تبي تصير محبوب عند الكل خلك عفوي ولا تفكر بنظرتهم لك لحظة ما تكلمهم
 

السلام عليكم

اذا انت عارف ان دمك خفيف ومحبوب ( مثلي انا :) ولان اغلب الناس دمهم خفيف ) بس مو قاعد تطلع بهذي الصوره امام الاخرين لاسباب كثيره منها الخجل او الرهاب الاجتماعي او فقدان الثقه او غيره من الاسباب

وهالشي يخلي الجلسه معاك شبه ممله وحياتك من غير طعم

كيف تتصرف ؟

الحل بسيييط طبعًا ومن خلاصة تجربتي وخبرتي بالحياة :)

الحل سهل جًدا بس يحتاج تدريب علشان تعرف تطبقه

الحل هو انك ما تفكر وانت تتكلم مع الاخرين بنظرتهم لك في هذه اللحظه يعني تغشمر وامزح بعفويه وابتسم و بصوت واضح وعيش حياتك لو ما ضحكوا كمل واستمر لين ينكسر الحاجز بعدها راح يضحكون وتصير محبوب
تدري ليه ؟ لانك تكلمت بعفويه فدم يصير خفيف وسوالفك جميله

اغلط بالكلمات استمر راح يصير لك استايل خاص
وتزين الحياه بعينك وتكثر الاتصالات عليك

طبعًا الموضوع مو علشان ترضي الاخرين وتصير اراقوز
الموضوع للاشخاص الطيبين اللي يستحون اشوي ومع الوقت الناس بدأت تمل منهم والسبب منهم لانهم لم يكونوا عفويين وعلى طبيعتهم فلما يقولوا سالفه تكون ماصخه بلا طعم

الموضوع يحتاج جرأه وتمرين
*

رد : تبي تصير محبوب عند الكل خلك عفوي ولا تفكر بنظرتهم لك لحظة ما تكلمهم
 

ياخي انته قاعد تجيبها عالجررح


الله يسعدك ياشيخ

رد : تبي تصير محبوب عند الكل خلك عفوي ولا تفكر بنظرتهم لك لحظة ما تكلمهم
 

طيب اذا طبقت الكلام الي قلته..

وما شفت تفاعل من الحاضرين.. او كانت ردة الفعل صمت مطبق!!!

ايش تسوي بهالحاله !!!!

رد : تبي تصير محبوب عند الكل خلك عفوي ولا تفكر بنظرتهم لك لحظة ما تكلمهم
 

الله يجزاك خير

جبتها عالجرح لاني عانيت منها سنين وضيعت اجمل ايام عمري بهذا المرض الخبيث ( الرهاب الاجتماعي) اللي بعد عني الاصدقاء وعشت بشبه وحده مع ان لو تفكر مافي سبب يمنعني !!

رد : تبي تصير محبوب عند الكل خلك عفوي ولا تفكر بنظرتهم لك لحظة ما تكلمهم
 

انت الحين فشلت لانك للحين تنظر لنظرتهم لك فما راح تكون عفوي وان ما كنت عفوي وعلى طبيعتك حتى اسلوبك وملامحك ونبره صوتك راح تكون مصطنعه فمحد راح يتجاوب معاك

والموضوع يحتاج تمرين وراح تنجح وتفشل مرات استمر وراح تنصدم

وان نجحت من الفرحه ما راح تمل وتصير الحياه جميله بعيونك وتحس ما عندك وقت تزور كل اصحابك من كثرهم وكثر المتعه اللي بتصير لك
بس دير بالك تنشغل فيهم وتنسى اخرتك

رد : تبي تصير محبوب عند الكل خلك عفوي ولا تفكر بنظرتهم لك لحظة ما تكلمهم
 

الله يسعدك يا بدوي حساس

هههههه

مو بس في السواليف اللي تضحك

حتى في كل كلامك سواء جاد او يضحك

لا تنظر لردة فعل و لا تقييم احد لك

موضوع جمييييل

جزاك الله خير

رد : تبي تصير محبوب عند الكل خلك عفوي ولا تفكر بنظرتهم لك لحظة ما تكلمهم
 

يمدحون الثُقل والرزّه عند التعارف الاول..

ابتسمت لِما قرأت ها هُنا ..

رد : تبي تصير محبوب عند الكل خلك عفوي ولا تفكر بنظرتهم لك لحظة ما تكلمهم
 

بدوي بغض النظر عن هالموضوع لاني لي فيه راي مغاير
انا اشوف مو لازم اضغط على نفسي وامثل شخصيه مش شخصيتي علشان ارضي الناس واضحكم واحصل على رضاهم مو لازم يكون عندي صداقات كثيره ولا لازم اكون نجم المكان الاهم اكون مرتاحه
ياليت تحكينا لنا عن تجربتك بالرهاب

رد : تبي تصير محبوب عند الكل خلك عفوي ولا تفكر بنظرتهم لك لحظة ما تكلمهم
 

الله يجزاك خير فعلاً كلامك صحيح

رد : تبي تصير محبوب عند الكل خلك عفوي ولا تفكر بنظرتهم لك لحظة ما تكلمهم
 

الله يجزاك خير

ما قلت الواحد يصير خفيف

الموضوع اللي اتكلم عنه عن شخص كان اجتماعي ومرح مع اصدقائه وبعدها انتكس نتيجة رهاب اجتماعي او غيره
وحاول يرجع مرح مثل قبل وفشل
فهذي نصايح بسيطه وحلول