|
يوم كنت طفل مؤدب ما كنت محبوب كثير بالعايله
السلام عليكم
للاسف البعض مننا قبل ولازال الى الان يربي عياله تربيه خاطئه ويفضلون الولد الجريء والوقح على الولد المحترم ومثلكم عارف الولد الصغير ينتهج له خط بالبدايه يا انه يكون محترم او يكون صايع وضايع ويشوف ردة فعل اللي حوله ان لقى تشجيع استمر على وضعه وصار طبع وخلق فيه مستقبلاً بس ايش الحاصل للاسف عندنا لما الولد يكون محترم ويصلي ومؤدب ومتفوق ما يصير محبوب عند الغالبيه من العائله ، صحيح يمدحونه مرات وبس وينتهي الموضوع ولو نجح بتفوق محد درى عنه بس يقولون ماشاءالله اما لو كان الولد راعي مشاكل ولسانه بذيء يصير محبوب ويخطف الانظار حتى لو كان كسلان وفاشل وان نجح لو بنسبه ضعيفه يعطونه هدايا ! انا شخصيا لما كنت طفل 5 سنوات تقريبا عانيت من هالشي حتى عمي كان يعلمني بعض الكلمات البذيئه علشان يفتخر فيني عند اصحابه !! واذكر مره للاسف كان عمي يكلم حرمه بالتلفون بينهم صداقه المهم يقول لي تعال كلمها وانا صغير 5 سنين وكنت استحي وبعد محاولاتهم الفاشله في اقناعي جا ولد جيرانا مثل عمري وتكلم معها والكل ضحك وانبسط من هالولد !! انا كإنسان ما تبون ثقتي بالمبادىء تتزلزل ؟! طبعاً تعب نفسياً من هالعالم الغريب وكدت اتأثر بس غيري قد يتأثر فربوا عيالكم صح فهمتوا :) |
رد : يوم كنت طفل مؤدب ما كنت محبوب كثير بالعايله
وعليكم السلام ورحمة الله وبركاته
اخي الكريم كلامك صحيح فجيل الكبار مليئون بالاخطاء ويربون الصغار بطريقة عاطفية خاليه من المنهجيه فبارك الله فيك والمثال في الحقيقة الذي طرحته يكشف عن جانب نفسي حساس وعميق في طفولتك انت متعب جدا وتعيش صراعات داخليه اود ان اطرح عليك سؤالا هل تحب نفسك وراضٍ عنها؟ وهل انت تعيش السلام الداخلي |
رد : يوم كنت طفل مؤدب ما كنت محبوب كثير بالعايله
اقتباس:
تراني طبيعي ومافيني الا العافيه :) وراضي عن نفسي تمام الرضا واطمح اطورها ومن غير غرور لاني ادري اني انا صحيح لاني كنت اقرأ كتب كثيره وانا صغير وعارف اني صح وهم خطأ لهذا السبب ما هموني بس الصراع يعني اغلب الناس غلط وانا صح هذا الشي اللي يتعب عمومًا انا كاتب الموضوع علشان اللي مثل حالي يحتاطون وما يهتمون باكثر الناس ويشكون بنفسهم والسبب اللي خلاني اكتب اليوم وانا امشي اسمع اثنين شباب يسولفون عن ولدهم اللي عمره 3 سنين وهم مفتخرين بوقاحته وقلة ادبه ومع ذلك يحبونه !! قلت بقلبي هالنوعيه للحين موجوده المفروض انقرضوا :) |
رد : يوم كنت طفل مؤدب ما كنت محبوب كثير بالعايله
ماشاء الله تبارك الرحمن هذا شيء جميل
نعم نحن بحاجه لتوعيه فشكرا جدا لك وخصوصا المجتمع من حولك لا بد ان لك اصدقاء كثر جدا و يدركون مالديك من نصح فحاول بقدر الامكان انتنصحهم وتبذر فيهم باللين والكلملا الطيب اسأل الله لك التوفيق |
رد : يوم كنت طفل مؤدب ما كنت محبوب كثير بالعايله
اقتباس:
|
رد : يوم كنت طفل مؤدب ما كنت محبوب كثير بالعايله
جزاك الله خير صراحه لو وحده ولدها اتلفظ بلفظ فيه سب او شتم و هي فرحانه و لا تقولي شفتي ايث يقول الله يسعده :17: اقولها في وجهها بيكبر و انتي فرحانه بقلة ادبه << تشجعيه لكن عموما بقولك انا طفولتي فيها تشجيع للمواهب الفذة المؤدبه ما شاء الله بس ما كنت اغار لووول :25::26: |
رد : يوم كنت طفل مؤدب ما كنت محبوب كثير بالعايله
صح كلامك بس ترا ما انقرضو الحين بالعكس زادو وصار الي يستنكرهم هو الغريب جاي من كوكب اخر ،،
اما عن العالم صار غريب وسامج همه المظاهر والشكليات في اخر الزمان يكون القابض ع دينه كالقابض ع الجمر الله يصلح الحال والاحوال |
رد : يوم كنت طفل مؤدب ما كنت محبوب كثير بالعايله
اقتباس:
تلقين الغالبيه يحب البنت الملسونه اللي سوالفها سوالف عجوز يعني تفنن بتخريب الاطفال واذا كبروا يبونهم يكونون محترمين !! ما يصير |
رد : يوم كنت طفل مؤدب ما كنت محبوب كثير بالعايله
اقتباس:
|
رد : يوم كنت طفل مؤدب ما كنت محبوب كثير بالعايله
يا ريت وقفت على الوقاحه وطولت اللسان اشوف اباء يحرضون اطفالهم على الام يقوله اضربها وسوي فيها وتعبها كانهم في معركه ويبي ينتصر من خلال ولده والنتيجه الطفل طلع ما يحترم امه وبيعامل زوجته بنفس الطريقه ما يعرف الاب ان قدوه لابناءه وماخذ السالفه مزح
|
| الساعة الآن 04:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©