|
تأثير التفاخر على الشخص ووقت الجد يبين على حقيقته
السلام عليكم
بتكلم عن موضوع غريب اشوي مرات نصادف ناس تهايط وتقول نفعل ونفعل من كثر ما يرددون هالكلام اغلب الناس اللي حولهم يصدقونهم على سبيل المثيل جالس مع شباب وواحد سأل هالسؤال : لو هجم اسد على خويك وشتسوي ؟ الاول صريح اشوي جاوب وقال : انحاش هذا اسد مو لعبه الثاني جاوب : ادافع عن صديقي وقام يستهزىء بالشخص الاول ويقول له انت مو رجال ومافيك خير ومن هالكلام واقعياً لو تحدث هالمشكله ممكن نلقى الشخص الاول اللي طلع بصورة الجبان لا شعورياً يدافع عن صديقه بكل قوه وشجاعه! وممكن نلقى الشخص الثاني يموت من الخوف او ان رجوله ما تشيله ! اجتماعيا المفروض الشخص الاول ما يقول هالكلام لانهم راح يستحقرونه للاسف والثاني اللي هايط وضعه ممتاز ، كان المفروض من الشخص الاول ما يجاوب او يهايط اشوي ان اصروا عليه بالاجابه :) مثال اخر مرات نلقى شخص حياوي اشوي وماله بالخرابيط وشخص ثاني جريء وراعي خرابيط ويكلم بنات ( الله يهدينا وياه ) لما نشوفهم نقول ان الاول راح يستحي بالعرس وليلة الدخله وان الشخص الثاني خبير بس يا ما صار العكس !! بمعنى نلقى الحياوي يدخل بكل ثقه بالعرس وليلة الدخله اسد والثاني مرتبك ووجهه شاحب بالعرس ويستحي من زوجته ! شنو اللي صار بالضبط ؟ ما نبي نتكلم من منظور ديني لان هالشي منتهين منه اللي صار بوجهة نظري ان الشخص الاول محترم وحياؤه طبيعي والثاني يعاني من خجل واضطرابات نفسيه محد يعلم عنها لانه يعرف يخفيها ويبين للاخرين ان شجاع وجريء ولكن وقت الجد يبان على حقيقته والمشكله ان وقت الجد قليل فصعب تكتشفه بس ظاهر لنا ان الهياط اشوي له فوائد والا اشرايكم ؟ لان يطلعك بصوره جميله من كثر ما تكرر للناس عن فعلك تبدأ تصدقك ما ادعوا للهياط لكن الموضوع للنقاش |
رد : تأثير الهياط على الشخص ووقت الجد يبين على حقيقته
وما الفائدة أن أظهر بصورة جميلة في حين أنني عكسها في الواقع؟
الصورة ستكون جميلة عندما تكون صادقة وواقعية. |
رد : تأثير الهياط على الشخص ووقت الجد يبين على حقيقته
اقتباس:
بس حاب الفت لاخوانا ان في ناس بس تهايط وكثير مصدقينهم فالموضوع لزياده ادراك وفهم هالنوعيه من البشر يعني لا تنغرون بكل من قال افعل وافعل |
رد : تأثير الهياط على الشخص ووقت الجد يبين على حقيقته
اقتباس:
لا أعتقد أن الناس ـ غالباً ـ بهذه السذاجة بحيث يطول انخداعهم بمثل هؤلاء. |
رد : تأثير الهياط على الشخص ووقت الجد يبين على حقيقته
اقتباس:
|
رد : تأثير التفاخر على الشخص ووقت الجد يبين على حقيقته
ما هو الهياط أخي الكريم؟؟؟
لم أستطع فهم الموضوع بسبب الكلمة,,,اعتذر,,,, |
رد : تأثير التفاخر على الشخص ووقت الجد يبين على حقيقته
اقتباس:
وانا افعل كذا وكذا والواقع غير بس علشان يطلع بالصوره الجميله امام الناس |
| الساعة الآن 11:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©