهم شارين نفس اللي ذموه معك قبل؟!!!
هالامر بالنسبة لي اصبح عاااااادي، وأصبحت صاحبة ال مفاجآت يعني أحطهم قدام الامر الواقع ،. وانتقد رأيهم وذوقهم اذا بداو يتفلسفون وبس |
| الساعة الآن 04:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©