منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   العلاقات الأسرية والإجتماعية (http://www.66n.com/forums/forumdisplay.php?f=91)
-   -   والدي يحادث فتاة على الواتس آب .. (http://www.66n.com/forums/showthread.php?t=252341)

خالد 201414 11-06-2014 05:09 PM

والدي يحادث فتاة على الواتس آب ..
 
بسم الله الرحمن الرحيم

السلام عليكم ورحمة الله وبركاته

انا ولد عمري 19 عندي عائلة سعيدة والحمد لله وكلنا نحب بعض
المشكلة في أبوي !!
احكي لكم القصة بس بالله لا احد يأخذها بمزحه او جرح للمشاعر
أبوي كان عنده جوال واحد ولكن بعد فتره قال انه راح يأخذ جوال ثاني بحكم الشغل لانه يبغى يخلي واحد للعمل وواحد لأهل والاصحاب وزي كذا المهم
حمل الواتس وهو ما كان عنده ذيك الخبرة بالجوالات فمرة جا دعاني قال كيف أرسل صورة او فيديو من على الواتس فبالصدفه قريت اسم بنت بس وفيه نحادثه بينه وبين البنت هذي حسبي الله عليها وين ما تكون فعلمته الطريقة ومن يومها وانا عايش في هم ولا صرت اجلس مع الوالد كثير وأحسه معاملته تغيرت كثير معنا وبعدها بأسبوع نسي جواله في الشاحن في السيارة ونزلت أخذته وبسرعة دخلت ع الرسائل ويا ليتني ما دخلت. وبعدها الوالد صار يجلس في السيارة كثير ودائما أشوفه متصل على الواتس.

فما ادري اش أسوي وما ابغى امي تعرف ولا اخواني وأمي وحنا ماقصرنا معاه بشي فليش يسوي فينا كذا الله يسعدكم ساعدوني. وهذي أسوأ اجازة مرت علي
وحسبي الله ونعم الوكيل .

غيمة مطر11 11-06-2014 05:23 PM

رد : الله يوفقكم ساعدووووووني 😰
 
انصحه بطريقه غير مباشره ..ارسل له مقاطع ع الواتس دينيه وفيها نصح وارشاد.. وقول لامك تلتفت لابوك

ana raghadah 11-06-2014 05:36 PM

رد : الله يوفقكم ساعدووووووني 😰
 
اذا هو مو ذاك الزود في التعامل مع البرنامج سوي للبنت حظر بدون ما يعرف وسوي الحظر في لواتس والاتصال والرسائل

يارب نور بصيرتي 11-06-2014 07:52 PM

رد : الله يوفقكم ساعدووووووني 😰
 
بما انه ابوك لسى جديد وتلاقيه اصلا متخوف انت خذ رقم البنت وهددها بانها تبعد عن هالرجال ع اساس انت مو ولده وف نفس الوقت استخدم رقم غريب وارسل لابوك ف الواتس عيب عليك يابو فلان تسوي كذا ولو انه بالحلال احسن من الي تسويه ومن هالكلام الي يهز الرجال

وانت واخوانك سوو فعاليات ف البيت واجبرو ابوكم يقعدو سو حفلة تخرج وحفلة ميلاد واي شي والفت نظر الوالده بانه تنتبه لابوك بطريقة غير مباشرة

الله يصلحه ويهدي بالك

أسير الاحلام 11-06-2014 07:59 PM

رد : الله يوفقكم ساعدووووووني 😰
 
خذ جوال ابوك وسوي للبنت بلوك يعني {حظر} ولاطاعة لمخلوق في معصية الخالق

ولا اذا كان رقمك بدون اسم خذ رقم البنت وانصحها

ندى_1406 11-06-2014 08:21 PM

رد : الله يوفقكم ساعدووووووني 😰
 
مثل ماقالو الاعضاء
واذا علاقتكم تسمح كلمه بينك وبينه وبين له أنه هالأمور مابتليق فيه كارجل كبير وأب لأبناء بعمركم
الله يهديه ويصلحه

خالد 201414 11-06-2014 08:38 PM

رد : الله يوفقكم ساعدووووووني 😰
 
الله يسعدكم ويوفقكم يارب ما قصرتم وجزاكم الله كل خير

ام الملاك 12-06-2014 03:53 AM

رد : والدي يحادث فتاة على الواتس آب ..
 
الله يحفظ لك ابوك وامك ويديم الجو السعيد بلبيت فعلا اعمل لها حظر ولو تقدر احجز يوم فندق لي اهلك يجددوا روحهم وحمسهم يسير ابوك ينسى وخلص لاتشيل هم

مهنــ ابو ــد 12-06-2014 04:22 AM

رد : الله يوفقكم ساعدووووووني 😰
 
اقتباس:

المشاركة الأصلية كتبت بواسطة يارب نور بصيرتي (المشاركة 3074783)
بما انه ابوك لسى جديد وتلاقيه اصلا متخوف انت خذ رقم البنت وهددها بانها تبعد عن هالرجال ع اساس انت مو ولده وف نفس الوقت استخدم رقم غريب وارسل لابوك ف الواتس عيب عليك يابو فلان تسوي كذا ولو انه بالحلال احسن من الي تسويه ومن هالكلام الي يهز الرجال

وانت واخوانك سوو فعاليات ف البيت واجبرو ابوكم يقعدو سو حفلة تخرج وحفلة ميلاد واي شي والفت نظر الوالده بانه تنتبه لابوك بطريقة غير مباشرة

الله يصلحه ويهدي بالك

مع هذا الرد
::PPP


الساعة الآن 09:12 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©