منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   خيانة زوجي وصلتنا لطريق مسدود (http://www.66n.com/forums/showthread.php?t=251871)

ملكة الآحساآآس 18-05-2014 09:28 AM

خيانة زوجي وصلتنا لطريق مسدود
 
السلام عليكم
صباح الخير
كلكم عارفين بخيانة زوجي وكيف انا الحين ابي اعوض نفسي وادور اي مناسبه عشان ننبسط

كنت يوم الخميس مسويه عملية والمستشفى طلب مننا الحضور الساعه 7 ونص وحضرنا والاجراءات الين الساعه 10 الصباح قال زوجي بطلع افطر وارجع لك عشاني صايمه

وطلع واول ماطلع اخذوني على العمليات وانا ابكي خايفه لاني لحالي بس مو هذا الموضوع

طلعت ورحت العناية الساعه وحده

وجاء زوجي وجايب معاه ورد

انا بكيت تخيلت انه كنت لحالي وانا طلبت منه مايتركني لانه حتى وقت الفحص الجهاز يطلع صوت الانذار انه قلبي نبضاته طالعه بسرعه وهو عارف انه انا خوافه

المهم جاء وجلس وراح جاب لي اكل واكلني وراح نام يعني انا مسويه عملية ولحالي من الساعه 4 العصر الين 9 مساء

والطبيب رفض خروجي جاء زوجي وجلس معاي وانا بخاطري انه فيه شي احس فيه شي

اليوم الثاني رجعت بيتي وحصلت زوجي متغيير مهتم مليون مره بنفسه وكانه عريس

على طول شكيت بخيانته لااحد يقولي مو خيط للشك بس بقولكم زوجي دايم خااين

المهم ولدي عند امي وانا مع زوجي كان معاي كويس بس كانه مغصوب عزمني بفندق وتعشينا بس احسه خاين امشي مع واحد خوان

امس جيته وقلت له انا شاكه فيك باختصار راح اصارحك اخذ المصحف وحلف لي ماقابل بنت بس كذا حلف

قلت احلف مالك علاقة رفض يحلف مرره تعبت نفسيا من هالموضوع

صحيت اليوم وهو يتحمم ومزودها حبتين زوجي مو من النوع الي يهتم زي كذا

وتعطر ولبس على الاخر وطلع دوامه انا الشك لعب برااسي

لما وصل دوامه وبعد ساعتين دقيت على دوامه ارسلي واتس وش بغيتي قلت كلمني تلفون من عملك

قال انتي شاكله فيني قلت اي دق علي

دق علي وكلمني

وقالي جهزي اغراضك انا مااتحمل ايش مع وحده تشك فيني ونكديه وماتهتم فيني

قلت له كل شي يصير الحين مني انت السبب فييه انت الي زرعت الشك بينا

اهلي حاليا عرفوا بعض الاشياء عنه وحلفوا لو بس اجيهم بيحرمونه مني ومن ولده ويفضحونه قدام اهله وجماعته

ابوي قال لي قبل كم شهر بيجمع عيال عمه واخوانه الكبار واعلمهم باسلوبهم معاك انا رافضه هالفكره تماما مابي اجيب الموضوع من النهايه

انا مابي حقوقي تضيع انا اعطيته مبلغ وهو عنده دين وفيه حقوق منها النفقه والمصروف

وانا مو متقبله انه يقول جهزي عفشك حتى لو بس من باب التهديد انا مو لعبه ولا من بنات الحرام

بصراحه انا تعبانه نفسيا ومدمره وودي زوجي يدخل معاي المنتدى نفس الي عمله ابو ملك بس ابي مساعدتكم ليا

ساعدوني بارائكم وكيف اخليه يدخل ابيه يهتم فيني ويدللني ويدلعني مابي اطالع احد غيره

ابيه مايقصر علي بشي ولا يخوني مابي اطالع غيره

ولا اابي اخسر بيتي وولدي

رجل طيب جدا 18-05-2014 10:20 AM

رد : خيانة زوجي وصلتنا لطريق مسدود
 
مشكلتك صارت نفسية بالدرجة الاولى

دام انك سامحتيه لازم تعطيه مساحة من الثقة او على الاقل ما تحسسيه بصورة مباشرة انك شاكه فيه مثل حكاية انه يتصل من الدوام .. ما في رجال يقبل بهذا الشي ..

