اكتشفت خيانة زوجتي بعد ثلاث سنوات من الزواج
 

السلام عليكم ورحمة الله وبركاته

الحمد لله اللي دلني عليكم لأني خلاص بانجن ولا اقدر اتكلم ولا اشكي لأحد لي ثلاث ايام من طلقت زوجتي
ويشهد الله اني كنت احبها لدرجة الجنون ولكن قدر الله وما شاء فعل والحمد لله .

تزوجتها قبل ثلاث سنوات بالضبط في يوم 17 / 7
عشنا او اني عشت انا اجمل ايام حياتي مع هذي الانسانة وكل آمال وطموح واحلام سالت الله ان تتحقق .

بدات المعاناه بعد سنة من الزواج لم نرزق الولد او البنت اللي تمنيته وكتمت هذا الشعور ولم المح او اشكي هذا الشيء ابدا .
قلت في نفسي لعلي انا السبب او ان العيب مني انا رحت عملت فحوصات وتحاليل واثبتت انني سليم والحمد لله ولم اخبرها بذالك الان جا الدور كيف اني اقنعها بطريقة ما اجرح شعورها واخليها تحلل قلت لها انا اشك اني عقيم ولا باقدر اجيب عيال لذالك باروح احلل تبين تروحين معاي قالت لي انا سليمة قلت بس عشان تتطمنين زيادة . وذهبنا الى المستشفى وسوينا تحاليل والحمد لله طلعت حتى هي سليمة وفرحت فرح لا يوصف وتطمنت قلت لعل الله اختار لنا اللي فيه الخير بتاخر الحمل هذه المدة .
وجلسنا تقريبا 6 ثم اكتشفت السبب في انها لم تحمل او انها لا تريد الحمل وذالك بتعاطيها حبوب منع الحمل .
سالتها لماذا تستخدمها قالت ما تبي تجيب عيال الحين . قلت لها خلاص على راحتك اذا منتي مستعده انا مو مستعجل اهم شيء انت . ومن بعدها بدات الامور تتغير صارت تسهر الليل ةتنام النهار ولا تشيل اي مسؤولية كل وقتها على الالجوال او التلفون بصراحة شكيت في الوضع وصارحتها بالي احس فيه واني ابيها تغير من اسلوبها وتهتم في البيت ولكن زي ما يقولون اذن من طين واذن من عجين كاني ماقلت شيء . قررت اني اخذ جوالها واشوف من اللي تقضي معاه كل هذا الوقت . قلت لها اعطيني جوالك ابي اسجل فيه بحسابي عشان انزل برنامج ما نزل على جوالي بس باشوف ردت الفعل حقها والله قامت جابت الجوال واعطتني اياه .
شفت الجوال فيه شيء غريب مافيه واتس اب ولا فيه رسايل كانه جديد سالتها وين راحو البرامج قالت تفرمت الجهاز قلت خلاص انا راح انزلها لك رفضت بشده وقامت بتاخذ الجوال هنا تاكدت ان فيه شيء تخبيه عني
رفضت اني ارجع الجوال حتى اشوف ايش الشيء اللي فيه نزلت الواتس اب من جديد وثبته برقمها شوي طلع لي استرجاع الرسائل من بطاقة الذاكرة استرجعتها وهنا صار اللي صار . لقيت رسايل ومواعدات مع شباب وصور واشياء والله استحي اني اقولها . سالتها من متى هذا الوضع وبكل برود قالت من زمان سالتها من زمان يعني قبل كم من الوقت قالت تقريبا سنة ونص وانا على هذا الحال هنا انا خلاص الشيطان ركب راسي واللي زاد الطين بلة اني احبها والصرحة جعل يدي تنشل اني ضرتها كف وانا ما احس بنفسي ولحقه كم ضربه زيادة .
دقيت على ابوها قلت له تعال خذ بنتك انا معاد ابيها في حياتي قام يسالني ليه ايش صار اظطريت اني استر عليها مع ان عندي اثباتات ورسائل وصور قلت له بدون سبب بس تعال خذها وللحين ما احد يدري بالسبب الا ابوي بس
والله من يومها اني ما انام في اليوم الا اقل من ساعتين من الغبنه والقهر ومن حبي لها اللي كان ومن اللي سوته فيني .

يشهد الله اني ما قصرت معها في شيء وسالتها انا قصرت في قالت لا والله انك ما قصرت لكن الشيطان لعب علي انا خلاص معاد صدقتها .

المشكلة ان اهلها يلوموني انا على الطلاق لأنهم ما يدرون باللي عندي واللي لقيته في جوالها ومحتفظ فيه لكني ما قدر اقولهم او اوريهم الاثباتات على بنتهم والله خوف عليها وعلى سمعتها وسمعتهم .


والحين حالي والله ما يسر لا عدو ولا صديق ارق وقلت نوم حتى جوال ما ارد عليه مالقيت الا هذا المكان اعبر فيه واطلع ولو جزء بسيط من اللي في دالخلي . وما خفي كان اعظم .

شكرا لكم .

والله المستعان


تم تعديل العنوان ليتناسب مع مضمون الموضوع

رد : الحقيقة اللي ما اقدر اعترف فيها
 

اخوي هل بررت موقفها

هل اعترفت بخطأها ، هل تابت ؟؟؟

رد : الحقيقة اللي ما اقدر اعترف فيها
 

ما هي نوعية علاقاتها

هل هي مجرد رسائل على الجوال وتبادل صور ام تعدت ذلك ؟!

رد : الحقيقة اللي ما اقدر اعترف فيها
 

سبحان الله كانك تحكي قصتي و طلاقي

راح تمر بنفس مراحل قرفي من الحياة و راح تتعب نفسياً .. بس راح تعديها

رد : الحقيقة اللي ما اقدر اعترف فيها
 

وعليكم السلام ورحمة الله وبركاته

جبر الله قلبك بكل خير واصلح حالك

ربي يعوضك بخير منها

خير عملت بسترك عليها واحتفاظك بالجوال الخاص بها

اترك الامر على ماهو عليه ولا تخبر احد
الا ان دعت الحاجة اخبر والدها فقط ،، في حال دفع الضرر عنك

رد : الحقيقة اللي ما اقدر اعترف فيها
 

رد : الحقيقة اللي ما اقدر اعترف فيها
 

من الرسائل اللي عندي انها تعدتها بمراحل

رد : الحقيقة اللي ما اقدر اعترف فيها
 

الله يعيني

والله نفسيتي منتهية

رد : الحقيقة اللي ما اقدر اعترف فيها
 

والله ما ادري ما هي اسباب زيادة خيانات الزوجات والتي تحدث احيانا بكل برودة من قبل الزوجات ، وهذا تأكيد على كلام الاخ سامي

انا عضو قديم في المنتدى لكن في الفترة الاخيرة هالني وادهشني كثرة مواضيع خيانة الزوجات رغم ان قبل عدة سنوات كانت هذه المواضيع نادرة وقليلة .. هل انتشار التقنيات الحديثة لها دور مساعد في ذلك ؟

رد : الحقيقة اللي ما اقدر اعترف فيها
 

شكرا لك على نصحتك