|
علاقة زوجي بأبوي ضعيفة رغم أخلاق زوجي العالية
السلام عليكم ورحمة الله وبركاته
بأبدأ في موضوعي ...علاقة زوجي مع ابوي شبه ضعيفه.مع ان زوجي ولد اخته لكن احس ان ابوي دايم الانتقاد له يتوقع منه الاسوء يعني مو متقبله مع ان زوجي خلوق وطيوب ومحبوب وعمر احد قال عنه شي الكل يمدح فيه ورجل يعتمد على نفسه في كل شي مو مثل اللي يلجأ لاهله واخته واخوه عشان يساعدونه في امورة وهذا احبه فيه لكن تصرفات ابوي معه اكررررهها ماحبها تجرحني وتضايقني ليش مايمدح فيه ليش مايذكره بالخير اتعب كثير من هالشي احب زوجي ابو ولدي وماارضى عليه لانه يستاهل كل خير لكن ليش علاقته كذا بابوي مع انه ولد اخته الوحيدة ابوي حتى عمتي علاقته فيها جدا عاااديه يعرفهم بس في المناسبات ابوي حتى بالكلام يجرح زوجي .. الان تزوجت اختي وزوجها يقرب لنا من بعيد قاعده انتظر واشوف كيف بيعامله ابوي ولا بيفضله ع ولد اخته اذا صار كذا ماابقدر اتحمل.... وش الحل تم تعديل العنوان ليتناسب مع مضمون الموضوع |
رد : علاقة زوجي بأبوي
أتوقع حتي زوج أختك نفس الشي والله اعلم
بس انتي لا تضخمين الأمور وتكبرينها في راس زوجك خلاص طنشي وامدحي زوجك عن أبوك وقولي له انه بغليه ويحبه وجيبي هديه يحبها ابوك وقولي هذه من زوجك والكبار في السن صعب نغيرهم لازم نتحملهم اهم شيء علاقتك بزوجك تكون تمام ولا تخليها تتوتر بسبب أبوك |
رد : علاقة زوجي بأبوي
أنا أرى أن الشيء اللي بين أبوك وزوجك مالك علاقه فيه نهائيا وزوجك صدقيني عاقل وعارف انه ابوك ما يطيقه لكنه رجل ولا وضح لك هالشيء لانه يعرف ان مالك علاقه بالموضوع ، فأنا أفضل تبقين بعيده وتعاملين الطرفين بما يرضي الله ولو تشوفينهم يتقاتلون لا تتدخلين ، وعادة الرجل اذا كان متعلق ببناته وخصوصا اذا تزوجت الكبيرة منهم ، تحسينه يشعر بالغيره ويحقد على الرجل الذي تزوج ابنته ، وانا هنا اقوول اول بنت ، وتحصلينه حاقد على زوجها وما يطيقه ويدور عليه الزله ، فلذلك انا اتوقع انك الاولى وهذي ردة فعل طبيعيه من ابوك ، واتوقع بعد زواج اختك يكون عادي جدا
|
رد : علاقة زوجي بأبوي ضعيفة رغم أخلاق زوجي العالية
حبيبتي ببساطة ،، امدحي الطرفين عند الطرفين وشوفي النتيجة السحرية!