خلك حكيمة ولينة معاه واكسبيه باسلوب طيب وان شاء الله ما بيقصر عليج بشي

sami202 18-05-2014 10:52 AM

رد : خيانة زوجي وصلتنا لطريق مسدود
 
اختي مافي حد ينولد بشك .. الشك يزرع

و صدقيني اختي عمرك ما راح يهنئ لك عايشه مع واحد خائن .. صعبه صعبه

تفقدي ابسط مقومات الزواج و هو ألامان و الطمأنينة و راحت البال

اقولك ايش تسوي

خلي ابوك يقعد معاه و يكون مره شديد معه و يشد اذنه . و يخيره بين انه بنعدل و يصير رجال او انه يسرحك و خلي بنات الليل و الشوارع تغيده

العـ/الفريد/ـقد 19-05-2014 12:23 AM

رد : خيانة زوجي وصلتنا لطريق مسدود
 
هل عاد يا ملكة .. أم مجرد شكوك لم تتعدى مخيلتك؟

ملكة الآحساآآس 19-05-2014 04:35 AM

رد : خيانة زوجي وصلتنا لطريق مسدود
 
لااعلم ولكن اهتمامه المبالغ بنفسه

انا صرت اشك بكل شي اتعبني الشك

صرت اراقب عيونه لما نكون برا

حركاته طلعاته لبسه لما يجي اشمها يمكن يكون فيها عطر نسائي

لما يكون بعمله صرت اتاكد من خلال التلفون واحيانا اطلب منه يصور مكتبه

لاتلوموني زوجي من اول اسبوع زواج لنا خاين

كسر الثقه الي بيننا

سامحته وفي كل مره يعود

المشكله الان بدا الشك يلعب دور رئيسي في حياتنا

لدرجة رحت طبيبة نساء وطلبت منها تتاكد ماعندي مرض جنسي نتيجة خيانات زوجي

وطلبت منها تعطيني دواء لي ولزوجي لاني خايفه يعني دواء زي المضاد من الامراض

زوجي زعل وانا مالومه بس هو الي وصلنا لهدرجه قلت له تبي تريحني خلنا نروح مستشار

او ادخل معاي المنتدى مارفض ولا وافق بس عشان مايجرح كبريائه

المركب الفارغ 19-05-2014 01:43 PM

رد : خيانة زوجي وصلتنا لطريق مسدود
 
اختي الكريمة ..
لا اعرف بداية المشكلة ، بما انني مستجد ، اذا ممكن الرابط ، حتى اقدر اقدم ما لدي بحول الله .

متفائلة بالله35 19-05-2014 01:48 PM

رد : خيانة زوجي وصلتنا لطريق مسدود
 
مشكلتك الثقه
ما فيه ثقه
وراح تضلي تعاني
اما بتبدئي صفحه جديده وبتسامحيه لكن خلي عيونك مفتحه عليه من بعيد لبعيد وادا قدرتي اجمعي ادله واحتفظي فيهن
والتزمي الصمت معاه والابتسامه
او بتروحي استشاريه اسريه تساعدك لان مشكلتك داخليه وعميقه ونفسيه اكثر من انها زوجيه
اسئل الله ان يفرج همك ويهدي بالك امين

ملكة الآحساآآس 20-05-2014 08:08 AM

رد : خيانة زوجي وصلتنا لطريق مسدود
 
ياليت اروح استشاريه او استشاري اسري

لو احد يعرف استشاريين اسريين بالرياض

غير المراكز النفسيه

ملكة الآحساآآس 20-05-2014 08:14 AM

رد : خيانة زوجي وصلتنا لطريق مسدود
 
انا فعلا تعبت ونفسيتي اصبحت بالحضيض

خصوصا بعد ماتركت كل البراهين واعطيته واحرقها لا احس بالامان معاه اطلاقا

دوندرمه 20-05-2014 10:03 AM

رد : خيانة زوجي وصلتنا لطريق مسدود
 
فرج الله همك ويجبر خاطرك

اختي هذا رابط لقسم الاستشارات الخاصة

http://www.66n.com/forums/forumdisplay.php?f=70

ان شاء الله الاخوات يقدورا يساعدونك ويفيدونك

بالتوفيق


الساعة الآن 10:38 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©