كيف اتعامل مع زوجتي وقت الدوره ؟؟؟
 

السلام عليكم
يااخوان انا توني متزوج من شهرين
زوجتي طيبه حيل وحبوبه وما تعرف العصبيه
لكن من تجيها الدوره ، تتغير
يصير مالها خلق لشي
وطول الوقت ملازمه الفراش
ومرات تعصب لسبب تافه
انا ما عندي خلفيه بهالامور ومتوهق
خاصه ان توني عريس جديد
فيا اخواني وخواتي
دلوني كيف اتعامل معاها بهالوضع و وش اسوي لها عشان ترتاح
قلبي يوجعني عليها لما تجلس تبكي من الالم

رد : كيف اتعامل مع زوجتي وقت الدوره ؟؟؟
 

دلوني كيف اتعامل معاها بهالوضع و وش اسوي لها عشان ترتاح

ابتعد عنها لما ترتاح وتخلص هذا شيء طبيعي لاتخاف عليها

رد : كيف اتعامل مع زوجتي وقت الدوره ؟؟؟
 

مبارك الزواج وربي يهنيكم ويسعدكم
العصبية وتعكر المزاج أمر طبيعي بسبب
الهورمونات
خلك هادي معها لا تكثر من الحكي
بس قولها إذا إنتي بحاجة شي آمري
جهز لها شي ساخن تشربه
أو كمادات ساخنة


بعد الدورة اسألها عالأمور اللي ودك تسوي
لها خلال ذيك الفترة
وتوكم معاريس راح تعرف تتعامل معها مع الأيام ^_^

رد : كيف اتعامل مع زوجتي وقت الدوره ؟؟؟
 

ياهلا اختي
مااقدر ابتعد عنها
المشكلة تقول خلك بجنبي انا محتاجه لك
واذا جلست بجنبها وكثرت حكي ومزاح تتنرفز !!
انا ابي اغير من جوها الكئيب بس الاسلوب يخونني
وش اسوي ؟

رد : كيف اتعامل مع زوجتي وقت الدوره ؟؟؟
 

ياهلا اختي
الظاهر كذا ، بصير هادي
جزاك ربي كل خير


البارح جلست تقول أبي أمي
من وين أجيب أمها وهي بمنطقه بعيده
انا صحيح طيوب بس ماعرف اتعامل مع البنات خاصه انها حساسه ودلوعه شوي
والا مدري هي بس تصير دلوعه بهالوقت

رد : كيف اتعامل مع زوجتي وقت الدوره ؟؟؟
 

شي طبيعي بسبب الهرمونات يعني غصب عنها
احكيلها
تشرب قرفه مع الشاي بسكر
او تاكل شوكلا
او موز
او جوز
او تتحمم بماء مايل للسخونه راح تسترخي وراح يروح الالم ان شاء الله
وضعها طبيعي
تحملها معليش

رد : كيف اتعامل مع زوجتي وقت الدوره ؟؟؟
 

أخوي هالشي تمر فيه غالب النساء
يتغير مزاجها بسبب تغير الهرمونات سبحان الله
ﻻ ادلعها وﻻ اطنشها خلك عادي
واذا تبيك جنبها روح لها

الله يسخركم لبعض

رد : كيف اتعامل مع زوجتي وقت الدوره ؟؟؟
 

بما انها تصل للبكاء يعني الالم شديد
بعضهن ترتاح باخذ مشروبات ساخنة وكمادات ساخنة وبعض بمسكنات قوية
بس كم تستمر نوبة الالم يوم واحد او اكثر

لكل العصبية والكئابة شئ طبيعي مع الالم وتغير هرموناتها

رد : كيف اتعامل مع زوجتي وقت الدوره ؟؟؟
 

عادي
انت بضحكك بمزح ترسل رسالة انك مش حاسس فيها
لا تمازحها لا تضحكها اقلك اجلس انت جنبها خذها بحضنك
الله يحفظكم لبعض

رد : كيف اتعامل مع زوجتي وقت الدوره ؟؟؟
 

مو مطلوب منك تطلعها من جو الاكتئاب .. اللي عليك انك تتفهم وضعها عشان ما تضغط عليها وتصير بينكم مشاكل ما لها لزمة
وهي كلها يومين وتعدي