|
أمي سبب تعاستي
السلام عليكم
مااعرف من وين ابدأ .. ! موضوعي صعب وحساس ومتعب .. عانيت منه من الصغر ولا زلت للان صرت اكره امي .. والشعور هذا غصب عني والله اتألم في داخلي لاني مو قادرة احبها زي زمان او أحن عليها من لما كنت صغيرة اكتشفت ان امي تخون أبوي وتستغل غيابه وتدخل رجال البيت كنا صغار تقريبا باامتوسط لماعرفت هالشي انهااااارت قدامي القدوة العظيمة اللي كنت شايفتها فيها امي بتخون ابوي في كل فرصة تجي قدامها ... عندها هوس وحب للرجال والله العظبم ان اي رقم تشوفه بأعلان او جريدة تسجله وتدق عليه وتحاول بكل الطرق انها تجره لعلاقه .. طبعا هي عرفت اننا كشفناها .. تحسبونها استحت؟ او وقفت عن فعلها لا والله الا كانت تزيد وتسوي اللي براسها قدامنا اذكر مرة ضربتني ضرب كانت بتطلع روحي بس لاني قفلت الباب بالمفتاح في غياب ابوي عشان لاتدخل اصحابها كالعاده وصرخت بوجهها ايه قفلته وماراح اطلعه وهي كانت مواعده واحد ومنتظرته والله العظيم ضربتني ووصلت فيها انها اخذت سكين ولحقتني .. لولا اني قفلت علي بالحمام لحد مارجع ابوي باليوم الثاني اكره امي اكرهها .. احس بحزن لما اشوف ابوي كذا مغفل ولايدري عن شي خانته مع رجال من جماعتنا .. مع جيراننا مع معارف ابوي اللي يتصلون يسألون عنه .. مع الغريب اللي يعطيها مجال ابوي كان عنده شغل ويضطر يسافر له يومين ثلاث كل اسبوعين او اسبوع وهي كانت ماخذه راحتها عالاخر تعامل ابوي اسوأ معاملة تصرخ بوجهه .. ماتحترمه .. تحرضنا عليه .. حتى بأكله تطلع روحه لين تجيب له اللي يبيه ابوي شخصيته ضعيفه واوقات كثيرة كانت تفلت اعصابه ويضربها بس كانت تقوم الدنيا على راسه ماتخلي رجال بالقبيله من اقاربه الا تتصل عليه وتتشكى ..وتحاربه بكل كيد الحريم تزوجت وخاولت انسى ماضيها لان مابيدي شي اسويه وتوقعت انها كبرت وتابت لكن للاسف رغم ان عمرها بأواخر الخمسين للحين على حالها .. كل الجماعه كرهتنا بسببها .. ماادري شقول ضيعت سمعتها وشرفها وسمعتنا نحنا بناتها كلنا نعرف بفعلها لكن مااحد فينا قادر يقول شي او يوقفها لانها حتى النصيحه تقلبها لهواش وزعل ودعاوي ماعندي اخوان حنا بنات مكسورات مابيدنا شي لاننا نخاف منها ومن دعاها اقسم بالله تدعي دعاء علينا مايندعي به على كافر ..صرت اكره اروح زيارات لهم اكره ادخل بيتنا البنات ينبسطوا اذا راحوا لاهاليهم ..انا اكره هالروحه واسترجع كل شي مريت فيه بهذا البيت من ظلم وضرب واهمال وخيانه حملتنا مسؤليه البيت واحنا اطفال كنا نطبخ ونغسل ونكنس ونربي اخواتي الصغار وهي مفضية حالها للغزل والعلاقات الغرامية .. انا تعبانه ماني قادرة ابرها ولا احبها وبنفس الوقت خايفه من عقاب ربي لان الوالدين حقهم عظيم اقسم بالله يا اخواتي واخواني انها حاولت كذا مرة تجرني لطريقها باسلوبرغير مباشر يعني تطلب مني اكلم شخص هي لها علاقه معه عشان يتوسط لي بوظيفة في ام كذا ؟ كيف اقدر اتناسى اللي تسويه واتجاهله ؟ كيف اسامحها على كرهها لابوي وتعاملها السئ معاه ؟ كيف اقدر اوصلها وهي تحدنا عالقطيعه ماتبي جيتنا لها ولاتبي نزورها واذا زرناها توضح اننا غير مرغوب فينا امي حتي علاقتنا باهل ابوي خربتها حرمت ابوي من عياله من زوجته الاولى .. وكانت تعبي راسه عليهم لما قلت لها هذا ظلم وحرام اللي تسوينه خلتني عدوتها ودعت علي وصارت تعاملني اخس معاملة والله العظيم اني احاول قد مااقدر اتناسى واعطيها هدايا وفلوس .. لكن االي بالقلب عجزت فيه كيف ابرها قولوا لي كيف ؟ اللهم لاتحملني مالا طاقة لي به ساعدوني ارجوكم |
رد : أمي سبب تعاستي
وعليكم السلام ورحمة الله وبركاته ..
