|
خطيبتي قليلة الكلام كيف أستطيع تغيير طبعها
السلام عليكم
أبشركم خلاص أمور زواجي بالتمام و كل شي بالسليم و تمت الملكة و الزواج قريب أيضاً،،،، بس عندي كم سؤال لكم،،، خطيبتي ما تتكلم أبداً يا دوب ترد على قد السؤال و غالباً بنعم او لا ؟!!! متعبني هذا الموضوع قربت تخلص السوالف عندي لانه كل يوم انا اللي اتكلم،،، عطوني مواضيع اتكلم فيها ؟؟ و تصير هذه المواضيع تحبها البنات ؟؟ و سؤال شنو أحسن اقول لخطيبتي انه راح نسافر لشهر العسل او اخليها مفاجئة لها ؟؟ هي ما سألتني أبدا عن هذا الموضوع و لا راح تسألني ؟؟؟ بصراحة نفسي اسوي الشي اللي راح يسعدها اكثر لانها ما قصرت معاي باي شي و تنازلت كثير علشاني،،، و عندي استفسار او طلب نصيحة انا جالس افكر بتأجيل الحمل لمدة سنة او اكثر علشان نعيش اول حياتنا بحرية شوي بس بنفس الوقت متردد ما ادري تفكيري صح او لا ؟؟ ابغى رايكم بتأخير الحمل يعني فوائده و عيوبه ؟؟ يعطيكم العافية مقدماً،،،، |
رد : كم استفسار و طلب نصيحة،،،
وليش مسكين
الا ورجال ونعم فيك، وهالشي واضح من حروفك خلها تتكلم عن نفسها وش تحب وش تكره ؟! كيف يومها تقضيه وش تتمنى من زواجها؟! وش هواياتها؟! والحمل كلامك سليم ، لاحقين على الاطفال بحول الرحمن وقوته والف مبروك |
رد : كم استفسار و طلب نصيحة،،،
اقتباس:
ما أعجبك الاسم ههههه حاولت اسألها و كل شي تتكلم ثواني و يرجع كل شي لحاله حسب انها من النوع اللي يتكلم كثير !!! بالنسبة لتأجيل الحمل انا تفكري الحالي اقول ايه التاجيل افضل،،، بس خايف اقول لها و تأخذ حبوب و كذا و بعد الزواج يتغير التفكير و نصير نبغى أطفال و علشان كذا ودي اعرف مميزات التأجيل و عيوبه علشان يصير القرار بقناعه اكثر و يعطيك العافية أخي الكريم،،، |
رد : كم استفسار و طلب نصيحة،،،
اولا ألف مبروووك والله يجمعكم ع خير ..
من ناحية السفر : قول لها من الآن حتى اذا حابة تجهز نفسها وتشتري أشياء تخص السفر فيكون عندها وقت .. بصراحة زوجي تركها مفاجأة لي ، لكن ما أعجبتني فكرته لأن صدمني ما جهزت شيء ولا مداني وكان السفر بعد الزواج بيومين وهو انشغل بصرف العملات باليومين وما عرفت ارتب شنطتي في وقت محدد .. من ناحية السوالف : اي شيء حاب تعرفه عنها أطرحه منها تأخذوا وقت بالكلام وكمان تتعرف عليها .. وأما انت اسكت عشان تخجل وتفتح هي الهرجة .. والأطفال برضه حلوه فكرتك تأجلهاا لكن ناقشها فيه وشوف رأيها .. واتفقوا |
رد : كم استفسار و طلب نصيحة،،،
اقتباس:
و ايه هذا اللي اسويه معها هذه الايام بس جد جد الكلمة مستحيل تطلع وخصوصاً الكلام الحلو "مافيه امل اسمع كلمة حلوة منها" :( و بصراحة صرت افتعل المشاكل لانها بس ابين اني زعلان تبدا تتكلم و تقول مشاعرها و و و و انا خايف تتعبني بعدين اذا اسلوبها استمر على نفس الحالة,,, مع والله اني احبها و هي لها مواقف معاي,,, و الاطفال ما اذري صراحة اخاف اتكلم و هي يعجبها الموضوع و بعدين اغير رائي و تصير مشكلة,,, هي باقي لها سنتين بالجامعة و علشان كذا احس انها راح تعجبها الفكرة بس خايف يصير ملل بعدين و اصير ابغى اطفال و اكيد كل شي بيد الله بس الانسان يحاول,,, ما دام انك متزوجة ممكن تنصحيني بخصوص هذا الموضوع يعني بعد كم صار عندكم اولاد و حسيتي انكم استعجلتم ؟؟ و يعطيك الله الف عافية,,,, |
رد : خطيبتي قليلة الكلام كيف أستطيع تغيير طبعها
و على فكره احنا بعدنا صغار بالعمر و اختي تنصحني افكر بالموضوع تقول احسن تأخرون الانجاب "بس صراحة استحي اناقش الموضوع مع اختي",,,,
|
رد : خطيبتي قليلة الكلام كيف أستطيع تغيير طبعها
تبي منها كلام حلو الحين؟!!
بدري بدري عليك لا تخاف رح تنطلق وبكرة تجي تشتكي من هذرتها |
رد : كم استفسار و طلب نصيحة،،،
اقتباس:
|
رد : خطيبتي قليلة الكلام كيف أستطيع تغيير طبعها
عادي قليل فيه اتفاق يعني انت تحب السوالف هي عكس
بكره تنعدي منك تسولف ولا انت تسكت. وبعدين لسا بدري على السوالف الطويله. |
رد : خطيبتي قليلة الكلام كيف أستطيع تغيير طبعها
طبيعي بفترة الخطوبه هالششي طبيعي جددددداً
لأنها ماتعودت عليك ولسى فيه حواجز بعد الزواج أكيد بتتغيييير :) الله يجمعكم على خير |
| الساعة الآن 01:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©