منتدى عالم الأسرة والمجتمع - كيكة الليمون وحلى كاسات الاوريو وكيكة الايسكريم.. لاتفوتكم

منتدى عالم الأسرة والمجتمع (http://www.66n.com/forums/index.php)

- حلويات (http://www.66n.com/forums/forumdisplay.php?f=86)

كيكة الليمون وحلى كاسات الاوريو وكيكة الايسكريم.. لاتفوتكم

من زماااااااااااان عن المشاركة ،،، فحبيت انزل 3 مع بعض ،،،

[img]http://im88.***********/FMIOzY.jpg[/img]

كيكة الليموون ..

يخفق 4 بياض بيض حتى تصبح كالكريمة البيضاء .. ويترك على جنب ..
يخلط كوبين سكر او كوب ونص حسب الرغبه مع 200 غم زبدة ..
ثم نضيف صفار البيض حبه حبة ..مع اضافة بشر ليمونة ..اضافة الى عصيرها وقليل من الفانيلا ..
بعد الخلط بشكل جيد نضيف كوب حليب و 3اكواب دقيق و 4 ملاعق صغيره باكنج بودر
بالتناوب ( مره حليب ومره دقيق ) ...
بعد ذلك نضيف بياض البيض لخليط الكيك ويحرك برفق ..ثم يخبز بالفرن ..

ملاحظة :
الزبدة والبيض والدقيق يكونو بدرجة حرارة الغرفة مسبقا ً ..
من باب احقاق الحق .. الكيكة سوتها اختي الصغرى .. :d >> طفشتني تقول قولي انا سويتها مو انتي :29:

[img]http://im88.***********/QOUV18.jpg[/img]

كاسات حلا الاوريو ..

الطبقة (1)..
كيك شكولاته مقطع مربعات ( استخدمت كيك امريكانا المستطيل )
ومشرب بشكولاته سائلة ..

الطبقة (2) ..
2 دريم ويب + شوية حليب سائل ..
ثم نضيف قشطة .. وشوية حليب نستله ..
+ 8 حبات جنبة كيري .. تخلط بالخلاط

الطبقة (3) ..
1 دريم ويب + شوية حليب سائل + كم حبة بسكوت اوريو ( مطحون)
ثم يزين بنص حبة اوريو ...

[img]http://im88.***********/O4Qwph.jpg[/img]

كيكة الايسكريم .

يذوب قالب شكولاته في حمام مائي .( استخدمت الجالكسي ) ..
ثم يوزع بشكل كامل على قالب السليكوون ( الوسط والاطراف ) ..ثم توضع بالفريزر
احرصي ماتكون كمية الشوكلاته قليل عشان ماتتكسر معاك .

بعد ان يجمد نضع طبقة ايسكريم فانيلا ..ثم يجمد ثم نضيف توفي ومكسرات غير مملحه ..
وتترك قليلا بالفريزر ثم طبقة ايسكريم شوكلاته .. ثم توفي ومكسرات . يجمد ثم اخر طبقة
الايسكريم الفانيلا .. يوضع بالفريرز حتى يجمد .
ثم يقلب بصحن التقديم ويرفع قالب السليكون بررفق ويزين ...
* التوفي( سكر يذوب حتى يشقر ثم نضيف علبة قشطه او حليب نستله ) ..

ممكن تغغير الحشوه .. بانواع ايسكريم المحببه لديك .. او اضافة كيك >> يعني انتي وخيالك وابداعك :22:

وبالصحة والهنااااااااااااااااااااااااااااا

رد : ثلاث انواع حلى رووووعة لاتفوتكم ..