مرحباً أختي الحبيبة أسأل الله أن يفرج كربكِ ويهديها .. المشكلة ليست في تعاملها معكِ الآن المهم والسؤال الذي أسأله هل الوالدة تابت وأوقفت ذلك ؟! كم عمرها ؟! هل يوجد لديها أسباب جعلتها تسلك هذا الطريق أو مشاكل مع الوالد ؟! أسأل الله أن يهديها .. |
رد : أمي سبب تعاستي
للأسف ماتابت للآن ..
وهي كبيرة في السن في اواخر الخمسين .. المشاكل تحدث في كل بيت .. وهي طبيعة الحياة الزوجية ولا أجد انها مبرر للي تسويه احيانا احسها تختلق المشاكل مع والدي ولا اعرف ليه اصلا من وعيت على الدنيا وحياتنا كلها مشاكل.. لكن هل هذا يعطيها الحق بالخيانة ! |
رد : أمي سبب تعاستي
السلام عليكم ورحمة الله وبركاته ..
أنصحكِ بأن تستشيري الأستاذة الحبيبة أنلميتد لأنها ماشاء الله تبارك الله تعرف في هذه الأمور حفظها الله .. الله يهديها ، طبعاً لايحق لكن لابد من أسباب تجعلها تطرق هذا الطريق .. لاتنسي قيام الليل وادعي لها بالهداية دوماً .. دعواتي تُرافقكِ .. |
رد : أمي سبب تعاستي
الدعاء الدعاااااااء ﻻ ينقطع اوصيك يا اختي
تقربي لله بصدقة و باستغفار لأجل أن يصلح حالها و يحسن لها الخاتمة ثم تواصلي مع أهل الحكمة و الدين لكي يفيدوك في وضعها و ان اضطريتي لاخذها لمراكز الارشاد خذيها لانه واضح انه شي مزمن معها .. الله يصلح حالنا و حالها و يهدي ضالة المسلمين |
رد : أمي سبب تعاستي
السلام عليكم ورحمة الله وبركاته
اسأل الله ان يؤجرك في صبرك وبرك 1_تدركين كأبنة ان صلاحها من جهتك بالنصح يكاد ان يكون مستحيلا لان الام لاتحتمل ان يكون "فرخها" اخذا دور الناصح والقائد لها ولعل حسن تعاملك معها يمس البياض الخافت بداخلها ويكبر وتستكين به فتعود لله والا لما وعض الله سبحانه نبينا صلى الله علية وعلى اله وسلم باللين مع القوم ومشاورتهم 2_كأبنة وأم تجدين الحيرة بين قبولها كأم تحتاجينها ورفضها كقدوة وهي الاصل والملعلم الاول لطفولتك ومراحل مختلفة بحياتك حتى قررت الانسلاخ عنها بعد ان فقدت الثقة بكونها المصدر للامان والعلم والخلاق الكريمة حماها الله 3_وبالمقابل وبعد ان اصبحت اما فانت تستنكرين امومتها لك وتحرصين علىان تكوني القدوة الامثل مخبئة الام وجراحات الابنة بداخلك فتكون تربيتك لابناؤك بالغة الصعوبة 4_الصحيح ان امك بها من الاخطاء كانسانه بسبب ماضي لا منهج رباني يعمق بداخلها الايمان ومراقبة المولى ومحبة الذات ولها دور اخر اسمه (ام) وهذا يضعها في وصع حرج قبل ان يضعك كابنة وام معها وعم اسرتك 5_الا اذا ادركت ان المبادئ وان تم تشويهها من اقرب الناس الينا فهي لا مساومة فيها ولاتناط بافعالهم فالمبادئ مبادئ وهي التي توصلك الى حال السلام النفسي من الداخل وقبول امومة امك مقابل رفض اتجاهها وسلوكها 6_اذن دورك هو كما قال تعالى( وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا واتبع سبيل من أناب إلي ثم إلي مرجعكم فأنبئكم بما كنتم تعملون ( 15 ) أ_رفض الاتجاه بالسريره مع الحفاظ على قيمتها كأم ب_المعاملة الحسنة بخفض جناح الذل من الرحمه ج_التوكل على الله في هذا وعدم محاسبتها لانه شأن الله يوم مرجعكما جميعا اليه فيحاسب الجميع عن عمله واحب ان اؤكد على امر مهم ان غضب الوالدين فيما لايغضب الله ويوجب رضاه لا تؤثمي عليه ودعاؤها عليك ليس دعاء بل حديث نفس فـ (لاطاعة لمخلوق على معصية الخالق) 7_ولتصلي لهكذا مرحلة من الهدوء في التعامل مع الفضل بين التعامل معها كأم ورفض سلوكها هناك خطوة واحده فاصلة لتتخلصي من المشاعر الضخمه الضاغطة عليك حماك الله وهي التفريغ الكتابي على ورق و بشكل منهجي بكتابة كل مواقف الطفولة السلبية حتى الان وعند كتابة كل موقف تكتبي تحته مشاعرك باسهاب ثم تصحيح الموقف ومحاكمة الاطراف(بمايرضي الله ) وبعد الانتهاء حرق الاوراق وتاملها وهي تحترق وفقك الله لما يحب ويرضى |
| الساعة الآن 09:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©