هل انا مستعجله ولا هذا طبيعي؟؟
 

بسم الله الرحمن الرحيم

السلام عليكم ورحمة الله وبركاته وبعد

انا صراحه جديده هي هذا المنتدى ولكن هذا اول مرة في حياتي اشترك فيها في منتدى وان دل على شي دل على روعة هذا الموقع بكل ما فيه من اقسام حتى الواحد ما يلحق يقرا كل شي في اليوم ... المهم الله يفقكم واتمنى اني اكون واحده من اسرة هذا البيت العود

اريدكم تفيدوني للي عنده فكره
الله يسلمكم انا متزوجه من 10 اشهر وجلست مع زوجي شهرين وبعدين سافر للدراسه وبعد كل 3 اشهر يرجع من السفر لمدة اسبوعين او اقل المهم انا شاغلني موضوع الحمل ولما كلمت الدكتورة قالت لي اني عندي ضعف بسيط في التبيض وعطتني حبوب اكلها بعد ثلاث ايام من االدورة وحبوب بعد خمس ايام من الدورة بالإضافة الى ابرتين من عندها وكانت تشرط علي بالجماع في ايام معينه وهي ايام التبويض عندي وانا احيانا في اذيك الايام يصير فيها جماع واليوم الي بعده احيانا ما يصير ..
وصارلي على هذا الحال فترة وقالقني فأفيدوني افادكم الله !!!!! :confused:

انا عندي نفس المشكله , بس المفروض زوجج يكون موجود يعني لازوم اداومين على العلاج ثلاث اشهر يعني كورس واذا ما نفع تعطيتج كورس ثاني لمدة ثلاث اشهر يعني زوجج لازم يكون موجود في ايام التبويض في هاذي الثلاث اشهر......اذا كان زوجج يدرس في الخارج سافري وياه وتعالجي هناك ما فيها شي ....والله يرزقنا ويرزق المحرومين بالذريه الصالحه ...

مشكورة يا ختي العوده تعرفي ليش لانك اول وحده ترد علي وهذا الشي اسعدني
المشكله ما اقدر اسافر معه اكثر من شهرين لاني اعمل والعمل لم يسمح لي اكثر من ذلك وبعدين انا الحين معه صارلي اسبوعين وقبل 3 ايام جت الدوره و الدكتوره قالت لي اني لازم اكل الحبوب بعد 3 ايام وانا بصراحه متردده آكله الحين لاني قلت في قرارة نفسي انا ليش متعبه نفسي ليش ما اخليها على الله ولما الله يريد بيرزقني متى يشاء لاني اولا ما كملت سنه وقلت ان هو بيخلص دراسه بعد 5 اشهر ولما يخلص بأذن الله انروح الدكتور مع بعض ونعمل فحوصات مع بعض ولا انتي شو رايك ساعديني