وصلي لزوجك كلام على لسان والدك بانه يمتدحه وصفي له موقف اعجبه فوالدك راح يكبر بعين زوجك وتشوفي الاحترام .. وصلي لوالدك كلام على لسان زوجك ويمدح فيه ويرفعه دررجات ومايرضى عليه وبتشوفين شلون والدك شوي شوي يلين ... ما راح تحصلين نتيجة ،، اذا والدم قعد يذم فيه وانتي ترقعين يعني تحاولين تغيرين رايه وتقولين صفات زوجك ... والدك اعتقد من النوع الانتقادي وفيه ناس يبينون حبهم بهالطريقة! ،، جدتي بهالشكل ولكن مجرد ما هالشخص يغيب عنها ومع انها ماتعرف للموبايلات وغيرها تشوفينها تدور يمين يسار الا تتصل لهالشخص وتسأل عنه وتقوله ليش ما مريت علي اليوم وطيبت مكاني بريحتك ،، الله يرحمها ويغفر لها و يفسح عليها قبرها ياارب .. فانتي ممكن والدك من هالنووع يعني مايقصد يجرحه فانتي لا تتضايقين من الوالد ولاتشيلين بقلبك وساعات التطنيش حلوو .. |
رد : علاقة زوجي بأبوي
اقتباس:
انا مشكلتي ذي اكبر الموضوع في نفسي بس لدرجة اني اتعب نفسيا ويكون مزاجي متعكر اكيد علاقتي في زوجي مالها دخل ... جزاك الله خير |
رد : علاقة زوجي بأبوي
اقتباس:
ايوة وهذا اللي الاحظة زوجي ساكت وصابر لانه مره قالي لو يضربني ابوك ماقلت له شي ابوي يصير خاله .. بس انا ابغى ابوي يقدر زوجي ليش كل هذا في نقطة بعد زوجي يقلل الزيارات لبيت اهلي معقوله السبب انه يحس انو ابوي مو طايقه مثلا |
رد : علاقة زوجي بأبوي ضعيفة رغم أخلاق زوجي العالية
مش مهم ابوك يمدح في زوجك.حاولي لا تضخمين الموضوع
ركزي في علاقتك مع زوجك ابوك مش محاسب عن زوجك او العكس.انتي اللي محاسبه لو قصرتي في حق زوجك في العلاقات البشرية لا تتوقعين انها تمشي بالطريقة اللي مفروض تصير |
رد : علاقة زوجي بأبوي ضعيفة رغم أخلاق زوجي العالية
زوجك نفس زوجي بس مع ابوي واخوي
زوجي يتحمل ابوي بشكل كبير وهالشي حبب ابوي فيه وخلاه يسكت وخلى ابوي يحب ولدي كثيييير يموت على حركاتهjh ولكن اخوي يغار من زوجي مع ان اخوي يفوقه في امور كثيره ولكن الفرق بينهم زوجي قنوع وراضي ومبسوط بحياته الله يهنيه واخوي يقارن ويغار مهما ارتفع وترقى ، ، ، الحل كوني مع زوجك وادعميه بدون شوشرة وكثري مدح عند الطرفين خصوصا عند ابوك ابوي مثلا يحب اللي يعجب باراءه انا اوصل له هالشي دائم ان زوجي يثق فيه ومدحه وفعلا زوجي بدأ يقاطع جمعات اهلي وانا احترمت قراره وايده فيه كرامته عندي اهم ، واحتكاكهم سبب حساسية بنفسية زوجي لان اخوي تعليقاته بايخة المهم التفاهم بيننا بالمختصر انا عادي عندي ومو مهم تكون علاقتهم قوية اهم شي الاحترام بينهم يبقى بدل الاحتكاك اللي يسبب نزاعات والحمدلله زوجك متفهم فتجاوزي المسألة وحليها بنفس طويييييل |
رد : علاقة زوجي بأبوي ضعيفة رغم أخلاق زوجي العالية
الي بين ابوك و زوجك صلة رحم موجودة من قبلك و مستمرة بعد
يعني زوجك يحترم ابوك لانه خاله و هذا واجب عليه حتي لو ما تزوج بنته لكن حبيت انبهك لنقطة طرحتيها انت و هي انك مستنية زواج اختك حتي تشوفي هل المعاملة ستختلف و انا اقولك انها قد تختلف و من وجهة نظري انه شكل زواجك هو من يفرض الاختلاف انت متزوجة و عايشة عند اهلك اكثر الوقت , يعني عمليا ما زلت تحت وصاية ابوك علي قول اخوانا المصريين قاعدة في قرابيزه ’ لا تزعلي مني و يمكن هذا الي مخلي ابوك شايف انه زوجك مو قايم بمسؤولياته حتي لو كان يصرف عليك وضعك يخليك تشوفي ابوك في كل حالاته زعله و توتره و نكده و فرحه ايضا غير اختك الي ارح تجي هي و زوجها ضيوف و معروف انه الضيف ما يشوف الا الوجه الجميل من الانسان عشان بعدين ما ترجعي تقارني نفسك بيها و تنكدي علي روحك و حتي زوجك يمكن يكون مدرك لهذا و لهذا لا يظهر التدمر و المهم بعد كل هذا انك تكوني مرتاحة مع زوجك و غير كذا كلها شكليات قد تتغير مع مرور الوقت |
رد : علاقة زوجي بأبوي ضعيفة رغم أخلاق زوجي العالية
امه وابوك اخوان
يعني ابوك خال زوجك وقرايب من قبلك ايش عليك انتي .. لو كان زوجك غريب كان بتخجلي |
| الساعة الآن 01:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©