يمي يمي يممممممي :)
كله اطيب من بعضه

دايما نزلوا لنا صور حلويات عشان اشبع منها نفسيا ةاقول لحالي وكاني اكلت :)

رد : كيكة الليمون وحلى كاسات الاوريو وكيكة الايسكريم.. لاتفوتكم

ما شاء الله عليك ,,, من طول الغيبات جاب الغنايم :17:

ما شاء الله عليكم بالعافية

والله انا من كم يوم افكر اسوي كيكة الايس كريم مع الكيك
لكن متكاسلة الصراحة هههههههههههه

عجبتني وايد فكرة الشوكولاته بالقالب ,,, اول مرة اعرفها هههههه

لي عودة ادقق بالوصفات واطلع لك بكم سؤال

الله يسلم يدك ويد اختك ما شاء الله مبدعات ما قصرتواااااا

نطمع بالاكثر :d

رد : كيكة الليمون وحلى كاسات الاوريو وكيكة الايسكريم.. لاتفوتكم

ابشرك طلعت لك بسؤالين من اولها :23:

اقتباس:

يخلط كوبين سكر او كوب ونص حسب الرغبه مع 200 غم زبدة ..
ثم نضيف صفار البيض حبه حبة ..مع اضافة بشر ليمونة ..اضافة الى عصيرها وقليل من الفانيلا ..

السكر ,,, بودرة ولا ناعم الحبيبات
الليمون ,, كم ملعقة تقريبا يعني حبة كبيرة ولا صغيرة
ولا ما تفرق :d:17:

رد : ثلاث انواع حلى رووووعة لاتفوتكم ..

اقتباس:

المشاركة الأصلية كتبت بواسطة Beta2 (المشاركة 3066089)

يمي يمي يممممممي :)
كله اطيب من بعضه

دايما نزلوا لنا صور حلويات عشان اشبع منها نفسيا ةاقول لحالي وكاني اكلت :)

يسلموووووووو ،،،
وان شاء الله دووم ننزل ،،،ولو بيدنا ذوقناك الحلا ^_^

شرفتي موضوعي ،،،

رد : كيكة الليمون وحلى كاسات الاوريو وكيكة الايسكريم.. لاتفوتكم

اقتباس:

المشاركة الأصلية كتبت بواسطة دوندرمه (المشاركة 3066116)

الله يسلمك ويسعدك ،،،،
أتوقع لو سويت بقوالب اصغر بتكون أفضل ،،
وكلنا حاضرين للحبايب أنا وأختي ،،، :26:

رد : كيكة الليمون وحلى كاسات الاوريو وكيكة الايسكريم.. لاتفوتكم

اقتباس:

المشاركة الأصلية كتبت بواسطة دوندرمه (المشاركة 3066117)

ابشرك طلعت لك بسؤالين من اولها :23:

السكر ,,, بودرة ولا ناعم الحبيبات
الليمون ,, كم ملعقة تقريبا يعني حبة كبيرة ولا صغيرة
ولا ما تفرق :d:17:

السكر ناعم الحبيبات ،، ورشيت عليه بودره بعد ما بردت الكيكة ،،،

الليمون الأصفر الكبير ،،، تبشريها ،، وتعصرينها كامله،،

شكرًا ع التعديل بالصور نسيت أحط الحقوق ،،

رد : كيكة الليمون وحلى كاسات الاوريو وكيكة الايسكريم.. لاتفوتكم

السلام عليكم ورحمة الله وبركاته ..
ماشاء الله تبارك الله ، أحلى شيء بأنه بالتشكوليت : )
سلمت يمنيكِ أختي الكريمة ..

رد : ثلاث انواع حلى رووووعة لاتفوتكم ..

اقتباس:

المشاركة الأصلية كتبت بواسطة أعماق (المشاركة 3066179)

يسلموووووووو ،،،
وان شاء الله دووم ننزل ،،،ولو بيدنا ذوقناك الحلا ^_^

شرفتي موضوعي ،،،

تسلمي حبيبتي ما تقصري والله :)

بس انا متبعه نظام وكأني أكلت بخصوص الحلا بالذات ..
الحلويات مو صحاب مع تخفيض الوزن فأشوف وأشبع من المنظر خاصة لما تكون حاجة طيبة مثل اللي نزلتيها

رد : كيكة الليمون وحلى كاسات الاوريو وكيكة الايسكريم.. لاتفوتكم

ماشاء الله
تسلم الايادي