![]() |
ابغى الطلاق بس ماعرف كيف اسوي (( مستجدات في الرد 21-26))
السلام عليكم
انا بقولكم قصتي من اول ماتزوجت ،،،،،انا زوجي انسجن من ثالث ليله من زواجنا دخل السجن بقضيه استقبال مخدرات من دوله مجاوره المهم انسجن وجلس بالسجن ثلاث سنين وماصرف علي ريال واحد بعد الثلاث سنين جاه عفو طلع وجلس معاي شهرين ونص تقريبا حملت في خلال هذي الفتره الي جلسها معاي وفي خلال هذي الفتره اتهمني في عرضي وقمت ودعيت عليه بقلب محروق وسبحان الله ماامداه يروح اسبوع الا ومكافحه المخدرات يمسكونه وهو يبيع مخدرات بفلوس مرقمه انسجن انحكم خمس سنين راح وانا حامل باول شهر ووالحين صارله من انسجن ثلاث سنين وعليها كم شهر تقريبا شهرين طبعا ولدت وجبت ولد عمره الحين سنتين وسبع شهور بس قبل شهر احد خبرني ان زوجي وهو بالسجن اكتشفو انه يبيع حبوب مخدره وزادوه سنتين على حكمه الاول يعني باقي له اقل شي لين مايطلع باقي ثلاث سنين او اربع المهم انا كل مااستخير في زوجي احس بنفسي متكدره وضايقه احس انه مافيه خير لي دايما احلم انه يطلقني بالثلاث وانا اكون مبسوطه بالحلم وفرحانه واقول احمدك يارب واشكرك انا الحين ابغى الطلاق بس ماادري من وين ابدا ماعرف وش الخطوه الاولى ابغى اروح المحكمه ابغاه يطلقني هل يقدر الشيخ يطلقني منه بدون حضوره الى المحكمه وهل بامكانه يطالب بالمهر للمعلوميه انا مااملك ولاريال لان ذهبي او مهري الي اعطاني اياه صرفته على نفسي لانه مايصرف علي وكيف بالنسبه لولدي هل يقدرون ياخذونه مني او انا اخذه الله يخليكم والله انا ماسجلت الا عشان تساعدوني ياهل الخير لان عمري ضاع مع واحد مايستاهل راحت ست سنوات ونص من عمري وانا انتظره وماقدر |
رد : ابغى الطلاق بس ماعرف كيف اسوي
وعليكم السلام ورحمة الله وبركاته .. ما أدري عن قوانينكم لكن اللي أعرفه .. إذا كان الأب غير مؤهل للتربية ما بيعطونه الولد .. كيف بيربيه وهو بالسجن؟ وين أهله واهلك عنك؟ زوجك هل كان يصلي؟ وانتي كان عندك أمل انه يتعدل؟ أعذريني أختي بنقل موضوعك للقسم الأنسب |
رد : ابغى الطلاق بس ماعرف كيف اسوي
إستشيري محامي |
رد : ابغى الطلاق بس ماعرف كيف اسوي
ابو زوجي واهل زوجي راح ياخذون ولدي مني وانا ابغى ولدي
انا الحين عند اهل زوجي وفي بدايه الشهر الجاي راح ارجع عند اهلي كلنا نعيش بنفس المنطقه زوجي كان يصلي صلاه يمشي حاله فيها يعني العشاء كان يصليه بعد اذان الفجر وبعدين صلاته مانهته عن المخدرات كان يتعاطى ويبيع احس اني فقدت الامل منه اذا احد عنده رقم محامي لايبخل علي |
رد : ابغى الطلاق بس ماعرف كيف اسوي
زوجي يقول انه معاد يبغاني ويقول انه من تزوجني وهو سجن في سجن
والحين صارله تقريبا سنتين مايسال عني ولا يكلمني |
رد : ابغى الطلاق بس ماعرف كيف اسوي
اقتباس:
اذا اردتي الطلاق اذهبي الى المحكمة و التي بدورها سوف تتأكد من محكومياته الثلاث و سوف يطلقونك منه لدي سؤال اختي الكريمة مع انه فات الأوان كيف وافق اهلك و وافقتي انتي عليه و هو تاجر مخدارت الم تسألوا عنه امام مسجدهم او اهل الحىء او معارفه؟ |
رد : ابغى الطلاق بس ماعرف كيف اسوي
وضعك مريب ... يقبض عليه وتعودي له وتنجبي منه؟!
ألهذه الدرجة سُلبت إرادتك ؟!... واضح أنك ألغيتي عقلك وظلمتي نفسك وظلمتي ابنك معك!! وأهلك ما كان موقفهم منه ؟! ... وما هو موقفهم الآن؟! ألا تعرفين حقوقك في شرع الله؟ ألا تعرفين أنه بإمكانك مطالبته بنفقتك انت وابنك !! ألا تعلمين أن أمثاله ليس له لا مهر ولا ذهب ولا احد يطل في وجهه أصلاً بل هو من عليه الدفع لك وليس العكس فقد أضر بك أنت وابنك ليس له حضانة فهو أب فاسد وفساده يحول بينه وبين احتضان ابنه ... وليس لأحد حق فيه سواك!! أين أهل أبيه أيضاً لماذا لم ينفقوا على حفيدهم المزعوم!! هل حجتهم قلة مال أم حجز مقاعد في حياة الصغير للفرجة!! ماذا تفعلين عندهم في منزلهم؟! ومالذي دعاكِ للتحرك بعد كل هذه السنوات؟! |
رد : ابغى الطلاق بس ماعرف كيف اسوي
اقتباس:
اقتباس:
حسبي الله ونعم الوكيل بس جد ولدي يقول ان عنده توكيل من زوجي ان له الحق يتصرف في كل شي اتجاه الولد يقول انه هو يعتبر زي ابوه في الامور هذي اهلي سالو عنه شيخ اتفقو معاه انه يمدح ولدهم لنا |
رد : ابغى الطلاق بس ماعرف كيف اسوي
اقتباس:
انا الحين رجعت بيت اهلي كنت عند اهل زوجي لان جد ولدي اخذ ولدي وقال خلاص بيتربى الولد عندهم وانا ماقدرت اصبر ورحت له عندهم وجلست شهر ماادري بصراحه بعض الاوقات ادعي ان الله ياخذ ولدي عشان ماياخذونه مني ماادري وش اسوي خلاص احس اني منهاره اكتشفت انه قد انسجن قبل مااتزوجه مرتين وبعد الزواج مرتين وبالاضافه الى السنتين الي اضافوها له الحين |
رد : ابغى الطلاق بس ماعرف كيف اسوي
لا حول ولا قوة إلا بالله .. يعني إنتي الآن عند اهلك ومخلية ولدك عند أهل زوجك؟ استشيري محامي يا أختي مو لهالدرجة يستغلون جهلك بحقوقك ويحرمونك من ابنك .. |
الساعة الآن 02:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©