احترت كيف اتعامل مع اهمال زوجي لي
 

اعتذر ع كثرة مواضعي وخاصا بهالظروف ورقادي بالمستشفى

انا بصراحه احترت كيف اتعامل مع زوجي الاحساس الي يوصلني منه جدا مرر

وماعاد فيني اتحمله لان سنين عمري مضت وانا دوم الاضحيه

اتكلم معه جوال ابيه يخفف عني يعطيني كلمه تستدني مافي امل


اذا صرت اسولف يرد ايه ايه واغلب الوقت ساكت مايتجاوب معي بشي

الرجال ماصار يطيقني ابدا وهالشي لاحظته يوم كنت معه وانتم تعرفون القصة

ع طول طفشان وضايق خلقه وغريب الاطوار لابعد الحدود

توهني ولا صرت افقه معه شيء واحس انه قاعد ينتظر لي الفرصه بدليل اذا ناقشته يقول دوم تشتكي مني

اذا مو عاجبك دوري غيري !!

ماله اي دور بحياتي مايتجاوب معي بشي حتى بالسوالف يقعد ساكت ماهو طبعه بس يوم يحب يطق السوالف يعرف مع من


جنسيا وعاطفيا ومعنويا وماديا ماني متشبعه منه بشيء ومع هذا اقول اعدي طيب الي متى؟؟

انا بديت استوعب تماما انه مايبغاني وسالته بالله كم مرة يقول لو مابغاك ليش اجلس معك

لكن الكلام يناقد الفعل وانا تعبت نافرر مني لابعد الحدودً

حاولت اتقرب منه بشتى الطرق مافي نتيجة او يمكن شايف له شوفه وقاعد يضيق فيني الارض


انا بالمستشفى مثل ماتدرون احتاج له معي واحتاج انه يرفع معنوياتي اكثرر

بس اذا خلصت معه مكالمه اشعر باحباط شديد


كيف اتعامل معه وكيف احسسه انه غلطان بحقي ومقصر

هل تنصحوني اطنشه ولا ارد عليه ولا كيف اتعامل انا تعبت بصراحه ابغاه يستوعب

لايعقل حياتنا تتم كذا ملل قهر
هل اسكر عليه وسائل الاتصال واذا ولدت اهلي يعطونه خبر ووقتها يحلها رب العالمين ام ماذا؟؟

احترت وربي البيت واحس بالم

((تم التعديل ليتناسب مع المضمون))

رد : احترت كيف اتعامل معه
 

تعبت وانا اقول عين سحر ضرر

طيب هو مايقع عليه اي لووم

قبل شوي اداعبه بالكلام الي المفروض هو يسوي هالشي معي وانا راقدة بالمستشفى

قال مع السلامه بنام وخاصا بكون صريحه لاجيت طاري الجنس صار يشرد وينفر

انا مدري وش المصيبه ذي ابتلاء هذا ولا ايش ياربي


بالعربي تعبت وانا اضحك ع نفسي واسايسها بالاعذار ابيلي حل

فوق كذا قام سكر الجوال بوجهي وانا اكره هالعادة

وبكره راح يصحى يكتب صباح الخيررر وكان شي لم يكن

ياعالم ساعدوني والله نفسيتي تدمرت تراه احساس اشد مرارة من المرر

كون اي وحدة فيكم تحس مو مرغوب فيها عند زوجها

رد : احترت كيف اتعامل معه
 

انتبهي للي بطنك كنتِ حمل وحافظي عليه
خلاص افهمي يبيها تجي منك بس لاتعطينه الفرصه
الله يفرجها لي ولك

رد : احترت كيف اتعامل معه
 

لمسه
هذا طبعه بارد جاف
اتوقع حتى ببيته الثاني كذا تصرفاته بس زوجته معطيته طاف والله اعلم
خلاص لا تتوسلين حب اشركيه بحياتك
سعني يقوم فيك وبعيالك
الحياة مو كلها كلام حب ورومانسيات
وش تسوين هذا نصيبك
حاولي تصيرين عمليه معاه ولا تعاتبين
او جربي طريقة متفائله بالله واشتغلي على الايحاء الايجابي
قولي محتاجتك يا فلان اليوم الدكتور قال كذا الله لايخليني منك
لا قال صباح الخير قولي تصدق هالرساله منك تعطيني دافع و تشرح صدري على الصبح
خططي معاه للمستقبل اسماء الاطفال تخيلو اشكالهم
روحي سوق معاه

رد : احترت كيف اتعامل معه
 

قلب مكسور اذا هو ماكر وبنتطرها مني فالله وكيله


مبثعته والله حاولت مافي فايده منه الحياه اصبحت ممله معه

نفوره مني يفقدني اعصابي وانتي انثى وتحسين بهالشي

رد : احترت كيف اتعامل معه
 

طنشيه واحتفلي بهالأيام .. بحلمك الي ربي حققه لك
الله يبارك لك فيهم
بس ينورون حياتك .. ما تلقين وقت تفكرين فيه بيشغلون عالمك كله
وهو وقتها أكيد بيتغير

رد : احترت كيف اتعامل معه
 

افاق كيف اطنشه اذا قال صباح الخير مارد عليه؟؟

رد : احترت كيف اتعامل مع اهمال زوجي لي
 

كلمة ورد غطاها يا لمسة ..
صباح الخير
ردي : صباح النور

شلونك ؟
ردي : بخير عساك بخير .
وبس
انشغلي بنفسك وصحتك وعصافيرك إلي بالطريق ..
واستغلي الوقت بالقراءة والدعاء مثل ما نصحوك أم خالد ودندرمة

رد : احترت كيف اتعامل مع اهمال زوجي لي
 

اغلقي وسائل الاتصال خليه يبحث عنك هو

رد : احترت كيف اتعامل مع اهمال زوجي لي
 

حبيبتي لمسة اول شي الحمدلله على سلامتك والله يقومك بالسلامة
ثاني شي وحشتيني والله وكثؤر كنت احاتيك في غيابك
ثالث شي ياحبيبتي لاتفكري في احد الا اطفالك اللي جايين في الطريق .. لاتتعبين نفسك وفكرك ويأثر بعدين على صحتك واطفالك .. ياشيخة خليه يولي انتي الحمدلله ربي اعطاك اللي كنتي تتمنيه وبدل طفل اثنين .. اهتمي في نفسك وبس ولاتفكرين في شي ثاني .. طنشي زوجك .. ان جاء من نفسه خير وبركة وان ماجاء خليه ولاتطاردي فيه .. انتي كل اللي بيدك سويتيه ومامنك قصور ..

والله يقومك بالسلامة ..