خطيبي فجأه صار غريب !
 

السلام عليكم ورحمة الله وبركاته

لثقتي الكبيره في هذا المنتدى وأعضائه قررت استشيركم

أنا تم عقد قرآني و الزواج أن شآءالله بعد كم شهر

يزورني زوجي بين فترات متباعده

أنا خجوله لدرجة فضيعه واستحي من أبسط حركه

خطيبي جريء لكن مو صريح وحتى بالمكالمات مايوصفلي شعوره أو إش يحس لما يشوفني

ولو سألته بالجوال يصير نفسه سريع ؤمايتكلم بوضوح ويغير الموضوع

المهم / ألاحظ عليه وهو قدامي يرتجف كثير بس يخبي

ؤأحيان بعفويه أقرب منه أو آخذ حاجه من يده

ألاحظ أصابعه ترتجف وفمه يرتجف بس يخبي بسرعه ؤيحاول مايخليني انتبه له

ؤمره جلس جنبي وحسيت بصعوبه يتنفس وكأنه تنفسه متقطع

حاول يضمني ويبوسني بس ماأسمح له إلا بوسات سريعه

ؤلا عمرنا جلسنا جلسات طويله زي كل المخطوبين حدنا ساعه أو ساعه ونص

وبسسس


// سؤالي ليه يرتجف بالشكل هذا - وليه يطلع سريع ؤمايجلس معايا كثير !


* مع انه يوم الملكه واهله وتصوير بس ماكان يرتجف ؤلأمرتبك زي دحين!!

ماأعرف إش صار له :rolleyes::rolleyes:

رد : خطيبي فجأه صار غريب !
 

وعليكم السلام

ما شاء الله
الله يوفقك ويتمم لك بخير


معناها مو جريء :)

اممم أنا أتوقع الارتباك والرجفة إذا كانت تجي وتروح
معناها مو مشكلة عضوية، أكيد من الخجل
وممكن يكون من النوع اللي ما يقدر يقاومك ويمسك نفسه
بس هو قاعد يحاول يسيطر ع مشاعره وتصرفاته، عشان كذا
يتلخبط ويرتبك.. يمكن!


الله يوفقك

رد : خطيبي فجأه صار غريب !
 

صباح الخير يا ٲمورة

لفت نظري بالموضوع ما عمرنا جلسنا الا ساعه او ساعتين :)

قولي خير بعضهم عشر دقايق و خير و بركة

طبيعي جدا تصرفه يمكن اول مرة يقرب من بنت و هذا شعور يسبب الارتباك ٲحيانا

للرجال الخجولين ..

ع فكرة „ترى مرررة حلو الخجل هذا


الله يسعدك و ويوفقك و يتمم لك بخير

رد : خطيبي فجأه صار غريب !
 

ماسك نفسه مايبي يتهور:d

رد : خطيبي فجأه صار غريب !
 

وعليكم السلام ورحمة الله وبركاته ..
مرحباً بكِ أختي الطيبة ..
بالعكس هذه صفة جميلة فيه الحياء ..رٌبما يٌفضل أن يبوح بمشاعره في الأيام المقبلة فلا تستعجلي أبداً ..
كل شيء بوقته جميل وكي لاتفقد بهجتها ..
والأمر عادي جداً لاتقلقي ..
ونسبه مكوثه معكِ فلا بأس بها أبداً ..
وأحياناً التقارب جداً يأتي بالمشاكل هكذا جميل هذا التوسط ..
وفقكِ الله لكل خير ,,وجمع بينكما بخير ..

رد : خطيبي فجأه صار غريب !
 

شكرا لكم جميعا


لكن اليوم سألته شخصيا وجاوبني

وفعلا افتكرت انه حكالي هالشيء من أول مأخطبنا لبعض

بس أنا مافهمته !

ودحين حكالي مره ثانيه وفهمت :'

طلع معاه شيء اسمه _ شلل رعاشي

وانه يتعالج منه وياخذ أدويته بانتظام

أسأل الله يشفيه ويحفظه من كل مكروه

دعواتكم ربي يحميه ويخليه ويسخرنا لبعض

...

رد : خطيبي فجأه صار غريب !
 

أسأل الله أن يشفيه شفاءاً لايُغادر سقماً ..وجميع المسلمين والمسلمات ..اللهم آميين ..
ويجعله قرة عينيكِ ياحبيبة ..
دعواتي تُرافقكِ ..

رد : خطيبي فجأه صار غريب !
 

الله يشفيه يارب

رد : خطيبي فجأه صار غريب !
 

اختي اعتذر اذا بزعلك لكن لازم اقولك ان المرض هذا مو موضوع سهل

وهو من الامراض المزمنة يطلق عليه (مرض باركنســـون)

انا اعرفة لان فيه ممثل يعاني من هذا المرض اسم الممثل Michael J. Fox

وايضا الملاكم المشهور محمد علي كلاي يعاني منه ، وياسر عرفات الله يرحمه .... وغيره

ما ادري اذا هم قالوا لكم عن حالته الصحية قبل الخطبة او لا .. اتمنى ذلك لانه موضوع ما يتخبى

كان من ضروري تكوني عارفة من قبل عشان يكون عندك الخيار برفضه او لا لوجود المرض

انصحك تبحثي عن المرض وتكوني ملمه فيه .. وتستخيري اما المضي بهذا الزواج او لا


اللهم اشفه شفاء لا يغادر سقما ..

واعتذر مرة اخرى لكن كان من الواجب علي هذا الرد ...

رد : خطيبي فجأه صار غريب !
 

حبيبتي والله هذا شيء طبيعي