أختي الصغيرة طلبت مني تعويض للخسائر المعنوية..
 

السلام عليكم ورحمة الله وبركاته..

كيف حالكم ؟

انا في وقت من الأوقات كنت لا أطاق أبدا كنت احس اني منبوذة من أهلي ..

كان احد اخواني شرس معنا وكان يضربني بشدة انا و2 من أخواتي وأخواي

وكنت لما اعصب او أزعل او ارفع صوتي على احد يقولون اني زي فلان اخي

وأخي هذا كان ممسوس فيه جني ..

وصرت احس ان فيني جني ..

مرت بي فترات عصيبة وكنت اخاف في الليل وامي تطردني من غرفتها ..
لما اخاف تقول هذا دلع ..

وكانت تقول لي انت ما راح تتوفقي مع زوجك لانك عصبية
وامي أيضاً عصبية .. وتصرخ على ابي..


وكنت امزق ملابسي لما اعصب واقول انهم ما يحبوني كنت اكره نفسي واقول اني سيئة..

صرت أمارس عملا سيئا منذ ان كنت طفلة الى وقت قريب جدا ..
لكن تقريبا تخلصت منه وليس تماماً .. لكن لم يعد بالصورة المرضية تلك .


المهم الحاصل كان لي اخت صغيرة ما لحقت ضرب اخوي .. كانت بيبي أيامها وبعدها اتزوج وانشغل بهواشاته مع زوجته .


انا كنت أؤذي أختي هذه لفظيا ..

والآن تغيرت انا ولله الحمد وصرت هادئة تقريبا ..
وفي جلسة مصارحة مع أختي
قالت لي اننا كنا ننتبذها ونؤذيها فقلت لها سامحيني
قالت أسامحك تعطيني الف ريال ..
وانا قلت لها من عيوني أعطيك ..

بس حاسة مصدومة .. ليش كنت افعل لها هكذا ..

يعني فعلا كنت سيئة مثلما يقولون عني ..

احس اني محد يحبني .. احتاج لحب ..


آسفة كلامي مخربط وآسفة انلميتد قفلت الموضوع ظنيت انك مشغولة
وحسيت اني راح أثقل عليك وزعلت من نفسي اني ثقيلة على الناس ومحد يبغاني.

رد : أختي الصغيرة طلبت مني تعويض للخسائر المعنوية..
 

عوضيها اذا كان ذلك يريح ضميرك
الاهل احيانا يكونون السبب بالم وجنون ابناءهم

رد : أختي الصغيرة طلبت مني تعويض للخسائر المعنوية..
 

عوضيها و الاهم تغيرك

الحب انتي اول اعطيه عشان تستقبلي حب بإذن الرحمن

و الله يكرمك بالحب يآرب و القبول من الناس

رد : أختي الصغيرة طلبت مني تعويض للخسائر المعنوية..
 

اهلًا مبتعثة .. أكيد راح اعوضها باذن الله ..
مع ان مالي تقريبا تحت تصرف أمي
والآن مسافرين للعلاج على حسابي..

احس انها ماراح تعطيني من فلوسي.. !

استحي اطلب منها .

حلال على أهلي فلوسي بس نفسي أعوض أختي هذه

وحاسة ان امي ما راح توافق آخذ الف من راتبي حتقول عندنا التزامات !
قبل فترة اشتريت لابتوب فخم بس بعد توسل حتى رضيت .

ايش الطريقة المناسبة ؟
ما أتذمر اني اصرف على أهلي
وبرضاي اعطيهم ..،

بس احب اني اعمل أشياء لها قيمة عندي
وهم عندهم ليس لها قيمة فلازم أقنعهم اول.

رد : أختي الصغيرة طلبت مني تعويض للخسائر المعنوية..
 

انا اتغيرت وصرت طيبة معها واقبل خدها واحضنها..

وأتكلم معها وهذا الشيء خلاها تفتح لي قلبها ..

وقالت اني كنت أوذيها..
وللمعلومية مو بس انا بل الكل .. تقول كانو يؤذونها.
قلت لها ماعلي من غيري علي مني انا وش تبغي عشان ترضي
وطلبت ألف

رد : أختي الصغيرة طلبت مني تعويض للخسائر المعنوية..
 

لا هارت فلوسك انتي الي تتحكمي فيها
واعطي اهلك ولكن لا تنسي نفسك

رد : أختي الصغيرة طلبت مني تعويض للخسائر المعنوية..
 

[
مبتعثة أهلي تقريبا محتاجين ..
وانا اول ما اتوظفت ابوي قال لي تبغين من راتبك شيء
طلبت مبلغ كنت ناوية اشتري لامي هدية .. فخمة. وقلت له حلال فلوسي لكم
وكان حلمي أعالج احد أفراد أسرتي وهاهو تحقق الحلم اخذت استقطاع..
كيف يعني فلوسي أتحكم فيها ؟!
لما أبغى شيء يوفرونه لي ولما اطلب اي مبلغ يعطوني..
بس مترددة اطلب مبلغ كبير حتى أختي الثانية ودي اجبلها هدية فخمة
وما ابغاهم يدرون.
اففف تعبت اضحك على نفسي اقول عادي ثم ارجع ألوم نفسي .

رد : أختي الصغيرة طلبت مني تعويض للخسائر المعنوية..
 

راتبك معك وانتي تعطيهم مثل ماتبغين ان شاءالله كله
لكن مش تطلبي مصرف من راتبك

رد : أختي الصغيرة طلبت مني تعويض للخسائر المعنوية..
 

طيب ابوي الله يحفظه هو اللي يقوم بشؤوننا ..
اقصد بشؤوننا أغراضنا الخ ..
تراه طيب جدا الله يحفظه ويوصلنا بنفسه للجامعة ما يخلي سواق يودينا
يتعب جدا فديته.
وحتى انا عندي الرقم السري تبع حسابه.. في البنك.
وهو صرافتي عنده انا راضية لانه يحب يحافظ على أشياءنا
حتى بطاقة الأحوال تبعنا في درجة .. يعاملنا اننا اطفال
بحب وليس بتحكم وسيطرة

انا الصراحة مو حابة تحكم امي في مالي لانها غالبا ما ترضى الا بصعوبة ..
لكن ابي ما عنده ما مع لو اطلب الراتب كله ..
لكن حتى راتب ابوي امي اللي تتصرف فيه ..
ويخاف منها اذا اشترى شيء بدون علمها!
سوت له مشكله قبل فترة عشان اشترى جهاز جوال .
..

رد : أختي الصغيرة طلبت مني تعويض للخسائر المعنوية..
 

نعم قاسيه وجدا
قريت مواضيعش وانصدمت من قسوة قلبك
اتمنى انش تغيرتي وتلتزمي بالعطاء
الرحمه جميله ومريحه