|
طفلي يخاف بشكل غير طبيعي
السلام عليكم ورحمة الله
اولا كل عام والجميع بأتم صحه يارب...عندي مشكله تخص طفلي وحابه اخذ نصايح اخواتي ..ولدي عمره اللحين 7 سنوات ولمن كان عمره 3 سنوات شاف فلم كرتون الاطفال المحقق كونان وكان يطالع بهدوء وخوف ويرجف والعرق نازل من راسه رحت بسرعه سكرت التلفزيون وغسلت وجهه ومن يومها لحد اليوم بس يشوف لقطه لو بالغلط من هالفلم يصارخ ويبكي بشكل مو طبيعي من الخوف ويجلس ساعات مايفارقني حتى الحمام وانتو كرامى يبيني معاه..وقبل شوي كنت امرر على القنوات وبالغلط طلعت لي محقق كونان وشلتها وربي مامر ثواني بس شافها جلس يصرخ ويبكي ويرجف لدرجة حتى ملابسه صارت غرقانه عرق غسلت وجهه وقريت عليه ورفض ينام بغرفته ونام عندي..ابي اعرف وضعه طبيعي ولمن يكبر بينسى قولو لي اشلون اتصرف لانه صار له اربع سنين على هالحال ومانسي ولاتغير.. |
رد : طفلي يخاف بشكل غير طبيعي
الله يحميه
راى ما تصوره بشكل ضخم وارتبطت الصورة بالخوف والسلوك الناتج عنه فتتلازمان انه بعمر كبير ولعلك تجالسينه وتخبرينه قصص لطيفه عن طفولتك ليأنس وسينتقل لنفسه وعن قصصه او اساليه بنفسك ثم اساليه سؤال مباشر عما رآه في هذا الفلم الكرتوني ودعيه يتحدث وقد يبكي ويصرخ ولكن عليك بتهدئته واخباره انك بجانبه وستساعدينه ليشعر بالراحه دعيه يتحدث عن كل مخاوفه وانصتي ولاتقاطعيه وبعد انتهاؤه اسأليه اساله منطقيه حيال ماقال وصححي مفهومه بشكل ذكي دون التشكيك بعقليته او مايشعر به بل انزلي معه لمخاوفه واسائليه بماينفله من الشعور الى التفكير الله يوفقك ويتغر عينك به |
رد : طفلي يخاف بشكل غير طبيعي
ريهام حبيبتي
لا تخافين راح يزول خوفه تدريجي اول نقطة: خوفه مستمده منك او من زيادة حرصك عليه يعطيه شعور ان العالم مرعب حوله ثانيا: حاولي توصلين له فكرة انها رسم وخيال مو حقيقة ثالثا : لا تحسسينه انها مشكلة الوضع طبيعي وساعديه يتغلب عليها رابعا : اذا حسيتي انه تشجع تحديه يشوف الفلم والله يحفظه ويخليه لك |
رد : طفلي يخاف بشكل غير طبيعي
مكانه الانسب ..
|
رد : طفلي يخاف بشكل غير طبيعي
تسلمون عالرد والنصائح بس انا جلست معاه كذا مره ووضحت له انها
رسوم متحركه وانها مو واقع وكله تمثيل وبرضو سألته وش سبب الخوف قال انه يخاف من شخصيه معينه بهالفلم وحاولت فيه نطالع بالفلم سوى وانا بجنبه رفض وجلس يبكي وراي ومغطي عيونه ..ويقول ان اللي بالفلم يحلم فيهم كثير وفعلا انا لاحظت انه من اول يوم بداء الخوف عنده يصحى اغلب الايام من النوم مفجووع وخايف واحيانا يصرخ ويطلع من غرفته ويجي عندي ويطالع وراه كأن احد ماشي وراه ... |
| الساعة الآن 07:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©