|
اقتراحاتكم لمحلات فساتين سهرة بالشرقية
اهلا اخوتي عن قريب يكون لدينا عرس لاحدى قريباتي عقبال عندكم
ولسة ماشريت فستان.حابة تعطوني اقتراحاتكم لمحلات مشهورة بالشيء الزين،لاني ما احب الف السوق كثير يعني في الشرقية الخبر الدمام،، مارينا مول مليان محلات ،واحس ودي بشيء بسيط سادة اقتراحاتكم |
رد : اقتراحاتكم لمحلات فساتين سهرة بالشرقية
هلا عزيزتي
قبل فترة صادف حفل زفاف لأعز صديقاتي ومرينا لأول مرة منذ فترة بعيدة فينيسيا مول وصار كله فساتين سهرة من أول محل لآخره ..... ما أكذب عليك مالقيت شي يعجبني بس سبحان الله الأذواق تختلف روحي وشوفي مالقيتي شي عندك سويكت وبالتوفيق |
رد : اقتراحاتكم لمحلات فساتين سهرة بالشرقية
مم رحت فينيسيا في عرس سابق و ما عجبني شيء على كثرة المحلات على قولتك
انا بكرا راح امر الظهران مول يمكن في دبنهامز .نفسي بشيء بسيط لكن بقماش راقي يمكن تتذكري بعض المحلات هناك؟ السويكت لا..زحمة |
رد : اقتراحاتكم لمحلات فساتين سهرة بالشرقية
ما في وقت تفصلين؟
أحس التفصيل أفضل وعلى ذوقج .. تختارين الموديل براحتج وتقدرين حتى تغيرين فيه إذا حبيتي تزيدين شي أو تلغين شي. وفي نفس الوقت يفكج من الحواطة في السوق. |
رد : اقتراحاتكم لمحلات فساتين سهرة بالشرقية
شوفي تبين شي ناعم وحلووو بجد مالك إلا الظهران مول
محل عند بوابة 5 على يدك اليسار مباشرة محل F&F فساتين ناعمة وجميلة ورسمية وأسعار مقبولة وأظن حاليا عندهم تخفيضات لو ماشفتي شي روحي التوسعة عندك نيولوك تقدري تطقمي تنورة على قميص فخم جربي وهناك بعد نيولوك فيه محلات أكثر بس نصيحة روحي فترة وسط الأسبوع رووواق ولاتشيلي أطفالك توني أدري إنك من الشرقية يامسز داني فرصة حلوة إني أصادفك يووم |
رد : اقتراحاتكم لمحلات فساتين سهرة بالشرقية
لا والله يا مهرة مفيش وقت.للاسف..لدينا بنصف السنة عرس اخر ماشاء الله لاخت عروستنا
وافكر بالتفصيل. شكرا روح f&fازوره و اشوف:) فرصة اسعد عزيزتي. |
رد : اقتراحاتكم لمحلات فساتين سهرة بالشرقية
وش تبين بالجاهز
انا كنت اكره شي اسمه تفصيل لكن مؤخرا صرت اتضايق لما ما الاقى مقاسي بالمحلات اضطريت الجأ للتفصيل خاصة لما يكون فيه موديلات ناعمة ببالك الحين يستحيل اشتري جاهز .. امر اشتري كم نوع اقمشة و ارجع البيت امخمخ عليها اصمم و ابتكر موديﻻت و اعطيه للخياطة تطلعه في اسبوع جربي مرة و اذا اعجبك ما راح تفضلين غير التفصيل بعدها فيه موديﻻت نااااعمة من النت تجيك حركة في الياقة او الاكمام هي شكل الفستان كله و حﻻة التفصيل يميزك عن احلى فستان جاهز احاول اقنعك فيه غصب :) و على فكرة فيه خياطات يطلعون بثلاث ايام بعد و على فكرة ثانية اذا تبين اعطيك موديﻻت بسيطة هم حاضرين كم مسز عندنا بس ارفقيلي كرت الدعوة :d |
رد : اقتراحاتكم لمحلات فساتين سهرة بالشرقية
تسلمي ام خالد هههههه
بس باقي اسبوعين بالضبط .سالت احدى المشاغل اللي منعوت لي قالت ما تقدر تخلص بهالفترة لا تحبطيني ان شاء الله الاقي جاهز بخرجة وحدة |
رد : اقتراحاتكم لمحلات فساتين سهرة بالشرقية
الله يوفقك حبيبتي وتلاقي اللي يناسبك
ينقل للقسم الأنسب ... |
رد : اقتراحاتكم لمحلات فساتين سهرة بالشرقية
نفس الازمة واكره اللفلفه
وذوقي صعب ومابقي غير اسبوعين وكلها تجمعت الله ييسرلي وييسرلك مسز داني |
| الساعة الآن 03:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©