|
زوجي رح يسافر مع اصحابه وردة فعلي كانت ...
السلام عليكم
هاذي اول مشاركة لي في المنتدى اللي استفدت منه كثيير ، حابه استشيركم وبالذات الازواج في تصرفي مع زوجي . زوجي امس قال لي أنه حجز ورح يسافر لدولة في شرق آسيا مع اصحابه . طبعا ما قال لي الا بعد ما حجز و قرر قرار نهائي . هو كان متوتر من ردة فعلي ومتوقع اني رح ازعل واتضايق .. ردة فعلي صدممته قلت له تروح وترجع بالسلامة وبالعكس شجعته قلت وسع صدرك وغير جو .. قال اكيد انك زعلانة قلت ابددا ما زعلت بالعكس اللي يسعدك يسعدني . هو جددا انصدم و مو بس هو اللي انصدم لما قلت لامي انه بيسافر للدولة الفلانية قالت امي وانتي وش قلتي ؟ قلت لها ردة فعلي و جددا زعلت وقالت لي رح تندمين انتي كذا تعطينه مجال يصير يسافر كل مره مع اصحابه خلتني اندم على تصرفي انا كنت واثقة فيه بس بعد كلام الناس مرره كرهت سفرته وتمنيت اني زعلت لما قال لي .. سؤالي للازواج لو قررت تسافر وزوجتك كانت ردة فعلها كذا هل هذا الشي رح يسعدك او العكس رح يخليك تتمادى في سفراتك ؟ |
رد : زوجي رح يسافر مع اصحابه وردة فعلي كانت ...
برضو ترجع للزوج ..
يعني لو كان بنيته شيء موب زين او يعني بينساق خلف الناس الي خارج معاهم .. بيتطمن ويقول زوجتي واو ماتعرف بهالامور وتوافق على طول ومافي اي مشكله اكرر الموضوع مره ثانيه .. ولو كان بصراحه مجرد رايح مكان جديد ( وترا مو شرط الدول المشهوره بالفساد مايكون فيها إلا الفساد ! ) ممكن الطبيعه ممكن حاب يروح مكان مايكلف عليه شيء كثير " مصاريف " بهالحاله هالزوج حينبسط من ثقة زوجته فيه هذا رايي ولي عوده .. |
رد : زوجي رح يسافر مع اصحابه وردة فعلي كانت ...
اقتباس:
لكن انا بينت لزوجي اني عارفة الامور هاذي وقلت له انا عارفة ان الدولة اللي رح تسافر لها مشهورة بالدعارة غير شهرتها بالطبيعة بس انا واثقة فيك وعارفة انك مستحيل تخون ثقتي وتسوي شي يغضب رب العالمين . وفعلا انا كنت واثقة فيه وما ابغى اقيد حريته وانكد عليه بس جتني ضغووط من امي وخواتي اللي اكبر مني خلتني اندم على كل كلمة قلتها . حتى وحده من صاحباتي لما درت قالت مفروض تقولين يا انا يا هالسفرة ! انا كنت ماخذه الموضوع ببساطة بس حسسوني الناس ان الموضوع عظيم ! |
رد : زوجي رح يسافر مع اصحابه وردة فعلي كانت ...
اقتباس:
شايف انه رد راقي وتفكيرك ماينفر زوجك ويصارحك بكل حياته .. وشايف انك احتويتيه وعززتي ثقتك فيه .. وبيتذكر كلامك كثير .. بيتذكر ربي اولا .. بعدين كلامك وثقتك فيه .. وبيقدر كلامك كثير .. بجد قلتي كلام من وجهة نظري يتمناه اي زوج .. لا ابدا خطا التفكير ان الدول الفاسده للفساد والدعاره .. على العموم الي يبغى يفسد في كل مكان .. مايحتاج يسافر اساسا .. انا مؤيد لكلامك .. وامك من خوفها عليك وحرصها قالت لك هالاشياء .. ربي يسعدك ان شاء الله .. |
رد : زوجي رح يسافر مع اصحابه وردة فعلي كانت ...
اختي الحبيبة تصرفك ممتاز وبالعكس وبسبب كلامك له راح يأنبه ضميره لو خطى نص خطوة للامور الغلط ...
عليك الحين بالدعاء له ولعائلتك بان الله يبعد عنكم كل سر ومكروه او مكر ان شاء الله ،، اما والدتك فمن خوفها وسماعها عن هالمناطق وشنو يصير فيها ولكن ثقي ان الشخص المستقيم يبقى مستقيم وربي يحميه ويعميه ان شاء الله عن هالامور ومايصير نعمم الفساد على الجميع فمثلا فيه مناطق معينة بهالدولة نفسها تكون فيها مسلمين وياماشاء الله وممكن زوجك يكون فيها وفيه مناطق مختلطة وهكذا ... واما كلام خواتك وصديقاتك فايضا بسببب ما يوصل لهم ولكن لاتخلي ثقتك بزوجك تهتز وتصرفك ممتاز معاه وبيخليه يحاسب ويحترمك ويتذكرك هناك .. ويرجع لك بالسلامة ان شاء الله ويرتاح بالك ويصرف عنكم كل شر ومكر ،، |
رد : زوجي رح يسافر مع اصحابه وردة فعلي كانت ...
اقتباس:
اللهم آميين وياك يارب |
رد : زوجي رح يسافر مع اصحابه وردة فعلي كانت ...
غلط ومليون غلط وامك معاها حق
بالله ما انقهرتي انه حجز وحطك امام الامر الواقع ؟؟؟ على الاقل كان تكلمتي عن النقطة هذي الله يعينك |
رد : زوجي رح يسافر مع اصحابه وردة فعلي كانت ...
اقتباس:
فعلا معك حق وهاذي كانت وجهة نظري بالبداية اللهم آممممين الله يجزاك خير ويسعدك |
رد : زوجي رح يسافر مع اصحابه وردة فعلي كانت ...
اقتباس:
تكلمت معه بهالنقطة وقلت له ان سفرته ما زعلتني اللي زعلني هو انه ما قال لي الا بعد ما حجز وعاتبته على هالنقطة |
رد : زوجي رح يسافر مع اصحابه وردة فعلي كانت ...
استودعيه الله
استودعي سمعه وبصره وفرجه والله خير حافظاً اللي صار صار لاتلومين نفسك |
| الساعة الآن 02:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©