منتدى عالم الأسرة والمجتمع - كيف اقنع اهل البنت اللي بتقدم لها!!

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - كيف اقنع اهل البنت اللي بتقدم لها!! (http://www.66n.com/forums/showthread.php?t=250593)

كيف اقنع اهل البنت اللي بتقدم لها!!

السلام عليكم ورحمه الله و بركاته

بدون اي بمقدمات...

موضوعي معقد شوي و اتمنى الاقي حلول للمشكله اللي بتواجهني

انا والعياذ بالله من كلمه انا... انسان اخاف ربي و ملتزم في امور الدين. ولله الحمد

انا طالب ادرس بالخارج للدراسه الجامعيه ... اتعرفت على انسانه و حبيتها. علاقتنا لها 4 سنين ولم افكر ان المسها في يوم
ابوها عرف عن الموضوع وردت فعله اكيد كانت سلبيه

قررت اني اتجرأ و كلمت ابوها و حكيته عن كل شي بيننا. وضحت له انه نيتي طيبه و ابغى بنته بالحلال بس اني اخلص دراستي في الخارج

في البدايه كردت فعل عصب علي ولكن في النهايه قالي انه اعجب بجرائتي. وقال انه ان شاء الله بعد ما تخلص امورك تعال.

بعد سنه، الاب بدأ يتغير على بنته ويقلها انسي الشخص دا انا ماعندي بنات يتزوجو واحد كانو يعرفوه من قبل.
وصلت الى درجه انه حيغصبها تتزوج واحد في الفتره دي

انا قررت اني اواجه اهلي و اعترف لهم بكل شي صار وردت فعلهم انهم وافقو على اني اتقدملها

انا انسان مجمع المهر من بداية دراستي و مستعد اصرف عليها تكمل دراستها بالخارج عندي الامكانيه
و فوق دا كله، الله يجزاه خير الوالد و يطول في عمره باني عماره لي انا و اخواني للمستقبل و قالي لا تخاف من ناحية السكن لمن تخلص دراسه
انا اخاف ربي واصلي فروضي في وقتها في المسجد الحمدلله و قررت اتقدم لها عشان اثبت اني قد كلمتي و اني ابغى بنته

لكن مشكلتي كيف اقنع ابوها و هوا يقلها انا ما ابغى بنتي تتزوج واحد تعرفه والحجه عشان لا اعايرها في المستقبل او اشك فيها انها ممكن تكلم غيري زي ماكلمتني!

ابغى اواجهه و اثبتله اني من الشخص اللي يفكر فيه بالرغم اني تجرأت و كلمته وقت ما عرف عن الموضوع الا انه الان ماخذ هذي الفكره في باله

اتمنى الاقي حل عندكم نفسيتي تعبانه من كثر التفكير وانا في فترة اختبارات حاليا.